Click it and Unblock the Notifications
Just In
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ബഡ്‌സ് സ്കൂള് പ്രവര്‍ത്തന സജ്ജമായി; ചെലവുകള്‍ എങ്ങനെ വഹിക്കുമെന്നോര്‍ത്ത് കുമ്പഡാജെ പഞ്ചായത്തിന് ആധിയേറി
കുമ്പഡാജെ: കുമ്പഡാജെ പഞ്ചായത്തില്‍ നിര്‍മ്മിച്ച ബഡ്‌സ് സ്കൂള് കെട്ടിടം പ്രവര്‍ത്തന സജ്ജമാകുമ്പോള്‍ തനത് ഫണ്ടില്ലാത്ത പഞ്ചായത്ത് ഭരണസമിതിക്ക് ആധിയേറി. ഒന്നരകോടി രൂപ ചെലവഴിച്ചാണ് ബഡ്‌സ് സ്കൂള് കെട്ടിടം നിര്‍മ്മിച്ചത്. കരാറുകാരന് പണം ലഭിക്കുന്നതോടെ ഇത് പഞ്ചായത്തിന്റെ ആസ്തിയില്‍ വരും. ഇതോടെ ഇവിടെ നിയമിക്കുന്ന ജീവനക്കാരുടെയും ഭക്ഷണത്തിന്റെയും ചെലവ് ആരു വഹിക്കുമെന്ന ആവലാതിയിലാണ് പഞ്ചായത്ത് അധികൃതര്‍. ആകെ 1.70 ലക്ഷം തനത് ഫണ്ടുള്ള പഞ്ചായത്ത് നിത്യചെലവിന് തന്നെ ബുദ്ധിമുട്ടുകയാണ്. ഇങ്ങനെയൊരു സാഹചര്യമുള്ളപ്പോഴാണ് നബാര്‍ഡിന്റെ സഹായത്തോടെ പഞ്ചായത്തില്‍ കെട്ടിടം പണിതത്.
വര്‍ഷത്തില്‍ ഇതിന് ഏകദേശം 25 ലക്ഷം രൂപയുടെ അധിക ചെലവ് വേണ്ടിവരുമെന്നാണ് കണക്കുകള്‍ സൂചിപ്പിക്കുന്നത്. കുമ്പഡാജെ പഞ്ചായത്തിന് ബഡ്‌സ് സ്കൂള് അനുവദിച്ചപ്പോള്‍ മുന്‍ പഞ്ചായത്ത് ഭരണ സമിതി ഇതിന്റെ നടത്തിപ്പിന് വേണ്ട ഭാരിച്ച ചെലവിന്റെ കാര്യം ഓര്‍ത്തിരുന്നില്ല. ഫിസിയോ തെറാപ്പിസ്റ്റ്, രണ്ട് സ്‌പെഷ്യല്‍ എജ്യുക്കേഷന്‍ അധ്യാപികമാര്‍, നാല് ആയമാര്‍, ഒരു കുക്ക്, ഭക്ഷണ സാധനങ്ങള്‍, ആംബുലന്‍സ് ഡ്രൈവര്‍, വൈദ്യുതി ബില്‍ എന്നിവയ്ക്ക് കനത്ത സാമ്പത്തിക ചെലവാണ് വേണ്ടി വരുന്നത്.
ആകെയുള്ള 65 സെന്റില്‍ ഹാള്‍, നടുമുറ്റം, അടുക്കള, പരിശോധനാ മുറി എന്നിവയായി 55 സെന്റ് സ്ഥലത്തും കെട്ടിടമാണുള്ളത്. പഞ്ചായത്ത് പരിധിയിലുള്ള എന്‍ഡോസള്‍ഫാന്‍ ബാധിതരായ കുട്ടികളെ കൂടാതെ പുറത്ത് നിന്നുള്ളവര്‍ക്കും സ്‌കൂളില്‍ സൗകര്യം നല്‍കാനാണ് പദ്ധതി തയാറാക്കിയിട്ടുള്ളത്.
പഞ്ചായത്ത് ജീവനക്കാര്‍ക്ക് പോലും ശമ്പളം നല്‍കാന്‍ തനത് ഫണ്ടില്ലാതെ കഷ്ടപ്പെടുകയാണ് പഞ്ചായത്ത് അധികൃതര്‍. സര്‍ക്കാറില്‍ നിന്നും സഹായം ലഭിച്ചാല്‍ സാമ്പത്തിക ബാധ്യത ഒഴിവാകുമെന്ന പ്രതീക്ഷയിലാണ് ഭരണസമിതി. ഡ്രൈവര്‍ക്ക് ശമ്പളം നല്‍കാനാവാത്തതിനാല്‍ പഞ്ചായത്തിന് ലഭിച്ച ആംബുലന്‍സും ഓടുന്നില്ല. പുതിയതായി ലഭിച്ച ആംബുലന്‍സ് ഷെഡില്‍ കിടന്ന് രണ്ടര വര്‍ഷമായി തുരുമ്പെടുക്കുകയാണ്. അതിര്‍ത്തി പ്രദേശങ്ങളില്‍ ചില പഞ്ചായത്തുകളില്‍ എന്‍ഡോസള്‍ഫാന്‍ പാക്കേജില്‍ കെട്ടിടങ്ങള്‍ പണിയുന്നതല്ലാതെ ഇത് ദുരിത ബാധിതര്‍ക്ക് ഒരു പ്രയോജനവുമില്ലെന്ന ആക്ഷേപമുണ്ട്.
