തെരുവുനായ ആക്രമണത്തില് മരിച്ച നിഹാലിന്റെ കുടുംബത്തിന് 10 ലക്ഷം; മന്ത്രിസഭാ തീരുമാനങ്ങള്
തിരുവനന്തപുരം: തെരുവു നായ്ക്കളുടെ ആക്രമണത്തില് മരിച്ച കണ്ണൂര് മുഴപ്പിലങ്ങാട്ടെ നിഹാല് എന്ന കുട്ടിയുടെ കുടുംബത്തിന് സര്ക്കാര് സഹായധനം അനുവദിച്ചു. മുഖ്യമന്ത്രിയുടെ ദുരിതാശ്വാസ നിധിയില് നിന്ന് 10 ലക്ഷം രൂപ നല്കാനാണ് തീരുമാനം. ഈ മാസം 11നാണ് നിഹാല് തെരുവുനായ ആക്രമണത്തില് മരിച്ചത്.
പുതിയ ഡിജിപിയായി ഷെയ്ഖ് ദര്വേഷ് സാഹിബ് ഐപിഎസിനെയും ചീഫ് സെക്രട്ടറിയായി വി വേണുവിനെയും നിയമിച്ചു. ബുധന്, വ്യാഴം ദിവസങ്ങളില് ബലിപെരുന്നാള് അവധി നല്കാനും തീരുമാനിച്ചു. മറ്റു പ്രധാന മന്ത്രിസഭാ തീരുമാനങ്ങള് ഇവയാണ്....
സ്കൂളുകളില് 6043 അധിക തസ്തികകള്
സംസ്ഥാനത്തെ സര്ക്കാര്, എയ്ഡഡ് സ്കൂളുകളില് 2022-23 അധ്യയന വര്ഷത്തെ തസ്തിക നിര്ണ്ണയ പ്രകാരം 6043 അധിക തസ്തികകള് സൃഷ്ടിക്കുന്നതിന് അനുമതി നല്കി. 2326 സ്കൂളുകളിലാണ് തസ്തിക സൃഷ്ടിക്കുക. 2022 ഒക്ടോബര് 1 മുതല് പ്രാബല്യമുണ്ടാകും.
സര്ക്കാര് മേഖലയിലെ 1114 സ്കൂളുകളില് നിന്നായി 3101 അധിക തസ്തികകളും എയ്ഡഡ് മേഖലയിലെ 1212 സ്കൂളുകളില് നിന്നായി 2942 അധിക തസ്തികകളും ഇതില് ഉള്പ്പെടും. 5944 അധ്യാപക തസ്തികകളും 99 അനധ്യാപക തസ്തികകളുമാണ്. ഇതിന്റെ ഭാഗമായി പ്രതിവര്ഷം 58,99,93,200 രൂപയുടെ സാമ്പത്തിക ബാധ്യത വരും.
ഇപ്രകാരം സൃഷ്ടിക്കുന്ന 6043 തസ്തികകളില് എയ്ഡഡ് മേഖലയില് കുറവു വന്നിട്ടുള്ള 2996 തസ്തികകളിലെ അധ്യാപകരെ കെഇആറിലെ വ്യവസ്ഥകള് പ്രകാരം പുനര്വിന്യസിക്കുകയും സര്ക്കാര് മേഖലയില് 1638 അധ്യാപകരെ ക്രമീകരിക്കുകയും ചെയ്യും.
സ്വയം സാക്ഷ്യപ്പെടുത്താമെന്ന ഉത്തരവില് ഭേദഗതി
വിവിധ സര്ക്കാര് സേവനങ്ങള് ലഭ്യമാകുന്നതിനായി രേഖകള്/ സര്ട്ടിഫിക്കറ്റുകള് സ്വയം സാക്ഷ്യപ്പെടുത്താമെന്ന ഉത്തരവില് ഭേദഗതി. ഗസറ്റഡ് ഉദ്യോഗസ്ഥന്/ നോട്ടറി സാക്ഷ്യപ്പെടുത്തണം എന്ന രീതി ഒഴിവാക്കി പകര്പ്പുകള് സ്വയം സാക്ഷ്യപ്പെടുത്താന് 2021ല് അനുമതി നല്കിയിരുന്നു. അതില് ഏതെങ്കിലും നിയമത്തില്, നിശ്ചയിക്കപ്പെട്ട ഉദ്യോഗസ്ഥന് സാക്ഷ്യപ്പെടുത്തണമെന്ന് പ്രത്യേകം നിഷ്കര്ഷിച്ചിട്ടുള്ളവ ഒഴികെയാണ് സ്വയം സാക്ഷ്യപ്പെടുത്താനാവുക എന്നാണ് ഭേദഗതി.
പേരിനൊപ്പം കെഎഎസ് എന്നു ചേര്ക്കാം
സംസ്ഥാന അഡ്മിനിസ്ട്രേറ്റീവ് സര്വ്വീസില് പ്രവേശിക്കുന്ന കെഎഎസ് ഉദ്യോഗസ്ഥര്ക്ക് പേരിനൊപ്പം കെഎഎസ് എന്നു ചേര്ക്കാന് അനുമതി നല്കും. അഖിലേന്ത്യാ സര്വ്വീസ് ഉദ്യോഗസ്ഥര് പേരിനൊപ്പം പ്രസ്തുത സര്വ്വീസിന്റെ ചുരുക്കപ്പേര് ഉപയോഗിക്കുന്ന മാതൃകയിലാവും ഇത്. പരിശീലനം പൂര്ത്തിയാക്കുന്ന കെഎഎസിന്റെ ആദ്യ ബാച്ച് ഉദ്യോഗസ്ഥര് ജൂലൈ 1ന് വിവിധ വകുപ്പുകളില് ചുമതലയേല്ക്കും.
-
‘കേരള ഇലക്ഷൻ ലീഗി’ൽ എൻഡിഎയുടെ ട്വന്റി 20 മാച്ച് -
ഉള്ളത് 84 രൂപ, ഭൂമിയില്ല, തൊഴിലില്ല- കേരളത്തിലെ ആസ്തി കുറഞ്ഞ സ്ഥാനാര്ഥി ഏറ്റുമാനൂരിലുണ്ട് -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
'മാധ്യമങ്ങളാൽ നിർമ്മിക്കപ്പെട്ട ബിംബമല്ല പിണറായി വിജയൻ, സച്ചിദാനന്ദന്റേത് അരാഷ്ട്രീയ വാദം'; ബി ഉണ്ണികൃഷ്ണൻ -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ -
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ് -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000
Click it and Unblock the Notifications
Sign in with Google