ക്യാബിനെറ്റ് പദവിയോടെ, ആര് ബാലകൃഷ്ണപിള്ളയെ മുന്നാക്ക വികസന കോര്പ്പറേഷന് ചെയര്മാനാകും
ആര് ബാലകൃഷ്ണപിള്ളയെ മുന്നാക്ക വികസന കോര്പ്പറേഷന് ചെയര്മാനാക്കും. ഇന്ന് ചേര്ന്ന മന്ത്രിസഭ യോഗത്തിലാണ് ഇതു സംബന്ധിച്ച് തീരുമാനമാക്കിയത്.
തിരുവനന്തപുരം: ആര് ബാലകൃഷ്ണപിള്ളയെ മുന്നാക്ക വികസന കോര്പ്പറേഷന് ചെയര്മാനാക്കും. ഇന്ന് ചേര്ന്ന മന്ത്രിസഭ യോഗത്തിലാണ് ഇതു സംബന്ധിച്ച് തീരുമാനമാക്കിയത്. ക്യാബിനറ്റ് പദവിയോടെയാണ് ബാലകൃഷ്ണപിള്ളയ്ക്ക് മുന്നാക്ക വികസന കോര്പ്പറേഷന് ചെയര്മാന് സ്ഥാനം നല്കുന്നത്.
നോട്ട് നിരോധന കാലത്ത് ബാങ്കുകളിലും എടിഎമ്മുകള്ക്ക് മുമ്പിലും ക്യൂ നിന്ന് മരിച്ചവരുടെ കുടുംബാംഗങ്ങള്ക്ക് രണ്ട് ലക്ഷം രൂപ വീതം ധനസഹായം നല്കാന് തീരുമാനിച്ചിട്ടുണ്ട്. റദ്ദാക്കിയ നോട്ട് മാറ്റിയെടുക്കാന് ബാങ്കിന് മുന്നില് ക്യൂ നിന്ന് മരിച്ച നാലു പേരുടെ കുടുംബാംഗങ്ങള്ക്കും ധനസഹായം ലഭിക്കും. സി ചന്ദ്രശേഖരന് (68 വയസ്-കൊല്ലം), കാര്ത്തികേയന് (75 വയസ്-ആലപ്പുഴ), പിപി പരീത്(തിരൂര്, മലപ്പുറം), കെകെ ഉണ്ണി(48 വയസ്-കെഎസ്ഇബി കണ്ണൂര്) എന്നിവരാണ് മരിച്ചത്.
സംസ്ഥാനത്തെ ആശുപത്രികള്, ലാബുകള്, സ്കാനിങ് സെന്ററുകള് തുടങ്ങിയവയെ നിയന്ത്രിക്കുന്നതിന് തയ്യാറാക്കിയ കേരള ക്ലിനിക്കല് സ്ഥാപനങ്ങള് (രജിസ്ട്രേഷനും നിയന്ത്രണവും) ബില്ലിന്റെ കരട് അംഗീകരിച്ചു.
ട്രാവന്കൂര് കൊച്ചിന് മെഡിക്കല് കൗണ്സില് ജീവനക്കാര്ക്ക് ശമ്പളപരിഷ്കരണം നടപ്പിലാക്കാന് തീരുമാനിച്ചു.കേസുകളുടെ ബാഹുല്യം കണക്കിലെടുത്ത് കൊച്ചി റീജിയണല് ഫോറന്സിക് സയന്സ് ലബോറട്ടറിയില് 11 തസ്തികകള് നല്കാന് തീരുമാനിച്ചു.
കൊച്ചി മെട്രോ രണ്ടാം ഘട്ടത്തിന് ഭരണാനുമതിയായി. ജവഹര്ലാല് നെഹ്റു സ്റ്റേഡിയം മുതല് കാക്കനാട് വഴി ഇന്ഫോപാര്ക്ക് വരെയുള്ള കൊച്ചി മെട്രോ രണ്ടാം ഘട്ടത്തിനാണ് പുതുക്കിയ ഭരണാനുമതി നല്കാന് തീരുമാനിച്ചത്. 2577 കോടി രൂപയാണ് രണ്ടാം ഘട്ടത്തിന് ചിലവ് പ്രതീക്ഷിക്കുന്നത്.
കേരള ഹൈക്കോടതിയില് കോര്ട്ട് മാനേജര്മാരുടെ തസ്തികകള് സൃഷ്ടിക്കാന് തീരുമാനിച്ചു. കേരള ഹൈക്കോടതിയില് വിജിലന്സ് കേസുകള് നടത്തുന്നതിന് മാത്രമായി ഒരു സ്പെഷ്യല് ഗവ. പ്ലീഡര് തസ്തിക സൃഷ്ടിക്കാനും തീരുമാനിച്ചിട്ടുണ്ട്. ഇപ്പോള് അവതിയിലുള്ള ഇ. രതീശനെ പഞ്ചയത്ത് ഡയറക്ടറായി നിയമിക്കാന് തീരുമാനിച്ചു.
അവധിയിലുള്ള വയനാട് കളക്ടര് ബിഎസ് തിരുമേനിയെ ഗ്രാമവികസന കമ്മീഷണറായി നിയമിക്കാന് തീരുമാനിച്ചു. വയനാട് കളക്ടറുടെ ചുമതല തത്കാലം എഡിഎമ്മിനായിരിക്കും.
Click it and Unblock the Notifications
Sign in with Google