Click it and Unblock the Notifications
Just In
Don't Miss
-
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
ബെഹ്റയെ മാറ്റില്ല, ആ മോഹം നടക്കില്ലെന്ന് പിണറായി; സിഎജി റിപ്പോര്‍ട്ടില്‍ വിശദമായ അന്വേഷണം നടക്കുന്നു
തിരുവനന്തപുരം: പോലീസിലെ അഴിമതി ആരോപണത്തല്‍ ഡിജിപി ലോക്നാഥ് ബെഹ്റയെ പിന്തുണച്ച് മുഖ്യമന്ത്രി പിണറായി വിജയന്‍. ഡിജിപിയെ മോശമായി ചിത്രീകരിക്കുന്നത് ശരിയല്ലെന്ന് മുഖ്യമന്ത്രി നിയമസഭയില്‍ വ്യക്തമാക്കി. ഡിജിപി സ്ഥാനത്ത് നിന്നും ലോക്നാഥ് ബെഹ്റയെ മാറ്റില്ല. പ്രതിപക്ഷത്തിന്‍റെ ആ മോഹം നടക്കില്ലെന്നും അദ്ദേഹം പറഞ്ഞു.
പോലീസിന്‍റെ കൈവശമുള്ള തോക്കുകളും തിരകളും കാണാതായെന്ന സിഎജി കണ്ടെത്തല്‍ സര്‍ക്കാര്‍ ഗൗരവത്തോടെയാണ് പരിഗണിക്കുന്നത്. തോക്കുകള്‍ കാണാതായെന്ന സിഎജി കണ്ടെത്തല്‍ വസ്തുതാ വിരുദ്ധമാണ്. തിരകള്‍ കാണാതായ സംഭവത്തില്‍ വിശദമായ അന്വേഷണം നടത്തുകയാണ്. സിഎജി കണ്ടെത്തല്‍ ഗൗരവമെന്ന് കണ്ട് തന്നെയാണ് സര്‍ക്കാര്‍ അന്വേഷണത്തിന് തയ്യാറായതെന്നും മുഖ്യമന്ത്രി നിയസമഭയില്‍ വിശദീകരിച്ചു.
നിലവില്‍ വേറെ അന്വേഷണത്തിന്‍റെ ആവശ്യമില്ല. അറസ്റ്റിലായ പോലീസ് ഉദ്യോഗസ്ഥനടക്കം 11 പേര്‍ക്കെതിരെ വകുപ്പ് തല അന്വേഷണം നടക്കുന്നണ്ട്. സിഎജി റിപ്പോര്‍ട്ട് പബ്ലിക് അക്കൗണ്ട്സ് കമ്മറ്റി പരിശോധിക്കട്ടെ. വെടിയുണ്ടകള്‍ നഷ്ടപ്പെട്ട കാര്യം യുഡിഎഫ് കാലത്ത് മൂടിവെച്ചെന്നും മുഖ്യമന്ത്രി പറഞ്ഞു.
സിഎജി റിപ്പോര്‍ട്ടിന്‍റെ പശ്ചാത്തലത്തില്‍ സര്‍ക്കാറിനെതിരെ പ്രതിഷേധവുമായാണ് പ്രതിപക്ഷം നിയമസഭയില്‍ എത്തിയിരുന്നത്. വിഷയത്തില്‍ പ്രതിപക്ഷം അടിയന്തര പ്രമേയത്തിന് നോട്ടീസ് നല്‍കിയെങ്കിലും സ്പീക്കര്‍ അനുമതി നിഷേധിച്ചു.
