കാലിക്കറ്റ് സര്വ്വകലാശാല യൂണിയന് എസ്എഫ്ഐ തിരിച്ചുപിടിച്ചു; വിജയം മൂന്നു വര്ഷത്തിന് ശേഷം...
മൂന്നു വര്ഷത്തിന് ശേഷമാണ് കെഎസ് യു-എംഎസ്എഫ് സഖ്യത്തില് നിന്ന് എസ്എഫ്ഐ യൂണിയന് തിരിച്ചുപിടിച്ചത്.
തേഞ്ഞിപ്പലം: കാലിക്കറ്റ് സര്വ്വകലാശാല യൂണിയന് എസ്എഫ്ഐ തിരിച്ചുപിടിച്ചു. മൂന്നു വര്ഷത്തിന് ശേഷമാണ് കെഎസ് യു-എംഎസ്എഫ് സഖ്യത്തില് നിന്ന് എസ്എഫ്ഐ യൂണിയന് തിരിച്ചുപിടിച്ചത്. ശനിയാഴ്ച നടന്ന യൂണിയന് തിരഞ്ഞെടുപ്പില് എല്ലാ ജനറല് സീറ്റുകളിലും എസ്എഫ്ഐ സ്ഥാനാര്ത്ഥികള് വിജയിച്ചു.
ചെയര്മാനായി വിപി ശരത് പ്രസാദും, ജനറല് സെക്രട്ടറിയായി എ എന് നീരജും തിരഞ്ഞെടുക്കപ്പെട്ടു. ഇഎം സജിത, എം അജയ്ലാല് എന്നിവരെ വൈസ് ചെയര്മാന്മാരായും, എസ് മുഹമ്മദ് ഷെറിനെ ജോയിന്റ് സെക്രട്ടറിയായും തിരഞ്ഞെടുത്തു. വയനാട് ജില്ലാ എക്സിക്യൂട്ടിവ് സ്ഥാനവും എസ്എഫ്ഐയ്ക്കാണ്.
ഏറെ നാളത്തെ തര്ക്കത്തിനൊടുവിലാണ് കാലിക്കറ്റ് സര്വ്വകലാശാല യൂണിയന് തിരഞ്ഞെടുപ്പ് നടന്നത്. മൂന്ന് വര്ഷം മുന്പാണ് എംഎസ്എഫ്-കെഎസ് യു സഖ്യം അട്ടിമറി വിജയം നേടി യൂണിയന് ഭരണം പിടിച്ചെടുത്തത്. സ്വാശ്രയ കോളേജുകളിലെയും അറബിക് കോളേജുകളിലെയും യുയുസിമാരെ കൂടുതലായി ചേര്ത്തിട്ടും ഇത്തവണ കെഎസ് യു-എംഎസ്എഫ് സഖ്യത്തിന് വിജയിക്കാന് കഴിഞ്ഞില്ലെന്നതും ശ്രദ്ധേയമാണ്.കാലിക്കറ്റ് സര്വ്വകലാശാല യൂണിയന് ഭരണവും പിടിച്ചെടുത്തതോടെ കേരളത്തിലെ എല്ലാ സര്വ്വകലാശാലകളിലെയും യൂണിയന് ഭരണം എസ്എഫ്ഐയുടെ നിയന്ത്രണത്തിലായി.