തിരുമുറ്റത്തേക്ക് തിരികെ ക്ഷണിച്ച് താരങ്ങള്; ആവേശകരമായ വരവേല്പ്
തിരുമുറ്റത്തേക്ക് തിരികെ ക്ഷണിച്ച് താരങ്ങള്; ആവേശകരമായ വരവേല്പ്
കണ്ണൂര്: പൊതുവിദ്യാലയ സംരക്ഷണത്തിനായി കൂടുതല് വിദ്യാര്ഥികളെ ചേര്ക്കുന്നതിനായുള്ള ജില്ലാ പഞ്ചായത്തിന്റെ ശ്രമങ്ങള്ക്ക് പിന്തുണയേറുന്നു. ജില്ലാ പഞ്ചായത്തിന്റെ 'തിരികെ തിരുമുറ്റത്തേക്ക്' പദ്ധതിയുടെ ഭാഗമായി പ്രസിഡന്റ് കെ വി സുമേഷിന്റെ നേതൃത്വത്തില് താരങ്ങളും ജനപ്രതിനിധികളും രാഷ്ട്രീയ പ്രവര്ത്തകരും വീടുകളിലെത്തിയപ്പോള് ആവേശകരമായ വരവേല്പ് ലഭിച്ചു. സര്ക്കാര് സ്കൂളിന്റെ പ്രാധാന്യം ബോധ്യമാക്കുന്നതിന് മീന്കുന്ന് ഹയര്സെക്കന്ററി സ്കൂളിന് സമീപം ശ്രീനിലയത്തില് അമര്നാഥിന്റെയും പള്ളിക്കരമ്മല് അല്അമീന്റെയും വീടുകളിലാണ് ഫുട്ബോള് താരം സികെ വിനീതും ബാലതാരം മാസ്റ്റര് അഭിനന്ദും ബുധനാഴ്ച എത്തിയത്.
ഇരു വീടുകളിലുമായി സമീപ പ്രദേശങ്ങളില് നിന്നുള്പ്പെടെ 13 വിദ്യാര്ത്ഥികളും രക്ഷിതാക്കളും സ്കൂളില് ചേരാന് കാത്തുനിന്നിരുന്നു. പൊതുവിദ്യാലയ മികവിന്റെ പ്രസക്തിയെ കുറിച്ച് സംസാരിച്ചാണ് വിനീതും അഭിനന്ദും കുട്ടിളെ സ്കൂളിലേക്ക് ക്ഷണിച്ചത്. നിങ്ങളുടെ മക്കള് ബിരുദം നേടി റോബോട്ടുകളെ പോലെയാകണമെങ്കില് നിങ്ങള് കുട്ടികളെ ഇംഗ്ലീഷ് മീഡിയത്തിലേക്ക് ചേര്ത്തോളൂ, അല്ല കുട്ടികള് സമൂഹത്തെ അറിഞ്ഞ് സാമൂഹ്യ ജീവിയായി ജീവിക്കണമെങ്കില് സര്ക്കാര് എയ്ഡഡ് സ്കൂളില് തന്നെ പഠിപ്പിക്കണമെന്ന്, തന്റെ അനുഭവം പറഞ്ഞ് സികെ വിനീത് രക്ഷിതാക്കളോട് അഭ്യര്ത്ഥിച്ചു. മികച്ച ബാലതാരമായതിനൊപ്പം എസ്എസ്എല്സിക്ക് എല്ലാ വിഷയത്തിലും എ പ്ലസ് ലഭിച്ചതും പൊതു വിദ്യാലയത്തിന്റെ മികവാണെന്ന് അഭിനന്ദും പറഞ്ഞു.
അല്അമീന്റെ വീട്ടില് ഫുട്ബോള് കളിച്ചാണ് അതിഥികളെ വരവേറ്റത്. ജില്ലാ പഞ്ചായത്ത് വൈസ് പ്രസിഡന്റ് പിപി ദിവ്യ, അഴീക്കോട് പഞ്ചായത്ത് പ്രസിഡന്റ്സി പ്രസന്ന, ജില്ലാ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയര്മാര് കെ പി ജയപാലന്, അംഗങ്ങളായ അജിത്ത് മാട്ടൂല്, പി പി ഷാജിര്, പഞ്ചായത്തംഗം ടിവി വിജയന്, ജില്ലാ പഞ്ചായത്ത് സെക്രട്ടറി വി ചന്ദ്രന്, ഡിഡി സിഐ വല്സല, ഡിഇഒ കെ ലീല, ആര്എംഎസ്എ പ്രൊഗ്രാം ഓഫീസര് കൃഷ്ണദാസ്, എസ്എസ്എ പ്രോഗ്രാം ഓഫീസര് കെആര് അശോകന്, ഡയറ്റ് പ്രിന്സിപ്പള് കെയു രമേശന്, ടിപി വേണുഗോപാല്, പാപ്പിനിശേരി എഇഒ എച്ച് ഹെലന്, കണ്ണൂര് നോര്ത്ത് എഇഒ കെ വി സുരേന്ദ്രന്, സ്കൂള് പ്രിന്സിപ്പള് സി കെ രാജീവന്, പ്രധാനധ്യാപകന് സിടി സുശീല, പിടിഎ പ്രസിഡന്റ് സി ഹരിദാസ് തുടങ്ങിയവരും കുട്ടികളെ സ്കൂളിലേക്ക് ക്ഷണിക്കാന് വീടുകളിലെത്തി.
അഴീക്കോട് മീന്കുന്ന് ഹയര്സെക്കന്ഡറി സ്കൂളില് ബുധനാഴ്ച ഒന്നാം ക്ലാസില് 13 കുട്ടികള് പുതുതായി ചേര്ന്നു. ജില്ലാ പഞ്ചായത്ത് തിരികെ തിരുമുറ്റത്തേക്ക് പദ്ധതി കഴിഞ്ഞ വര്ഷം നടത്തിയതിന്റെ ഭാഗമായി ജില്ലയില് 11,250 വിദ്യാര്ത്ഥികള് ഒന്നാം ക്ലാസിലേക്ക് കൂടുതലായി ചേര്ന്നിരുന്നു. പൊതുവിദ്യാഭ്യാസ മേഖല മികവിന്റെ കേന്ദ്രമാക്കി മാറ്റുന്നതിന് സര്ക്കാര് നടത്തുന്ന ഇടപെടലിന്റെ ഭാഗമായി ഇംഗ്ലീഷ് മീഡിയത്തില് നിന്ന് സര്ക്കാര് എയ്ഡഡ് മേഖലയിലേക്ക് കുട്ടികളുടെ ഒഴുക്കാണ്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google