Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
വിദേശികളുടെ മേല്‍ ചുമത്തിയ ലെവി റദ്ദാക്കണമെന്ന് ജിദ്ദ ചേംബര്‍ ഓഫ് കൊമേഴ്സ്
റിയാദ്: വിദേശ തൊഴിലാളികളുടെ മേല്‍ സൗദി ഭരണകൂടം ചുമത്തിയ ലെവി റദ്ദാക്കണമെന്ന് ജിദ്ദ ചേംബര്‍ ഓഫ് കൊമേഴ്സ് സൗദി തൊഴില്‍ വികസന സാമൂഹിക മന്ത്രാലയത്തോട് ആവശ്യപ്പെട്ടു. വിദേശികള്‍ക്ക് തുല്യമായ എണ്ണം സ്വദേശികള്‍ ജോലി ചെയ്യുന്ന സ്ഥാപനങ്ങളില്‍ വിദേശികള്‍ക്ക് മേല്‍ നിര്‍ബന്ധമാക്കിയിട്ടുള്ള ലെവി റദ്ദ് ചെയ്യണമെന്നതാണ് ചേംബറിന്റെ ആവശ്യം. ഇതുള്‍പ്പെടെ ഏഴ് നിര്‍ദ്ദേശങ്ങളാണ് ചേംബര്‍ ഓഫ് കൊമേഴ്സ് സൗദി തൊഴില്‍ മന്ത്രാലയത്തിനു സമര്‍പ്പിച്ചിരിക്കുന്നത്.
എക്സിറ്റില്‍ പോയ പ്രവാസിയുടെ വര്‍ക്ക് പെര്‍മിറ്റില്‍ ബാക്കിയുള്ള കാലാവധിക്ക് ലെവി ഈടാക്കുന്ന രീതി ഒഴിവാക്കണമെന്നും ചേംബര്‍ ആവശ്യപ്പെടുകയുണ്ടായി. നിലവില്‍ പ്രവാസി ജീവനക്കാര്‍ രാജ്യം വിട്ടാലും ഇല്ലെങ്കിലും അയാളുടെ ഇഖാമ കാലാവധി തീരുംവരെയുള്ള കാലയളവിലേക്ക് ലെവി അടക്കണമെന്നാണ് നിര്‍ദേശം. ആശ്രിതരുടെ ലെവി അടക്കാത്ത വിദേശികളുടെ ബാദ്ധ്യത കമ്പനികള്‍ക്ക് മേല്‍ വെച്ച് കെട്ടരുതെന്നും നിര്‍ദ്ദേശമുണ്ട്. വന്‍ തുക ലെവിയായി അടക്കേണ്ടത് മൂലം ചെറുകിട വ്യവസായങ്ങളും ബിസിനസ് സ്ഥാപനങ്ങളും വന്‍ നഷ്ടത്തിലേക്ക് കൂപ്പുകുത്തുകയാണെന്ന കണ്ടെത്തലിനെ തുടര്‍ന്നാണ് ഇത്തരം ഒരു ആവശ്യവുമായി ജിദ്ദ ചേംബര്‍ രംഗത്തു വന്നത്.
പുതിയ ലെവി സമ്പ്രദായം 2018 ജനുവരി ഒന്നു മുതലാണ് നിലവില്‍ വന്നത്. സൗദികളേക്കാള്‍ കൂടുതല്‍ വിദേശി ജീവനക്കാരുള്ള സ്ഥാപനങ്ങള്‍ 400 റിയാലും ഇവരുടെ എണ്ണം തുല്യമാണെങ്കില്‍ 300 റിയാലും ലെവി അടക്കണമെന്നതാണ് പുതിയ നിര്‍ദേശം. സൗദികളുടെ എണ്ണം കുറവായ കമ്പനികള്‍ക്ക് 2019ല്‍ ഇത് 600 റിയാലും 2020ല്‍ 800 റിയാലുമായി ഉയര്‍ത്താനും തീരുമാനിച്ചിട്ടുണ്ട്.
ജിദ്ദയില്‍ 15.6 ശതമാനം സ്ഥാപനങ്ങളും അടച്ച് പൂട്ടലിന്റെ വക്കിലാണെന്നും, ലെവിയുടെ ബാക്കിയുള്ള കാലാവധിക്ക് അനുസരിച്ചുള്ള ക്യുമുലേറ്റീവ് ബില്‍ വരുന്നതോടെ 11 ശതമാനം സ്ഥാപനങ്ങളും കടുത്ത സാമ്പത്തിക പ്രതിസന്ധിയിലാകുമെന്നും ചേംബറിന്റെ റിപ്പോര്‍ട്ടില്‍ വ്യക്തമാക്കുന്നുണ്ട്. രാജ്യത്തെ 95.2 ശതമാനം സ്വകാര്യ കമ്പനികളും സൗദി തൊഴില്‍ മന്ത്രാലയത്തിന്റെ ക്യുമുലേറ്റീവ് ബില്ലിനെതിരാണെന്നും റിപ്പോര്‍ട്ട് പറയുന്നു.
