കണ്ണൂരിൽ നിയന്ത്രണം വിട്ട കാർ ബസ് സ്റ്റോപ്പിൽ ഇടിച്ചു; രണ്ടു പേർ മരിച്ചു

കണ്ണൂർ: ദേശീയപാതയിൽ മാങ്ങാട് റജിസ്ട്രാർ ഓഫീസിനു സമീപം നിയന്ത്രണം വിട്ട കാർ ഇടിച്ച് ബസ് സ്റ്റോപ്പിൽ നില്കുകയായിരുന്ന രണ്ടു പേർ മരിച്ചു. മാങ്ങാട്ടു സ്വദേശികളായ അബ്ദുൾ ഖാദർ ( 58), പിപി അഫ്റ( 16) എന്നിവരാണ് മരിച്ചത്. ശനിയാഴ്ച രാവിലെ 8 മണിയോടെയാണ് സംഭവം.കണ്ണൂർ ഭാഗത്ത്‌ നിന്നും തളിപ്പറമ്പ ഭാഗത്തേക്ക്‌ പോവുകയായിരുന്ന വാഗണര്‍ കാര്‍ ബസ്റ്റോപ്പിലേക്ക് ഇടിച്ചുകയറുകയും പിന്നീട് ഇലക്ടിക് പോസ്റ്റിന് ഇടിക്കുകയുമായിരുന്നു.

അപകടം നടന്നയുടൻ കാറിലുണ്ടായിരുന്നവര്‍ ഓടിരക്ഷപ്പെട്ടതായി ദൃക്‌സാക്ഷികള്‍ പറഞ്ഞു. കല്യാശ്ശേരി ഹയർ സെക്കന്ററി സൂളിലെ വിദ്വാത്ഥിനിയാണ് മരിച്ച അഫ്റ . രാവിലത്തെ സ്പെഷൽ ക്ലാസിനായി സ്കൂളിൽ പോകാൻ ബസ് കാത്തിരുന്നതിനിടയിലായിരുന്നു അപകടം. പാപ്പിനിശ്ശേരിയിലെ വ്യാപാര സ്ഥാപനത്തിലെ തൊഴിലാളിയാണ് അബ്ദുൾ ഖാദർ.

തലശ്ശേരിയിൽ നിന്നും പരിയാരം ആശുപത്രയിലേക്ക് ബന്ധുവായ രോഗിയെ കാണാൻ പോകവെയാണ് മാങ്ങാട്ട് വെച്ച് അപാകടണ്ടായത്. അപകടം നടന്നയുടൻ ഇരുവരെയും ആശുപതിയിലെത്തിച്ചെങ്കിലും ജീവൻ രക്ഷിക്കാനായില്ല. ഇരുവരുടെയും മൃതദേഹം കണ്ണൂര്‍ എ.കെ.ജി ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. കല്യാശ്ശേരി സ്കൂളിലെ വിദ്യാത്ഥിനിയായ അഫ്രയുടെ മരണത്തെത്തുടർന്ന് കല്യാശ്ശേരി ഗവ. സ്കൂളിന് അവധി പ്രഖ്യാപിച്ചു. കണ്ണപുരം പോലിസ് സ്ഥലത്തെത്തി അന്വേഷണം നടത്തിവരുന്നു.

English summary

car hit onbus stop,two pedestrians died in kannur