ബിനോയിക്കെതിരായ കേസ് പിന്‍വലിക്കും, സഹായിക്കുന്നത് മലയാളി വ്യവസായി, ഉടന്‍ നാട്ടിലേക്ക് മടങ്ങും

  • Written By: Vaisakhan
Subscribe to Oneindia Malayalam
    cmsvideo
      ബിനോയിയെ സഹായിക്കാൻ മലയാളി വ്യവസായി

      കൊച്ചി: സാമ്പത്തിക തട്ടിപ്പിനെ തുടര്‍ന്ന് പ്രതിരോധത്തിലായ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന്‍ ബിനോയ് കോടിയേരിയെ രക്ഷപ്പെടുത്താനുള്ള നീക്കങ്ങള്‍ അവസാന ഘട്ടത്തില്‍. ബിനോയ് നല്‍കാനുള്ള 1.75 കോടി ഉടന്‍ നല്‍കുമെന്നാണ് സൂചന. ഇതിനായി പ്രമുഖനായ ഒരു വ്യാപാരി രംഗത്തെത്തിയതായും സൂചനയുണ്ട്.

      അതേസമയം ബിനോയ് 13 കോടി നല്‍കാനുണ്ടെന്നാണ് നേരത്തെ യുഎഇ കമ്പനിയും മര്‍സൂഖിയും പറഞ്ഞിരുന്നത്. ഇക്കാര്യത്തെ പറ്റി കൂടുതല്‍ പറയുന്നില്ല. നേരത്തെ കോടതിക്ക് പുറത്ത് പ്രശ്‌നം തീര്‍ക്കുമെന്ന് അഭ്യൂഹമുണ്ടായിരുന്നു. ഇതില്‍ പാര്‍ട്ടിയുടെ ഇടപെടലുണ്ടെന്നും സൂചനയുണ്ടായിരുന്നു. കേസില്‍ നല്‍കാനുള്ള പണം ഉടന്‍ നല്‍കി യാത്രാവിലക്ക് മാറ്റുന്നതോടെ ബിനോയ് നാട്ടിലേക്ക് മടങ്ങുമെന്നാണ് അഭ്യൂഹം.

      മലയാളി വ്യവസായി

      മലയാളി വ്യവസായി

      ബിനോയിയുടെ കേസ് ഒത്തുതീര്‍പ്പാക്കാന്‍ കാസര്‍കോട് സ്വദേശിയായ വ്യവസായിയാണ് ഇടപെട്ടതെന്നാണ് സൂചന. ഇയാള്‍ വിഷയം മര്‍സൂഖിയുമായി ചര്‍ച്ച ചെയ്തു. മര്‍സൂഖി ഇതിനോട് അനുകൂലമായിട്ടാണ് പ്രതികരിച്ചതെന്നാണ് സൂചന. മര്‍സൂഖിയുമായി അടുത്ത ബന്ധമുള്ള വ്യവസായി ആണ് ഇയാളെന്ന് സൂചനയുണ്ട്. അതേസമയം ഇനിയും ബിനോയിക്കെതിരെ രണ്ടു കേസുകള്‍ കൂടി ഫയല്‍ ചെയ്യാനുള്ള ശ്രമത്തിലാണ് അദ്ദേഹം.

      സിപിഎം ഇടപെട്ടു

      സിപിഎം ഇടപെട്ടു

      ബിനോയിക്ക് യാത്രാവിലക്ക് ഏര്‍പ്പെടുത്തിയതോടെ ഏറ്റവുമധികം സമ്മര്‍ദത്തിലായത് സിപിഎമ്മിനാണ്. അതുകൊണ്ട് ഈ പ്രശ്‌നങ്ങള്‍ പരിഹരിക്കാന്‍ സിപിഎം ഇടപെട്ടു എന്ന് സൂചനയുണ്ട്. കഴിഞ്ഞ കുറച്ചുദിവസങ്ങളിലായി യാത്രാവിലക്ക് നീക്കുന്നതിലുള്ള ശ്രമങ്ങള്‍ ദുബായിലും കേരളത്തിലുമായി നടന്ന് വരികയായിരുന്നു. പാര്‍ട്ടി നേതാക്കള്‍ പ്രമുഖരുമായി ചര്‍ച്ച നടത്തിയെന്നും സൂചനയുണ്ട്.

      നിയമനടപടിയില്‍ പാളി

      നിയമനടപടിയില്‍ പാളി

      മര്‍സൂഖി നല്‍കിയ പരാതിക്കെതിരെ നിയമപരമായി നീങ്ങാനായിരുന്നു സിപിഎം നേതൃത്വം ബിനോയിക്ക് നല്‍കിയ നിര്‍ദേശം. എന്നാല്‍ ദുബായിലെ നിയമപോരാട്ടങ്ങളില്‍ വേണ്ടത്ര ഫലം കാണാന്‍ കവിഞ്ഞില്ലെന്നാണ് മനസിലാകുന്നത്. ഇതോടെ ഒത്തുതീര്‍പ്പിന് ശ്രമിക്കുകയായിരുന്നു. അതേസമയം കോടിയേരിയുടെ മറ്റൊരു മകന്‍ ബിനീഷിനെതിരെയുള്ള കേസും ചവറ എംഎല്‍എ വിജയന്‍പിള്ളയുടെ മകന്‍ ശ്രീജിത്തിനെതിരെയുള്ള കേസും ഇപ്പോഴും സിപിഎമ്മിന് തിരിച്ചടിയാണ്.

      കോടിയേരിക്ക് തെറ്റി

      കോടിയേരിക്ക് തെറ്റി

      മകനെതിരായ കേസ് അനായാസം ജയിക്കുമെന്ന ആത്മവിശ്വാസത്തിലായിരുന്നു കോടിയേരി. എ്ന്നാല്‍ ഇതെല്ലാം യാത്രാവിലക്ക് വന്നതോടെ തെറ്റി. കേസില്ല എന്ന പറഞ്ഞത് കൂടുതല്‍ പ്രശ്‌നങ്ങളുണ്ടാക്കി. ദുബായില്‍ ഉണ്ടായ കേസായതിനാല്‍ അറബി അവിടെ പോയി പരിഹരിക്കട്ടെ എന്ന കോടിയേരി പ്രസ്താവനയാണ് സംഭവം ഇത്രത്തോളം വഷളാക്കിയത്. ഒടുവില്‍ ഇപ്പോള്‍ മര്‍സൂഖിക്ക് മുന്നില്‍ മാപ്പുപറയേണ്ട അവസ്ഥയിലാണ് കോടിയേരി. മുഖ്യമന്ത്രി പിണറായി വിജയനും സിപിഎം നേതൃത്വത്തിനും ഇത് തിരിച്ചടിയാണ്.

      നിങ്ങളുടെ ജീവിത പങ്കാളിയെ കണ്ടെത്തൂ കേരള മാട്രിമോണിയിൽ - രജിസ്ട്രേഷൻ സൗജന്യം!

      English summary
      case against binoy kodiyeri will be settled soon

      Oneindia യില് നിന്നും തല്സമയ വാര്ത്തകള്ക്ക്
      ഉടനടി വാര്ത്തകള് ദിവസം മുഴുവന് ലഭിക്കാന്

      X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more