Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ബിഷപ്പിനെതിരായ പരാതി; മുന്‍ കന്യാസ്ത്രീകളുടെ മൊഴിയെടുക്കും, ബിഷപ്പിനെ ചോദ്യം ചെയ്യും
കോട്ടയം: ജലന്ധര്‍ ബിഷപ്പിനെതിരായ കന്യാസ്ത്രീയുടെ പരാതിയില്‍ പോലീസ് ശക്തമായ നടപടിക്ക്. സമ്മര്‍ദ്ദം മൂലം പോലീസ് നടപടിയെടുക്കുന്നില്ല എന്ന ആരോപണം നിലനില്‍ക്കെയാണ് പോലീസ് ബിഷപ്പിനെ ചോദ്യം ചെയ്യാന്‍ ഒരുങ്ങുന്നത്. കത്തോലിക്കാ സഭയില്‍ നിന്ന് പുറത്തുപോയ കന്യാസ്ത്രീകളുടെ മൊഴിയെടുക്കാനും പോലീസിന് പദ്ധതിയുണ്ട്.
ബിഷപ്പിനെ ചോദ്യം ചെയ്യുന്ന കാര്യത്തില്‍ പഞ്ചാബ് പോലീസിന്റെ സഹായം ആവശ്യമാണ്. പഞ്ചാബ് പോലീസിനെ ഇക്കാര്യം അറിയിച്ചുകഴിഞ്ഞു. അതേസമയം, താന്‍ തെറ്റൊന്നും ചെയ്തിട്ടില്ലെന്നും വത്തിക്കാനിലേക്ക് പോയിട്ടില്ലെന്നും ബിഷപ്പ് പറഞ്ഞു.
കന്യാസ്ത്രീയും അവര്‍ക്കൊപ്പം നില്‍ക്കുന്ന മഠത്തിലെ കന്യാസ്ത്രീകളുമാണ് നിലവില്‍ ബിഷപ്പിനെതിരെ മൊഴി നല്‍കിയിരിക്കുന്നത്. എന്നാല്‍ ബിഷപ്പിനെ പിന്തുണയ്ക്കുന്ന ചിലരും സഭയിലുണ്ട്. അവര്‍ പോലീസിനോട് ബിഷപ്പിനെ പിന്തുണച്ചാണ് സംസാരിച്ചത്. ഈ സാഹചര്യത്തില്‍ വിശദമായ വിവര ശേഖരണം നടത്തുക എന്ന ലക്ഷ്യമാണ് പോലീസിനുള്ളത്.
ജലന്ധര്‍ രൂപതയില്‍ മുമ്പ് പ്രവര്‍ത്തിച്ച കന്യാസ്ത്രീകളുടെ മൊഴിയെടുക്കാന്‍ പോലീസ് തീരുമാനിച്ചതും ഇതുകൊണ്ടുതന്നെ. ജലന്ധര്‍ രൂപതയ്ക്ക് കീഴില്‍ കേരളത്തില്‍ കോട്ടയത്തും കണ്ണൂരുമാണ് മഠങ്ങളുള്ളത്. കണ്ണൂരിലെ മഠത്തില്‍ പോലീസ് പരിശോധന നടത്തി.
വിശദമായ ചോദ്യാവലി പോലീസ് തയ്യാറാക്കുന്നുണ്ട്. ബിഷപ്പിന്റെ അറസ്റ്റ് ഉടനെയുണ്ടാകില്ലെന്നാണ് വിവരം. ചോദ്യം ചെയ്യുക മാത്രമാണ് ഉദ്ദേശം. തെളിവുകള്‍ കൂടുതല്‍ ലഭിച്ചാല്‍ മാത്രമേ ശക്തമായ നടപടികളിലേക്ക് പോലീസ് നീങ്ങു.
ജലന്ധര്‍ ബിഷപ്പ് 13 തവണ തന്നെ ബലാല്‍സംഗം ചെയ്തുവെന്നാണ് കന്യാസ്ത്രീയുടെ പരാതി. മേലധികാരികളോട് പരാതിപ്പെട്ടിട്ട് നടപടിയുണ്ടായില്ല. തുടര്‍ന്നാണ് പോലീസില്‍ വിവരം അറിയിച്ചതെന്നും കന്യാസ്ത്രീയുമായി ബന്ധമുള്ളവര്‍ പറയുന്നു.
