വിധവയായ വീട്ടമ്മയുടെ ഭൂമിതട്ടിയെടുക്കല്; സിപിഎം ലോക്കല് സെക്രട്ടറിക്കും ബിജെപി ജില്ലാ നേതാവിനുമെതിരെ കേസ്
മലപ്പുറം: വിധവയായ വീട്ടമ്മയുടെ ഭൂമി ബ്ലേഡ് മാഫിയയായി തട്ടിയെടുക്കുന്നുവെന്ന പരാതിയില് സി.പി.എം തിരൂരങ്ങാടി ലോക്കല് സെക്രട്ടറിക്കും ബി.ജെ.പി മുന് ജില്ലാ സെക്രട്ടറിക്കുമെതിരെ പോലീസ് കേസെടുത്തു.
സി.പി.എം ലോക്കല് സെക്രട്ടറി പന്താരങ്ങാടി പതിനാറുങ്ങല് മലയംപള്ളി ഇസ്മയില്, ബി.ജെ.പി മുന് ജില്ലാ സെക്രട്ടറി പന്താരങ്ങാടി കരിപറമ്പ് സി.പി സുധാകരന് എന്നിവര്ക്കെതിരെയാണ് ക്രൈം നമ്പര് 436/17 ആയി ഐ.പി.സി 406, 420, 506 (1) എന്നീ വകുപ്പുകള് പ്രകാരം തിരൂരങ്ങാടി എസ്.ഐ കെ. വിശ്വനാഥന് കേസെടുത്തത്. പന്താരങ്ങാടി ചപ്പത്തിങ്ങല് റസിയയുടെ പരാതിയിലാണ് കേസ്.
നേരത്തെ തിരൂരങ്ങാടി പോലീസ് സ്റ്റേഷനില് പരാതി നല്കിയിട്ടും കേസെടുക്കാതെ പോലീസ് വിഷയം ഒത്തുതീര്പ്പാക്കാനാണു ശ്രമിച്ചതെന്ന് കാണിച്ച് റസിയ ഡി.ജി.പിക്കും മലപ്പുറം ജില്ലാ പോലീസ് മേധാവിക്കും പരാതി നല്കിയിരുന്നു. ഇതിനു ശേഷം വീണ്ടും കോഴിക്കോട് നോര്ത്ത് സോണ് എ.ഡി.ജി.പിക്കും പരാതി നല്കി. ഇതിനെ തുടര്ന്ന് കഴിഞ്ഞ തിങ്കളാഴ്ചയാണ് പോലീസ് കേസ് രജിസ്റ്റര് ചെയ്തത്.
റസിയ കോഴിക്കോട് നോര്ത്ത് സോണ് എ.ഡി.ജി.പിക്ക് നല്കിയ പരാതിയുടെ കോപ്പി
റസിയയുടെ പരാതിയില് പറയുന്നത്: റസിയയുടെ മകന് വിദേശത്ത് പോകുന്നതിന്റെ ആവശ്യത്തിലേക്ക് വീടും സ്ഥലത്തിന്റെയും ആധാരം ഇസ്മയില് വഴി സുധാകരന്റെ അടുത്ത് പണയംവെച്ച് ഒരു ലക്ഷം രൂപ വായ്പവാങ്ങിയിരുന്നു. മൂന്ന് മദ്രക്കടലാസുകളിലും ഒപ്പിട്ടു വാങ്ങിയിരുന്നു. മകന് വിദേശത്തു നിന്നും അയച്ചുതന്നതുപ്രകാരം കടംവാങ്ങിയ ഒരുലക്ഷവും പലിശയും സഹിതം 1,23000 രൂപ സുധാകരനെ എല്പ്പിച്ചെങ്കിലും ആധാരം മടക്കി നല്കിയില്ല. അത് ഇസ്മയിലിനു നല്കിയെന്നാണ് പറഞ്ഞത്. ഇസ്മയിലിനെ സമീപിച്ചപ്പോള് മൂന്നു ലക്ഷം രൂപതന്നാലേ ആധാരം തിരികെ തരൂവെന്നും അല്ലെങ്കില് വീടും സ്ഥലവും മറിച്ചുവില്ക്കുമെന്ന് ഭീഷണിപ്പെടുത്തുകയും ചെയ്തു. സ്ഥലം വാങ്ങുന്നതിനായി പലരെയും പറഞ്ഞയക്കുകയും ചെയ്തു. തിരൂരങ്ങാടി പോലീസില് പരാതി നല്കിയപ്പോള് സി.പി.എം തിരൂരങ്ങാടി ഏരിയാ കമ്മിറ്റി അംഗത്തിന്റെ സഹായത്തോടെ പലതവണ പോലീസ് സ്റ്റേഷനില് വിളിച്ചുവരുത്തി ഭീഷണിപ്പെടുത്തുകയും ഒതത്തുതീര്പ്പാകാന് നിിര്ബന്ധിക്കുകയുമായിരുന്നു. ഇതോടെ ഡി.ജി.പിക്കും കോഴിക്കോട് നോര്ത്ത് സോണ് എ.ഡി.ജി.പിക്കും പരാതി നല്കുകയായിരുന്നു. ഇതോടെയാണ് തിരൂരങ്ങാടി പോലീസ് കേസ് രജിസറ്റര് ചെയ്തത്. നേരത്തെ സി.പി.എം നേതൃത്വത്തിന് റസിയ പരാതി നല്കിയെങ്കിലും പാര്ട്ടി നടപടിയെടുക്കാതെ ഇസ്മയില് ലോക്കല്സമ്മേളനത്തില് സെക്രട്ടറിയായി തെരഞ്ഞെടുക്കുകയായിരുന്നു.
നേതാക്കള്ക്കെതിരെ പോലീസ് കേസെടുത്തതിന്റെ എഫ്.ഐ.ആറിന്റെകോപ്പി.
മുമ്പ് വല്ലാര്പ്പാടം കണ്ടെയിനര് ടെര്മിനല് പദ്ധതിയുമായി ബന്ധപ്പെട്ട ബിസിനസിലേക്കെന്നു പറഞ്ഞ് പ്രവാസിയില് നിന്നും നാലു ലക്ഷം രൂപ തട്ടിയെന്ന പരാതിയില് ഇസ്മയിലിലും ഏരിയാ കമ്മിറ്റി അംഗം ഇബ്രാഹിംകുട്ടിക്കുമെതിരെ കേസെടുത്തിരുന്നു. എന്നാല് പിന്നീട് കേസ് ഒത്തുതീര്ക്കുകയായിരുന്നു. സി.പി.എം നേതൃത്വം സംസ്ഥാനതലത്തില് ബി.ജെ.പിക്കെതിരെ യുദ്ധപ്രഖ്യാപനം നടത്തുമ്പോള് പാര്ട്ടിയുടെ ലോക്കല് സെക്രട്ടറി ബി.ജെ.പി നേതാവുമായി ചേര്ന്ന് ബ്ലേഡ് മാഫിയ കേസില് പ്രതിയായത് പാര്ട്ടിയെ പ്രതികൂട്ടിലാക്കുകയാണ്.
-
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..! -
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
സഞ്ജു സാംസണിന്റെ ആസ്തി എത്ര? ഐപിഎൽ ശമ്പളവും പരസ്യ വരുമാനവും ചേർന്ന് വരുമ്പോൾ.. കണ്ണ് തള്ളും! -
ഈ രാശിക്കാരാണോ? മാര്ച്ച് മുതല് ഘടാഘടിയന് രാജയോഗം; ജീവിതം ഇനി കളറാകും -
സ്വര്ണം വില കൂടി; ഡോളര് ഇടിഞ്ഞത് തിരിച്ചടി, ഇനിയും ചാഞ്ചാട്ട സാധ്യത, ഇന്നത്തെ പവന് വില
Click it and Unblock the Notifications
Sign in with Google