Click it and Unblock the Notifications
Just In
Don't Miss
-
മദ്യപിച്ച് വാഹനമോടിച്ച വ്യക്തിയെ വെറുതെവിട്ട് കോടതി, കാരണം ഓട്ടോ ബ്ര്യൂവറി സിന്ഡ്രം അഥവാ മദ്യപാന രോഗം -
ഞങ്ങളെല്ലാം നല്ല സുഹൃത്തുക്കളായിരുന്നു, പിന്നീട് പ്രശ്നങ്ങൾ; പരസ്പരം സെറ്റിൽ സംഭവിച്ചത്; ഗായത്രി -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ? -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ശ്രീജിവ് കേസില്‍ നടപടികള്‍ മിന്നല്‍ വേഗത്തില്‍; സിബിഐ ഒരുക്കം, ബുധനാഴ്ച കേസ് രജിസ്റ്റര്‍ ചെയ്യും
കൊച്ചി: ശ്രീജിവിന്റെ കസ്റ്റഡി മരണം സംബന്ധിച്ച അന്വേഷണം സിബിഐ ഏറ്റെടുത്തു. സിബിഐയുടെ തിരുവനന്തപുരം സ്‌പെഷ്യല്‍ ക്രൈം യൂണിറ്റ് അന്വേഷിക്കും. ബന്ധപ്പെട്ട ഉത്തരവ് തിരുവനന്തപുരത്തെ സിബിഐ ഓഫീസിലെത്തി.
സിബിഐ അന്വേഷണവുമായി ബന്ധപ്പെട്ട കടലാസ് പണികളില്‍ ഇത്രയും വേഗത ഉണ്ടാകാറില്ല. ആഴ്ചകള്‍ വേണ്ടിവരുന്ന നടപടിക്രമങ്ങളാണ് വളരെ വേഗത്തില്‍ പൂര്‍ത്തിയാക്കിയിരിക്കുന്നത്. ചെന്നൈയിലെ സിബിഐ ജോയിന്റ് ഡയറക്ടറുടെ ഓഫീസില്‍ നിന്നുള്ള ഉത്തരവ് അതിവേഗം തിരുവനന്തപുരം ഓഫീസില്‍ എത്തിക്കുകയായിരുന്നു.
അന്വേഷണം ഏറ്റെടുത്തെന്ന് സിബിഐ ഹൈക്കോടതിയെ അറിയിച്ചിട്ടുണ്ട്. അന്വേഷണം സിബിഐ ഏറ്റെടുത്തുള്ള വിജ്ഞാപനത്തിന്റെ പകര്‍പ്പ് കേന്ദ്ര സര്‍ക്കാര്‍ കോടതിയില്‍ സമര്‍പ്പിച്ചു. ശ്രീജിവിന്റെ അമ്മയുടെ ഹര്‍ജിക്കുള്ള പ്രതികരണമായാണ് ഉത്തരവ് കോടതിയെ അറിയിച്ചത്.
ബുധനാഴ്ച കേസ് രജിസ്റ്റര്‍ ചെയ്യും. നേരത്തെ കേസ് ഏറ്റെടുക്കുമെന്ന് അറിയിച്ചിരുന്നെങ്കിലും തിയ്യതിയും മറ്റും പരസ്യപ്പെടുത്തിയിരുന്നില്ല. തിരുവനന്തപുരം ക്രൈംബ്രാഞ്ച് സംഘമാണ് ഇപ്പോള്‍ കേസ് അന്വേഷിക്കുന്നത്. ഇവരില്‍ നിന്ന് രേഖകള്‍ ആവശ്യപ്പെട്ട് കത്ത് നല്‍കിയിട്ടുണ്ട്. ഇതുലഭിച്ചാല്‍ ബുധനാഴ്ച തന്നെ കേസ് രജിസ്റ്റര്‍ ചെയ്യും.
ശ്രീജിവിന്റെ കസ്റ്റഡി മരണം സംബന്ധിച്ച കേസ് സിബിഐ ഏറ്റെടുക്കണമെന്നാവശ്യപ്പെട്ട് സഹോദരന്‍ ശ്രീജിത്ത് സെക്രട്ടേറിയറ്റ് പടിക്കല്‍ നടത്തുന്ന സമരം രണ്ടര വര്‍ഷം പിന്നിട്ടിരുന്നു. സംഭവം സോഷ്യല്‍ മീഡിയ ഏറ്റെടുത്തതോടെയാണ് ചര്‍ച്ചയായത്.
2014 മെയ് 21ന് പാറശാല പോലീസ് കസ്റ്റഡിയിലിരിക്കെയാണ് ശ്രീജിവ് മരിച്ചത്. പോലീസ് കംപ്ലയിന്റ് അതോറിറ്റി മരണം കൊലപാതകമാണെന്ന് കണ്ടെത്തിയെങ്കിലും ആത്മഹത്യയാണെന്നാണ് ക്രൈംബ്രാഞ്ച് കണ്ടെത്തിയത്. തുടര്‍ന്നാണ് സമരം ആരംഭിച്ചതും ഇപ്പോള്‍ സിബിഐ ഏറ്റെടുത്തതും.
