സോളാര് പീഡനക്കേസ്: കെസി വേണുഗോപാലിനെ സിബിഐ ചോദ്യം ചെയ്തു
തിരുവനന്തപുരം: കോണ്ഗ്രസ് നേതാവ് കെസി വേണുഗോപാലിനെ സോളാര് പീഡനക്കേസില് സിബിഐ ചോദ്യം ചെയ്തു. കഴിഞ്ഞ ആഴ്ച്ച ദില്ലിയില് വെച്ചായിരുന്നു ചോദ്യം ചെയ്യല്. കേസിലെ പരാതിക്കാരിയെ 2012ല് അന്നത്തെ മന്ത്രി എപി അനില് കുമാറിന്റെ ഔദ്യോഗിക വസതിയില് വെച്ച് കെസി വേണുഗോപാല് പീഡിപ്പിച്ചുവെന്നാണ് പരാതി.
ടൂറിസം പദ്ധതിക്ക് സഹായം തേടിയാണ് അനില് കുമാറിനെ കാണാനെത്തിയതെന്ന് പരാതിക്കാരി പറയുന്നു. വേണുഗോപാലിന് എതിരെയുള്ള ഡിജിറ്റല് തെളിവുകളും പരാതിക്കാരി സിബിഐ കൈമാറിയിരുന്നു.
കേസില് നേരത്തെ ക്രൈംബ്രാഞ്ച് അന്വേഷണം നടത്തിയിരുന്നു. കഴിഞ്ഞ പിണറായി സര്ക്കാര് ക്രൈംബ്രാഞ്ചില് നിന്ന് കേസ് സിബിഐക്ക് കൈമാറുകയായിരുന്നു. കേസില് സിബിഐ അന്വേഷണം ആരംഭിച്ചിട്ട് ഏതാണ്ട് എട്ട് മാസത്തോളമായി.
ആദ്യം ചോദ്യം ചെയ്യാന് തീരുമാനിച്ചത് തിരുവനന്തപുരത്ത് വെച്ചായിരുന്നു. എന്നാല് പിന്നീട് ഇത് ദില്ലിയിലേക്ക് മാറ്റുകയായിരുന്നു. ഇതിന് ശേഷമാണ് ചോദ്യം ചെയ്യല് നടന്നത്.
സൂര്യന് ഇല്ലാതാവുമോ? ആയുസ്സ് ഇത്ര മാത്രം; ഭൂമിയും സുരക്ഷിതയല്ല, ലോകാവസാനം വരും, കാരണം ഇതാണ്!!
കേസുമായി ബന്ധപ്പെട്ട് നേരത്തെ സിബിഐ സംഘം കേരള ഹൗസ് ജീവനക്കാരുടെ മൊഴിയെടുത്തിരുന്നു. ആറ് കേസുകളാണ് സോളാര് പീഡനക്കേസില് സിബിഐ രജിസ്റ്റര് ചെയ്തത്. ഇതില് ഹൈബി ഈഡന് എംപിക്കെതിരായ കേസ് സിബിഐ തെളിവുകളില്ലാത്തതിനാല് എഴുതി തള്ളിയിരുന്നു.
ലവ് ഇന് ബാഴ്സലോണ, വിക്കിക്കൊപ്പം നയന്താരയുടെ റൊമാന്റിക് സെല്ഫി, പുതിയ ചിത്രങ്ങള് വൈറല്
സോളാര് പദ്ധതിക്ക് സഹായം വാഗ്ദാനം ചെയ്ത് ഔദ്യോഗിക വസതിയിലും അതിഥി മന്ദിരങ്ങളിലും വിളിച്ചുവരുത്തി നേതാക്കള് പീഡിപ്പിച്ചുവെന്നാണ് പരാതി. കഴിഞ്ഞ നിയമസഭാ തിരഞ്ഞെടുപ്പിന് മുമ്പാണ് സംസ്ഥാന സര്ക്കാര് ഈ കേസ് സിബിഐക്ക് വിട്ടത്. പരാതിയില് മൂന്ന് തവണ കെസി വേണുഗോപാലിനെ ചോദ്യം ചെയ്തിരുന്നു.
രണ്ട് വയസ്സുകാരിയെ പാമ്പ് കടിച്ചു; നിലവിളി കേട്ട് വന്ന മാതാപിതാക്കള് കണ്ടത് അമ്പരപ്പിക്കും കാഴ്ച്ച