സെലിബ്രിറ്റി ക്രിക്കറ്റ്; കേരള ടീമിനെ മോഹന്ലാല് നയിക്കും
കൊച്ചി: ജനുവരി 23ന് ആരംഭിക്കുന്ന സെലിബ്രിറ്റി ക്രിക്കറ്റ് ലീഗിന്റെ ആറാം സീസണില് അമ്മ കേരള സ്ട്രൈക്കേഴ്സിനെ സൂപ്പര്താരം മോഹന്ലാല് നയിക്കുമെന്ന് കേരള സ്്രൈടക്കേഴ്സ് ഭാരവാഹികള് അറിയിച്ചു. മത്സരവുമായി ബന്ധപ്പെട്ട യോഗം വിളിച്ചു ചേര്ത്ത് ചര്ച്ച ചെയ്തശേഷമാണ് ഭാരവാഹികള് ഇക്കാര്യം അറിയിച്ചത്.
ടീമില് കളിക്കുന്ന ചില നടന്മാരുടെ പേരും പുറത്തുവിട്ടു. ആസിഫ് അലി, ഉണ്ണി മുകുന്ദന്, നിവിന് പോളി, കലാഭവന് പ്രജോദ്, ബാല തുടങ്ങിയവരുടെ പേരുകളാണ് പുറത്തുവിട്ടത്. ടീമിലെ മറ്റ് അംഗങ്ങളുടെ പേരുവിവരങ്ങള് ജനുവരി 15നുള്ളില് പ്രഖ്യാപിക്കാനാണ് തീരുമാനം. കുഞ്ചാക്കോ ബോബന് ഇന്ദ്രജിത്ത് തുടങ്ങിയവര് ടീമിലുണ്ടായേക്കുമെന്ന് ഭാരവാഹികള് സൂചന നല്കി.
കൊച്ചി അന്താരാഷ്ര്ട സ്റ്റേഡിയം ആയിരിക്കും ടീമിന്റെ ഹോം ഗ്രൗണ്ട്. ഇവിടെവെച്ച് രണ്ടു മത്സരങ്ങള് നടക്കും. കേരളത്തിന്റെ ആദ്യ മത്സരം 24ന് കര്ണാടക ബുള്ഡോസേഴ്സുമായാണ്. കേരള സ്്രൈടക്കേഴ്സിന്റെ ആദ്യ ഹോം മാച്ച് ജനുവരി 31 വൈകീട്ട് 7 മണിക്ക് ചെന്നൈ റൈനോസുമായിട്ട് നടക്കും. പതിവുപോലെ ഇടവേള ബാബുവാണ് ടീം മാനേജര്.
ജനുവരി 9 മുതല് ടീം അംഗങ്ങള് പരിശീലനം തുടങ്ങും. സിസിഎല് 6ാം സീസണല് 8 ഫ്രാഞ്ചൈസികളാണ് കളിക്കുന്നത്. നേരത്തെ കളിച്ചിരുന്ന അവസരങ്ങളില് താരതമ്യേന മികച്ച പ്രകടനമായിരുന്നു കേരള സ്ട്രൈക്കേഴ്സിന്റെത്. രണ്ട് തവണ സെമിഫൈനല് റൗണ്ടില് കളിച്ച ടീം സി.സി.എല് 4ാം സീസണിലെ രണ്ടാം സ്ഥാനക്കാരുമായി.