താര ക്രിക്കറ്റില് അമ്മ കേരള സ്ട്രൈക്കേഴ്സിനെ ബാല നയിക്കും
കൊച്ചി: സിനിമ താരങ്ങളുടെ ക്രിക്കറ്റ് ചാംമ്പ്യന്ഷിപ്പായ സെലിബ്രറ്റി ക്രിക്കറ്റ് ലീഗില് ( സിസിഎല് ) കേരള സ്ട്രൈക്കേഴ്സിനെ ഫീല്ഡില് നയിക്കുന്നത് ബാല ആയിരിക്കും. ടീമിന്റെ ഉടമകളില് ഒരാളായ മോഹന്ലാല് ഇത്തവണയും നോണ് പ്ലേയിങ് ക്യാപ്റ്റനായി ടീമിനൊപ്പം ഉണ്ടാകും.
താരസംഘടനയായ ആമ്മയുടെ നേതൃത്വത്തിലുള്ള ടീമിലെ മറ്റ് അംഗങ്ങള് ആസിഫ് അലി, ഉണ്ണി മുകുന്ദന്, രാജീവ് പിള്ള, വിനു മോഹന്, റിയാസ് ഖാന്, ബിനീഷ് കോടിയേരി, മണിക്കുട്ടന്, അര്ജുന് നന്ദകുമാര്, സുരേഷ് നായര്, കലാഭന് പ്രജോദ്, വിവേക് ഗോപന്, മുന്ന എന്നിവരാണ്. എന്നാല് ഷൂട്ടിങ് തിരക്കുകള് ഉള്ളതിനാല് ആസിഫലിയും ഉണ്ണി മുകുന്ദനും എല്ലാം മത്സരങ്ങളിലും കളിക്കാന് ഉണ്ടാകില്ലെന്ന് ടീം മാനേജര് ഇടവേള ബാബു പറഞ്ഞു.
സിസിഎല് ആറാം സീസണ് ജനുവരി 23ന് ബാംഗളൂരു ചിന്ന സ്വാമി സ്റ്റേഡിയത്തില് തുടക്കമാവും. ഉദ്ഘാടന മത്സരത്തില് കേരള സ്ട്രൈക്കേഴ്സ് കര്ണാടക ബുള്ഡോസേഴ്സിനെ നേരിടും.
ഫെബ്രുവരി 13ന് സെമി ഫൈനലുകളും 14ന് ഫൈനലും ഹൈദരാബാദ് ഉപ്പല് സ്റ്റേഡിയത്തില് നടക്കും.