'കൃത്യമായി നികുതി അടച്ചു'; മോഹന്ലാലിനേയും ആന്റണി പെരുമ്പാവൂരിനേയും അഭിനന്ദിച്ച് കേന്ദ്രസര്ക്കാര്
തിരുവനന്തപുരം: ജി എസ് ടി നികുതികള് കൃത്യമായി ഫയല് ചെയ്യുകയും അടയ്ക്കുകയും ചെയ്തതിന് കേന്ദ്ര സര്ക്കാര് അംഗീകാരം ലഭിച്ചതായി മലയാളത്തിന്റെ സൂപ്പര് താരം മോഹന്ലാലും നിര്മാതാവ് ആന്റണി പെരുമ്പാവൂരും. കേന്ദ്ര ധനകാര്യ മന്ത്രാലയത്തിന്റെ കീഴില് വരുന്ന സെന്ട്രല് ബോര്ഡ് ഓഫ് ഇന്ഡയറക്ട് ടാക്സ് നല്കിയ സര്ട്ടിഫിക്കറ്റ് മോഹന്ലാലും ആന്റണി പെരുമ്പാവൂരും സമൂഹമാധ്യമങ്ങളില് പങ്കുവെച്ചു.
തനിക്ക് ഇത് സമ്മാനിച്ചതില് കേന്ദ്ര സര്ക്കാരിന് നന്ദി അറിയിക്കുന്നു എന്ന് നടന് മോഹന്ലാല് പറഞ്ഞു. ഇന്ത്യക്കാരനായതില് അഭിമാനിക്കുന്നു എന്നും മോഹന്ലാല് കൂട്ടിച്ചേര്ത്തു. നിര്മാണ കമ്പനിയായ ആശിര്വാദ് സിനിമാസിന്റെ നികുതി ഇടുപാടുകള് കൃത്യമാക്കിയതിനാണ് ആന്റണി പെരുമ്പാവൂരിനെ കേന്ദ്രസര്ക്കാര് അഭിനന്ദിച്ചത്. ആന്റണി പെരുമ്പാവൂരും കേന്ദ്ര ധനകാര്യ മന്ത്രാലയത്തിന്റെ കീഴില് വരുന്ന സെന്ട്രല് ബോര്ഡ് ഓഫ് ഇന്ഡയറക്ട് ടാക്സ് നല്കിയ സര്ട്ടിഫിക്കറ്റ് പങ്കുവെച്ചിട്ടുണ്ട്.
നിശ്ചിത തിയതികളില് കൃത്യമായി നികുതി അടച്ചതിനാണ് അംഗീകാരം ലഭിച്ചിരിക്കുന്നത്. രാഷ്ട്ര നിര്മ്മാണത്തിന്റെ ഭാഗമാകാനും നിങ്ങള്ക്കൊപ്പം നടക്കാനും അനുവദിച്ചതിന് നന്ദി പറയുന്നു എന്നും അഭിമാന നിമിഷമാണ് ഇതെന്നും ആന്റണി പെരുമ്പാവൂരും വ്യക്തമാക്കി. ജീത്തു ജോസഫ്- മോഹന്ലാല് കൂട്ടൂകെട്ടില് പുറത്തിറങ്ങിയ 'ട്വല്ത്ത് മാന്' ആണ് ആശിര്വാദ് സിനിമാസ് നിര്മ്മാണ കമ്പനിയുടെ അവസാന ചിത്രം.
മോഹന്ലാല് വൈശാഖ് കൂട്ടുകെട്ടില് മോണ്സ്റ്റര്, ഷാജി കൈലാസ് ചിത്രം 'എലോണ്', മോഹന്ലാലിന്റെ സംവിധാനത്തിലൊരുങ്ങുന്ന 'ബറോസ്' എന്നീ സിനിമകളാണ് ഇനി ആശിര്വാദ് സിനിമാസിന്റേതായി ഒരുങ്ങുന്നത്. ആന്റണി പെരുമ്പാവൂരിന്റെ ആശിര്വാദ് സിനിമാസ് മലയാള സിനിമയിലെ മുന്നിര നിര്മ്മാണ കമ്പനികളില് ഒന്നാണ്. അടുത്തിടെയായിരുന്നു ആശിര്വാദ് സിനിമാസ് രൂപീകരണത്തിന്റെ 22-ാം വാര്ഷികം ആഘോഷിച്ചത്.
കൊല്ലുന്ന നോട്ടം തന്നെ; വീണ്ടും വൈറല് ചിത്രവുമായി സാധിക
2000-ല് പുറത്തിറങ്ങിയ മോഹന്ലാല് ചിത്രം 'നരസിംഹ'മാണ് ആശിര്വാദ് സിനിമാസ് നിര്മ്മിച്ച ആദ്യ സിനിമ. പിന്നീട് മുപ്പതോളം സിനിമകളാണ് ആശിര്വാദ് സിനിമാസ് നിര്മ്മിച്ചിട്ടുള്ളത്. മോഹന്ലാല് നായകാനായിട്ടുള്ള ചിത്രങ്ങള് മാത്രമാണ് ആശിര്വാദ് സിനിമാസ് നിര്മിച്ചിട്ടുള്ളത്. മോഹന്ലാലിന്റെ മകന് പ്രണവ് മോഹന്ലാല് നായകനായ ആദി മാത്രമാണ് ഇതിനൊരപവാദം. മലയാള സിനിമയിലെ ആദ്യ 50 കോടി, 200 കോടി ക്ലബില് ഇടം നേടിയ ചിത്രങ്ങള് നിര്മ്മിച്ച് ആശിര്വാദ് സിനിമാസ് ആണ്.
-
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ?
Click it and Unblock the Notifications
Sign in with Google