3.3 മീറ്റര് വരെ ഉയരത്തില് ശക്തമായ തിരമാലകള്ക്ക് സാധ്യത, മത്സ്യത്തൊഴിലാളികൾ ജാഗ്രത പാലിക്കണം
തിരുവനന്തപുരം: സംസ്ഥാനത്ത് ചുഴലിക്കാറ്റിനെ തുടർന്ന് ആരംഭിച്ച 108 ക്യാമ്പുകൾ തുടരുന്നതായി മുഖ്യമന്ത്രി പിണറായി വിജയൻ. ഇന്ന് സംസ്ഥാനത്ത് കോട്ടയം, ആലപ്പുഴ, ഇടുക്കി തുടങ്ങി മൂന്ന് ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്. കേരളാ തീരത്ത് മെയ് 19 വരെ 2 മുതല് 3.3 മീറ്റര് വരെ ഉയരത്തില് ശക്തമായ തിരമാലകള് ഉണ്ടാകാന് സാധ്യത ഉണ്ട് എന്നുള്ളതിനാല് മത്സ്യത്തൊഴിലാളികള് കടലില് പോകുമ്പോള് ജാഗ്രത പാലിക്കണം എന്ന് കാലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ടെന്ന് മുഖ്യമന്ത്രി പറഞ്ഞു.
ചുഴലിക്കാറ്റിനെ തുടര്ന്ന് സംസ്ഥാനത്ത് ആരംഭിച്ച ക്യാമ്പുകളില് 108 എണ്ണം തുടരുന്നു. അതില് 893 കുടുംബങ്ങളിലായി 3159 പേരുണ്ട്. ബംഗാള് ഉള്ക്കടലില് മെയ് ഇരുപത്തിരണ്ടോടു കൂടി ഒരു ന്യൂനമര്ദം രൂപപ്പെടാന് സാധ്യതയുണ്ട് എന്ന് കാലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ട്. അത് പിന്നീടുള്ള 72 മണിക്കൂറില് ശക്തി പ്രാപിച്ച് ഒരു ചുഴലിക്കാറ്റായി മാറും എന്നും അറിയിച്ചിട്ടുണ്ട് എന്നും മുഖ്യമന്ത്രി അറിയിച്ചു.
Recommended Video
ന്യൂനമര്ദത്തിന്റെ പ്രതീക്ഷിക്കുന്ന സഞ്ചാര പഥത്തില് കേരളം ഉള്പ്പെടുന്നില്ല. വരും മണിക്കൂറുകളില് ന്യൂനമര്ദ രൂപീകരണവും അതുമായി ബന്ധപ്പെട്ട് കേരളത്തിലെ ദിനാവസ്ഥയില് വരാന് സാധ്യതയുള്ള മാറ്റങ്ങളും ദുരന്തനിവാരണ അതോറിറ്റിയും കേന്ദ്ര കാലവസ്ഥ വകുപ്പും സൂക്ഷ്മമായി നിരീക്ഷിച്ചു വരികയാണ് എന്നും മുഖ്യമന്ത്രി വാർത്താ സമ്മേളനത്തിൽ വ്യക്തമാക്കി.
Click it and Unblock the Notifications
Sign in with Google