ചേലക്കരയിലെ സിപിഎം കോട്ട പൊളിക്കുമെന്ന് രമ്യ ഹരിദാസ്; ' മാറ്റത്തിന്റെ തുടക്കമാകും'
ചേലക്കര: ചേലക്കരയില് ഇത്തവണ മാറ്റത്തിന്റെ കൊടുങ്കാറ്റ് വീശുമെന്ന് യുഡിഎഫ് സ്ഥാനാര്ത്ഥി രമ്യ ഹരിദാസ് വണ്ഇന്ത്യ മലയാളത്തോട്. കോണ്ഗ്രസ് ചിട്ടയായ പ്രവര്ത്തനവുമായിട്ടാണ് മുന്നോട്ട് പോകുന്നത് എന്നും ചേലക്കരയില് വോട്ടര്മാര് മാറ്റത്തിനായി ദാഹിക്കുകയാണ് എന്നും രമ്യ കൂട്ടിച്ചേര്ത്തു. ചേലക്കര യുഡിഎഫിന്റെ കൂട്ടായ പ്രവര്ത്തനത്തിലൂടെ തിരിച്ച് പിടിക്കും എന്നും രമ്യ അവകാശപ്പെട്ടു.
'ഏറ്റവും നല്ല ചിട്ടയായ തിരഞ്ഞെടുപ്പ് പ്രചരണവുമായിട്ടാണ് ഞങ്ങള് മുന്നോട്ട് പോകുന്നത്. വാഹനപ്രചരണം ഇന്ന് എല്ലാ പഞ്ചായത്തും പിന്നിട്ടു. വഴിയിലുടനീളം അമ്മമാരും സഹോദരിമാരും വലിയ പിന്തുണയാണ് നല്കുന്നത്. സിപിഎം അവരുടെ കോട്ട എന്ന പറയുന്ന ചേലക്കര ഐക്യ ജനാധിപത്യ മുന്നണിയുടെ നേതൃത്വത്തില് ഞങ്ങള് തിരിച്ചുപിടിക്കും. അക്കാര്യത്തില് ദൃഢപ്രതിജ്ഞയെടുത്താണ് ഞങ്ങളെല്ലാവരും പ്രവര്ത്തിക്കുന്നത്,' രമ്യ ഹരിദാസ് പറഞ്ഞു.
മണ്ഡലത്തിലെ ഓരോ വീടുകളും ഒന്നിലേറെ തവണ കയറിയിറങ്ങി തങ്ങള് വോട്ട് ചോദിക്കുന്നുണ്ട് എന്നും അതില് നിന്നെല്ലാം ആളുകള് മാറ്റം കൊതിക്കുന്നു എന്നാണ് മനസിലാക്കാന് സാധിക്കുന്നത് എന്നും രമ്യ പറഞ്ഞു. ആ മാറ്റം ഇത്തവണ ചേലക്കരയില് ഉണ്ടാകും. മാറ്റത്തിന് വേണ്ടി ചേലക്കരക്കാര് വിധിയെഴുതും. കോണ്ഗ്രസിനൊപ്പവും യുഡിഎഫിനൊപ്പവും ചേലക്കര അണിനിരക്കാന് പോകുന്നതാണ് കേരളം കാണാന് പോകുന്നത്.
കേരളത്തിന്റെ കടിഞ്ഞാണ് കോണ്ഗ്രസ് നാളെ ഏറ്റെടുക്കുമ്പോള് ചേലക്കരക്കാരും അതിനൊപ്പം ഉണ്ടാകും എന്നും രമ്യ ഹരിദാസ് പ്രത്യാശ പ്രകടിപ്പിച്ചു. ' ഈ നാട്ടിലെ റോഡുകളും വഴികളും പോലും ശരിയാക്കാതെ എന്ത് വികസനമാണ് സിപിഎം നടത്തി എന്ന് അവകാശപ്പെടുന്നത്. ഓട്ടോക്കാരെല്ലാം മോശം റോഡുകളെ കുറിച്ചാണ് പരാതി പറയുന്നത്,' രമ്യ ഹരിദാസ് കൂട്ടിച്ചേര്ത്തു.
30 വര്ഷമായി സിപിഎം മാത്രമല്ലേ ഇവിടെ ജയിക്കുന്നത് എന്നും എന്തുകൊണ്ട് പാവപ്പെട്ട ഓട്ടോ തൊഴിലാളികളുടെ പ്രശ്നങ്ങള്ക്ക് പരിഹാരം കാണാനായില്ല എന്നും രമ്യ ചോദിച്ചു. ചേലക്കര എംഎല്എയായിരുന്ന കെ രാധാകൃഷ്ണന് ആലത്തൂര് എംപിയായി തിരഞ്ഞെടുക്കപ്പെട്ടതോടെയാണ് മണ്ഡലത്തില് ഉപതിരഞ്ഞെടുപ്പിന് കളമൊരുങ്ങിയത്. ആലത്തൂര് ലോക്സഭാ മണ്ഡലത്തില് രമ്യ ഹരിദാസിനെയാണ് രാധാകൃഷ്ണന് പരാജയപ്പെടുത്തിയത്.
അതേ രമ്യ ഹരിദാസ് തന്നെ രാധാകൃഷ്ണന് പതിറ്റാണ്ടുകളോളം കൈവശം വെച്ച മണ്ഡലം പിടിക്കാന് വരുന്നു എന്ന പ്രത്യേകതയുമുണ്ട്. 2016-21 കാലയളവില് ചേലക്കരയിലെ എംഎല്എയായിരുന്ന യുആര് പ്രദീപാണ് എല്ഡിഎഫിനായി മത്സരിക്കുന്നത്. എന്ഡിഎയ്ക്കായി ബിജെപിയുടെ കെ ബാലകൃഷ്ണനും മത്സരരംഗത്തുണ്ട്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google