കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

തെറ്റായ ലാബ് റിപ്പോര്‍ട്ട്; കോട്ടയത്ത് കാന്‍സറില്ലാത്ത രോഗിക്ക് കീമോ തെറാപ്പി ചെയ്തു

Google Oneindia Malayalam News

കോട്ടയം: സ്വകാര്യ ലാബിലെ തെറ്റായ പരിശോധനാ ഫലത്തിന്‍റെ അടിസ്ഥാനത്തില്‍ കാന്‍സര്‍ സ്ഥിരീകരിക്കാത്ത യുവതിക്ക് കോട്ടയം മെഡിക്കല്‍ കോളേജില്‍ കീമോതെറാപ്പി നല്‍കി. ആലപ്പുഴ കുടശനാട് സ്വദേശിയായ രജനിയാണ് ചികിത്സാ ദുരിതത്തിന് ഇരയായത്. കാന്‍സറില്ലാതെ കാന്‍സറിന്‍റെ ചികിത്സയും മരുന്നുകളും കഴിച്ചതിന്‍റെ പാര്‍ശ്വഫലങ്ങളുമായാണ് രജനി ഇപ്പോള്‍ ജീവിക്കുന്നത്.

ഫെബ്രുവരി ആദ്യമാണ് മാറിടത്തിലെ മുഴയുമായി രജനി കോട്ടയം മെഡിക്കല്‍ കോളേജില്‍ ചികിത്സ തേടുന്നത്. സര്‍ജറി വിഭാഗം ബയോസ്പിക്ക് നിര്‍ദ്ദേശിക്കുകയും ചെയ്തു. മെഡിക്കല്‍ കോളേജിലെ റിപ്പോര്‍ട്ട് വൈകുമെന്നതിനാല്‍ സ്വകാര്യ ലാബില്‍ കൂടി പരിശോധന നടത്തി. മെഡിക്കല്‍ കോളേജിന് സമീപത്തുള്ള സ്വകാര്യ ലാബില്‍ നിന്നും നല്‍കിയ പരിശോധന റിപ്പോര്‍ട്ടില്‍ കാന്‍സറാണെന്ന് വ്യക്തമാക്കിയതോടെ ഉടന്‍തന്നെ ചികിത്സയും ആരംഭിക്കുകയായിരുന്നു.

<strong> മന്ത്രിമാര്‍ക്ക് റൊട്ടേഷന്‍ സമ്പ്രദായം: പരിഷ്കാരങ്ങള്‍ക്ക് തുടക്കം കുറിച്ച് കോണ്‍ഗ്രസ്</strong> മന്ത്രിമാര്‍ക്ക് റൊട്ടേഷന്‍ സമ്പ്രദായം: പരിഷ്കാരങ്ങള്‍ക്ക് തുടക്കം കുറിച്ച് കോണ്‍ഗ്രസ്

ആദ്യഘട്ട കീമോ തെറാപ്പിക്ക് ശേഷമാണ് മെഡിക്കല്‍ കോളേജ് പാതോളജി ലാബില്‍നിന്നുള്ള ഫലം ലഭിച്ചത്. മുഴ കാന്‍സറിനെ തുടര്‍ന്നല്ലെന്നായിരുന്നു റിപ്പോര്‍ട്ട്. ഇതോടെ തിരുവനന്തപുരം ആര്‍സിസിയിലും പരിശോധന നടത്തി. അവിടെ നിന്നും കാന്‍സര്‍ ഇല്ലെന്ന ഫലം പുറത്തുവന്നതോടെ യുവതി ആരോഗ്യമന്ത്രിക്ക് പരാതി നല്‍കുകയായിരുന്നു.

doctor

യുവതിയുടെ പരാതിയില്‍ ആരോഗ്യമന്ത്രി അന്വേഷണത്തിന് ഉത്തരിവിട്ടുണ്ട്. അതേസമയം യുവതിയുടെ പരാതിയില്‍ നേരത്തെ തന്നെ 4 അംഗ മെഡിക്കല്‍ സംഘം അന്വേഷണം നടത്തിയെന്ന് മെഡിക്കല്‍ കോളേജ് പ്രിന്‍സിപ്പല്‍ ഡോ. ജോസഫ് വ്യക്തമാക്കി. പിഴവ് സ്വകാര്യ ലാബിലാണ് സംഭവിച്ചത്. ഡോക്ടര്‍മാരുടെ ഭാഗത്ത് നിന്ന് തെറ്റ് സംഭവിച്ചിട്ടില്ലെന്ന റിപ്പോര്‍ട്ട് മെഡിക്കല്‍ വിദ്യാഭ്യാസ ഡയറക്ടര്‍ക്ക് നല്‍കുകയും ചെയ്തു.

English summary
chemotherapy give for patient without cancer
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X