ചെറിയാന് ഫിലിപ്പിന്റെ പോസ്റ്റില് പിണറായി സ്ത്രീ വിരുദ്ധത കണ്ടില്ല, പക്ഷേ വൃന്ദ കാരാട്ട് കണ്ടു
തിരുവനന്തപുരം/ദില്ലി: മുന് കോണ്ഗ്രസ്സുകാരനും ഇപ്പോള് സിപിഎം സഹയാത്രികനും ആയ ചെറിയാന് ഫിലിപ്പിന്റെ ഫേസ്ബുക്ക് പോസ്റ്റ് വിവാദം അവസാനിയ്ക്കുന്നില്ല. ഉടുപ്പഴിയ്ക്കല് സമരം രഹസ്യമായി ചെയ്ത വനിതകള്ക്കെല്ലാം കോണ്ഗ്രസ്സില് സീറ്റ് ലഭിച്ചിട്ടുണ്ടെന്നായിരുന്നു ചെറിയാന് ഫിലിപ്പ് ഫേസ്ബുക്കില് എഴുതിയത്.
സിപിഎം സഹയാത്രികനാണെങ്കിലും ചെറിയാന് ഫിലിപ്പിന്റെ പോസ്റ്റിലെ സ്ത്രീവിരുദ്ധ ഉയര്ത്തിക്കാണിയ്ക്കുന്നവരില് സിപിഎമ്മുകാരും കുറവല്ല. രൂക്ഷമായ ഭാഷയിലാണ് വിഎസ് അച്യുതാനന്ദന് ഇതിനോട് പ്രതികരിച്ചത്. എന്നാല് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് ചെറിയാന് ഫിലിപ്പിനെ പിന്തുണച്ചു.
ഒടുവില് പോളിറ്റ് ബ്യൂറോ അംഗം പിണറായി വിജയനും ചെറിയാന് ഫിലിപ്പിനെ പിന്തുണച്ച് രംഗത്തെത്തിയിരിയ്ക്കുകയാണ്. എന്നാല് മറ്റൊരു പോളിറ്റ് ബ്യൂറോ അംഗമായ വൃന്ദ്ര കാരാട്ടിന് പിണറായിയുടെ അഭിപ്രായമല്ല ഉള്ളത്.
സ്ത്രീ വിരുദ്ധമല്ല?
ചെറിയാന് ഫിലിപ്പിന്റെ ഫേസ്ബുക്ക് പോസ്റ്റില് താന് സ്ത്രീ വിരുദ്ധത കണ്ടില്ലെന്നാണ് പിണറായി വിജയന് പ്രതികരിച്ചത്. കോണ്ഗ്രസ് സംസ്കാരത്തെ കുറിച്ചാണ് ചെറിയാന് ഫിലിപ്പ് പറഞ്ഞത്.
മുമ്പും പറഞ്ഞിട്ടുണ്ട്
ചെറിയാന് ഫിലിപ്പ് മാത്രമല്ല പല കോണ്ഗ്രസ്സുകാരും ഇക്കാര്യം മുമ്പ് പറഞ്ഞിട്ടുണ്ട്. സ്ത്രീകള് തന്നെ ഇക്കാര്യം പറഞ്ഞിട്ടുണ്ടെന്നും പിണറായി വിജയന് പറയുന്നു.
വൃന്ദ കാരാട്ട്
പൊതുരംഗത്ത് പ്രവര്ത്തിയ്ക്കുന്ന സ്ത്രീകളെ കുറിച്ച് ചെറിയാന് ഫിലിപ്പ് പറഞ്ഞ അഭിപ്രായം തീരെ മോശമായിപ്പോയി എന്നാണ് സിപിഎം പോളിറ്റ് ബ്യൂറോ അംഗമായ വൃന്ദ കാരാട്ട് പ്രതികരിച്ചത്.
ടിഎന് സീമ
സിപിഎം-ജനാധിപത്യ മഹിള അസോസിയേഷന് നേതാവ് പ്രൊഫ ടിഎന് സീമയും ചെറിയാന് ഫിലിപ്പിന്റെ പോസ്റ്റിനെതിരെ രംഗത്ത് വന്നിരുന്നു. ജനാധിപത്യ മഹിള അസോസിയേഷന് അപലപിയ്ക്കുകയും ചെയ്തു.
സംസ്കാര ശൂന്യമെന്ന് വിഎസ്
ചെറിയാന് ഫിലിപ്പിന്റെ ഫേസ്ബുക്ക് പോസ്റ്റിനെ സംസ്കാര ശൂന്യം എന്നാണ് വിഎസ് വിശേഷിപ്പിച്ചത്. ചെറിയാന് ഫിലിപ്പിന്റെ പരാമര്ശത്തെ അര്ഹിയ്ക്കുന്ന അവജ്ഞയോടെ തള്ളുന്നു എന്നും വിഎസ് പറഞ്ഞു.
കോടിയേരിയ്ക്ക് പ്രശ്നമില്ല
ചെറിയാന് ഫിലിപ്പ് പറഞ്ഞതില് കോടിയേരി ബാലകൃഷ്ണനും പ്രശ്നങ്ങളൊന്നും കണ്ടില്ല. അത് കോണ്ഗ്രസ്സിനെതിരെ ഒരു ആയുധമാക്കാനാണ് കോടിയേരി ശ്രമിച്ചത്.
ഇടത് ലോകം
സോഷ്യല് മീഡിയയിലെ ഇടതുപക്ഷക്കാരും സ്വതന്ത്ര ചിന്തകരും എല്ലാം ചെറിയാന് ഫിലിപ്പിനെ പൂര്ണമായും തള്ളിപ്പറഞ്ഞു. രൂക്ഷമായ വിമര്ശനങ്ങളാണ് ഫേസ്ബുക്കില് ഉയരുന്നത്.
കോണ്ഗ്രസ്സിന് പേടിയോ?
പോസ്റ്റ് വന്ന ഉടന് വാളെടുത്തിറങ്ങിയ കോണ്ഗ്രസ് നേതാക്കളൊന്നും തന്നെ പിന്നീട് കാര്യമായ പ്രതികരണങ്ങള് നടത്തിയില്ല. ചെറിയാന് ഫിലിപ്പ് പറഞ്ഞത് സത്യമാണെന്നതിന്റെ തെളിവാണിതെന്ന് ചിലര് വാദിയ്ക്കുന്നുണ്ട്.
|
ഇതാണ് ആ പോസ്റ്റ്
ഇതായിരുന്നു ചെറിയാന് ഫിലിപ്പിന്റെ വിവാദ പോസ്റ്റ്.
-
'അഡ്രസ് പോലും വ്യാജം; ചെയ്തത് ക്രിമിനല് കുറ്റം' ശ്രീനാദേവി കുഞ്ഞമ്മക്കെതിരേ ആരോപണങ്ങളുമായി ഷഹനാസ് -
എൽദോസ് കുന്നപ്പിള്ളി കൊച്ചിയിലേക്കോ? നേമത്ത് ശബരിനാഥന്, മണ്ഡലം പിടിക്കാൻ മത്സരിപ്പിക്കണമെന്ന് മൂന്ന് എംപിമാർ -
നിയമസഭ തിരഞ്ഞെടുപ്പിൽ മത്സരിക്കാനില്ല, ഊഹാപോഹങ്ങൾ പ്രചരിപ്പിക്കരുത്; ഷാഫി പറമ്പിൽ -
'കണ്ണൂർ എന്റെ ഹൃദയ രക്തം, ആ മണ്ണിന് വേണ്ടി മുന്നിൽ തന്നെയുണ്ടാകും', വൈകാരിക കുറിപ്പുമായി കെ സുധാകരൻ -
എല്ലാം നാടകമെന്ന് എച്ച് സലാം, സുധാകരൻ നിയമസഭയിൽ വേണമെന്ന് ചെന്നിത്തല; നീക്കങ്ങൾ നിരീക്ഷിച്ച് കോൺഗ്രസ് -
എം എം മണി ഇടുക്കിയിലെ ‘ശൂ’ എന്ന് ജി സുധാകരൻ, പാർട്ടി വിട്ടാൽ സുധാകരൻ തീർന്നെന്ന് മണി -
സുധാകരന്റെ മനസ്സ് കുറ്റബോധം കൊണ്ട് തകരുമെന്ന് എകെ ബാലൻ, ഇനിയും വിസ്മയങ്ങള് ഉണ്ടാകുമെന്ന് വിഡി സതീശന് -
നേമം മണ്ഡലത്തില് കോണ്ഗ്രസ് സ്ഥാനാര്ഥി രാഹുല് ഈശ്വര്? ചര്ച്ച നടത്തി നേതൃത്വം, മറുപടി ഇങ്ങനെ -
സ്വര്ണം വീണ്ടും കുറഞ്ഞു; സ്വര്ണവില ഏറ്റവും താഴ്ന്ന നിരക്കിലേക്ക്, ഇന്നത്തെ പവന് വില അറിയാം -
കാവ്യയെ ആണ് ആദ്യം വിളിച്ചത്, പിന്നാലെ ദിലീപേട്ടനെ വിളിച്ചു, നടൻ പറഞ്ഞത്..'ശാലു മേനോൻ പറയുന്നു -
പുതിയ വീടും കാറും, കൈനിറയെ പൊന്നും! ഇന്നേക്ക് നാലാം നാള് ഈ രാശിക്കാരുടെ നല്ലസമയം -
ദേശീയപാത 66;തലപ്പാടി-ചെങ്കള, രാമനാട്ടുകര-വെങ്ങളം റീച്ച് ഉദ്ഘാടനം ഇന്ന്; ബഹിഷ്കരിച്ച് സംസ്ഥാന സർക്കാർ
Click it and Unblock the Notifications
Sign in with Google