ഉപതിരഞ്ഞെടുപ്പ്; ജാതിസംഘടനകള് പരസ്യമായി വോട്ട് ചോദിക്കുന്നത് ചട്ടവിരുദ്ധമെന്ന് ടിക്കാറാം മീണ
തിരുവനന്തപുരം: ഉപതിരഞ്ഞെടുപ്പിൽ എൻഎസ്എസ് സ്വീകരിച്ച നടപടി തെറ്റാണെന്ന് മുഖ്യ തിരഞ്ഞെടുപ്പ് ഓഫീസര് ടിക്കാറാം മീണ. തിരഞ്ഞെടുപ്പില് ജാതി സംഘടനകള് പരസ്യമായി വോട്ട് ചോദിക്കുന്നത് ചട്ടവിരുദ്ധമാണ് എന്നാൽ എൻഎസ്എസിനെതിരെ പരാതി ഒന്നും ലഭിച്ചിട്ടില്ലെന്ന് അദ്ദേഹം പറഞ്ഞു. എന്എസ്എസിനെതിരെ പരാതി കിട്ടിയാല് പരിശോധിച്ച് നടപടിയെടുക്കുമെന്നും അദ്ദേഹം പറഞ്ഞു.
കേരളത്തില് ഉപതിരഞ്ഞെടുപ്പ് നടക്കുന്ന മണ്ഡലങ്ങളില് തിരഞ്ഞെടുപ്പ് പ്രചാരണം അതിരുകടക്കുന്നതായാണ് മുഖ്യ തിരഞ്ഞെടുപ്പ് ഓഫീസറുടെ വിലയിരുത്തല്. തിരഞ്ഞെടുപ്പ് പ്രചാരണം കാരണം ജനങ്ങളുടെ ദൈംദിനകാര്യങ്ങള്ക്ക് തടസ്സം നേരിടുന്നതായി പരാതികളുണ്ടെന്നും ഇക്കാര്യത്തില് കര്ശനമായി ഇടപെടാന് ഡിജിപിക്കും ജില്ല കലക്ടർമാർക്കും കത്തയച്ചതായും അദ്ദേഹം അറിയിച്ചു.
ഉപതിരഞ്ഞെടുപ്പ് നടക്കുന്ന വട്ടിയൂര്ക്കാവില് യുഡിഎഫ് സ്ഥാനാര്ഥിക്ക് വേണ്ടി എന്എസ്എസ് പരസ്യ പ്രചാരണത്തിനിറങ്ങിയിരുന്നു. ഇക്കാര്യത്തിലാണ് മുഖ്യതിരഞ്ഞെടുപ്പ് കമ്മീഷന്റെ പ്രതികരണം ഉണ്ടായിരിക്കുന്നത്. ജാതിസംഘടനകള് ഏതെങ്കിലും ഒരു പാര്ട്ടിക്ക് വേണ്ടി പ്രവര്ത്തിക്കുന്നത് ശരിയല്ലെന്നും അദ്ദേഹം കൂട്ടിച്ചേർത്തു. തിരഞ്ഞെടുപ്പ് പ്രചാരണത്തില് ചട്ടവിരുദ്ധമായ കാര്യങ്ങള് കണ്ടെത്തിയാല് കര്ശന നടപടി സ്വീകരിക്കാന് പോലീസിനും വരണാധികള്ക്കും നിര്ദേശം നല്കിയിട്ടുണ്ടെന്നും അദ്ദേഹം വ്യക്തമാക്കി.
Click it and Unblock the Notifications
Sign in with Google