Click it and Unblock the Notifications
Just In
Don't Miss
-
ഇനി പപ്പടമല്ല, നല്ല ഒന്നാന്തരം ഉരുക്കാണ്... ഇടിപ്പരീക്ഷയിൽ 4 സ്റ്റാർ-റേറ്റിംഗുമായി പുത്തൻ സ്വിഫ്റ്റ് -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
അച്ഛനെ പോലെ തന്നെയാണ് മകനും, യാതൊരു കഴിവുമില്ല! മുന്ഭര്ത്താവിനെ പറ്റിയും മകനെ കുറിച്ചും മലൈക അറോറ -
ഒരു വർഷത്തെ നേട്ടം 1932%, നിക്ഷേപകരെ കോടീശ്വരനാക്കിയ ഓഹരി, നിങ്ങൾ വാങ്ങുന്നോ..? -
കാലിഫോര്ണിയയില് ആകാശത്ത് കണ്ടത് അന്യഗ്രഹ ജീവി? മനുഷ്യരൂപത്തോടും കുരിശിനോടും സാദൃശ്യം -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
മുഖ്യമന്ത്രിയുടെ വാര്‍ത്താസമ്മേളനം സമയം മാറ്റി; റമദാന്‍ പരിഗണിച്ച് പുതിയ തീരുമാനം
തിരുവനന്തപുരം: കൊറോണ വൈറസ് അവലോകന യോഗത്തിന് ശേഷം മുഖ്യമന്ത്രി പിണറായി വിജയന്‍ എല്ലാ ദിവസവും വൈകീട്ട് നടത്തുന്ന വാര്‍ത്താസമ്മേളനത്തിന്റെ സമയത്തില്‍ മാറ്റം. സാധാരണ ആറ് മണി മുതല്‍ ഏഴ് മണി വരെയാണ് അദ്ദേഹം മാധ്യമങ്ങളെ കാണുക. ഇനി വൈകീട്ട് അഞ്ച് മണി മുതല്‍ ആറ് മണി വരെയാകും. റമദാന്‍ മാസത്തിലെ വ്രതം കണക്കിലെടുത്താണ് പുതിയ തീരുമാനം. കൊറോണ പ്രതിരോധ പ്രവര്‍ത്തനങ്ങളെ കുറിച്ചും ദൈനംദിന വിവരങ്ങളുമാണ് മുഖ്യമന്ത്രി വൈകീട്ട് മാധ്യമങ്ങളുമായി പങ്കുവയ്ക്കുക. സാധാരണ ഒരു ചില്ലുമറ വച്ച് മാധ്യമപ്രവര്‍ത്തകര്‍ക്ക് മൈക്ക് നല്‍കിയാണ് മുഖ്യമന്ത്രി ചോദ്യങ്ങളോട് പ്രതികരിക്കാറ്.
കൊറോണ സംസ്ഥാനത്ത് വ്യാപിച്ച പശ്ചാത്തലത്തിലാണ് മുഖ്യമന്ത്രി എല്ലാ ദിവസവും പ്രതിരോധ പ്രവര്‍ത്തനങ്ങള്‍ സംബന്ധിച്ച വിവരങ്ങള്‍ മാധ്യമങ്ങളുമായി പങ്കുവയ്ക്കാന്‍ ആരംഭിച്ചത്. പിന്നീട് ചില വിവാദങ്ങളുടെ പശ്ചാത്തലത്തില്‍ നിര്‍ത്തിവച്ചെങ്കിലും വീണ്ടും ആരംഭിക്കുകയായിരുന്നു.
അതേസമയം, റമദാന്‍ മാസത്തില്‍ സാധാരണ മുസ്ലിങ്ങള്‍ പള്ളികളില്‍ നടത്തുന്ന ആരാധനകള്‍ക്ക് നിയന്ത്രണം വരുത്തിയിട്ടുണ്ട്. വൈകീട്ട് നടത്തു ഇഫ്താറുകള്‍ക്ക് പുറമെ രാത്രി നടക്കുന്ന ദീര്‍ഘ നമസ്‌കാരമായ തറാവീഹിനും പള്ളി അനുവദിക്കില്ല. കൊറോണയെ തുടര്‍ന്നുള്ള പ്രത്യേക സാഹചര്യത്തിലാണ് ഈ മുന്‍കരുതല്‍ നടപടി. മത നേതാക്കളുമായി മുഖ്യമന്ത്രി വിഷയം ചര്‍ച്ച ചെയ്തിരുന്നു. എല്ലാ മത നേതാക്കളും ആരാധന വീടുകളില്‍ നടത്തുന്നതിന് ആഹ്വാനം ചെയ്തിട്ടുണ്ട്. കേരളത്തില്‍ മാത്രമല്ല, ഇന്ത്യയിലും ഗള്‍ഫ് രാജ്യങ്ങളിലും വരെ പള്ളികളിലെ ആരാധനകള്‍ക്ക് നിയന്ത്രണമേര്‍പ്പെടുത്തിയിട്ടുണ്ട്. ഇങ്ങനെ ഒരു റമദാന്‍ മാസം സമീപകാലത്ത് ആദ്യമായിട്ടാണെന്ന് മുസ്ലിം പണ്ഡിതന്‍മാര്‍ അഭിപ്രായപ്പെടുന്നു.
Recommended Video
കാപ്പാട് വ്യാഴാഴ്ച വൈകീട്ട് റമദാന്‍ മാസപ്പിറവി കണ്ടതോടെ കേരളത്തില്‍ വെള്ളിയാഴ്ച മുതല്‍ മുസ്ലിങ്ങള്‍ വ്രതം തുടങ്ങി. ഒമാന്‍ ഒഴികെയുള്ള ഗള്‍ഫ് രാജ്യങ്ങളിലും വെള്ളിയാഴ്ച മുതലാണ് റമദാന്‍ ആരംഭം. റമദാന്‍ മാസത്തില്‍ പള്ളികളില്‍ ജുമുഅ നടത്താന്‍ ഇളവ് തേടി കോട്ടയം ജില്ലയിലെ ഇമാമുമാര്‍ ജില്ലാ കളക്ടര്‍ക്ക് നിവേദനം സമര്‍പ്പിച്ചിരുന്നു. ജില്ല ഗ്രീന്‍ സോണില്‍ ഉള്‍പ്പെട്ട പശ്ചാത്തലത്തിലാണ് നിയന്ത്രണത്തോടെ ജുമുഅ നടത്താന്‍ അനുമതി തേടിയത്. എന്നാല്‍ രോഗവ്യാപന ഭീതി വീണ്ടും ഉടലെടുത്തതോടെ നിയന്ത്രണത്തിലെ ഇളവ് ഭാഗികമായി നീക്കുകയായിരുന്നു.
