കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഒടുവില്‍ മുഖ്യനും പറഞ്ഞു... മദ്യനയം വിനോദസഞ്ചാരികളെ അകറ്റും

  • By Soorya Chandran
Google Oneindia Malayalam News

തിരുവനന്തപുരം: ബാര്‍ വിഷയത്തില്‍ വിഎം സുധീരന്‍ നിലപാട് കര്‍ക്കശമാക്കിയപ്പോള്‍ ശക്തിയുകതം എതിര്‍ത്തവരാണ് മുഖ്യമന്ത്രി ഉമ്മന്‍ ചാണ്ടിയും എക്‌സൈസ് മന്ത്രി കെ ബാബുവും. ഒരുഘട്ടത്തില്‍ സുധീരനെ കുടുക്കി മുഖ്യമന്ത്രി സമ്പൂര്‍ണ മദ്യനിരോധനം പ്രഖ്യാപിക്കുകയും ചെയ്തു.

പിന്നീടങ്ങോട്ട് മദ്യ നിരോധനത്തിന്റെ ഗുണഗണങ്ങളെ കുറിച്ച് പ്രസംഗിക്കുകയായിരുന്നു മുഖ്യമന്ത്രി. എന്നാല്‍ ഇപ്പോഴിതാ മുഖ്യമന്ത്രി വീണ്ടും നിലപാട് മാറ്റിയിരിക്കുന്നു.

Oommen Chandy

സര്‍ക്കാരിന്റെ മദ്യ നയം വിനോദ സഞ്ചാരികളെ കേരളത്തില്‍ നിന്ന് അകറ്റും എന്നാണ് ഇപ്പോള്‍ മുഖ്യമന്ത്രി കണ്ടെത്തിയിരിക്കുന്നത്. ഞാനിങ്ങനെ പറഞ്ഞിട്ടില്ലെന്ന് പറഞ്ഞ് ഇനി ഒഴിഞ്ഞ് മാറാനും പറ്റില്ല. സംഭവം രേഖയാണ്.

സംസ്ഥാന ബാങ്കേഴ്‌സ് സമിതി യോഗത്തില്‍ നല്‍കിയ കുറിപ്പിലാണ് മുഖ്യമന്ത്രി ഇക്കാര്യം സൂചിപ്പിച്ചിരിക്കുന്നത്. ഹൗസ് ബോട്ട് ഉടമകളുടെ ബാങ്ക് ലോണുകള്‍ക്ക് മൊറട്ടോറിയം പ്രഖ്യാപിക്കണം എന്നാവശ്യപ്പെടുന്നതാണ് കുറിപ്പ്. മദ്യനയം ടൂറിസം രംഗത്ത് സാമ്പത്തിക മാന്ദ്യം ഉണ്ടാക്കുമെന്നും ഹൗസ് ബോട്ട് ഉടമകള്‍ക്ക് ലോണ്‍ തിരിച്ചടക്കാനാവില്ലെന്നും ആണ് കുറിപ്പില്‍ പറയുന്നത്.

സമ്പൂര്‍ണ മദ്യനിരോധനം പ്രഖ്യാപിച്ചപ്പോള്‍ തന്നെ ടൂറിസം മേഖലക്ക് തിരിച്ചടിയാകുമെന്ന് സാമ്പത്തിക വിദഗ്ധര്‍ സൂചിപ്പിച്ചിരുന്നു. എന്നാല്‍ സര്‍ക്കാരിന്റെ മുന്‍ഗണന അതിനല്ലെന്നായിരുന്നു അന്ന് മുഖ്യമന്ത്രിയടക്കമുള്ളവര്‍ പറഞ്ഞിരുന്നത്.

English summary
Chief Minister Oommen Chandy says state's liquor policy will estrange foreign tourists
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X