• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കുടുംബത്തിലെ ആറാമത്തെ കുട്ടിയും മരിച്ചു; തിരൂരിലെ വീട്ടില്‍ തുടര്‍ച്ചയായ മരണങ്ങള്‍, ദുരൂഹത

  • By Desk
cmsvideo
    6 Childrens From Same Family Died Mysteriously | Oneindia Malayalam

    മലപ്പുറം: തിരൂരില്‍ ഒരു കുടുംബത്തിലെ ആറ് കുട്ടികളുടെ മരണം സംശയത്തിനിടയാക്കുന്നു. ആറാമത്തെ കുട്ടി ഇന്ന് രാവിലെയാണ് മരിച്ചത്. 93 ദിവസം പ്രായമുള്ള ആണ്‍കുഞ്ഞാണ് ഇന്ന് മരിച്ചത്. ബന്ധുക്കളില്‍ ചിലര്‍ പോലീസില്‍ വിവരം അറിയിക്കുകയും അസ്വാഭാവിക മരണത്തിന് പോലീസ് കേസെടുക്കുകയുമായിരുന്നു.

    ചെമ്പ്ര റോഡിലെ തറമ്മല്‍ റഫീഖ്-സബ്‌ന ദമ്പതികളുടെ ആറ് മക്കളാണ് ഒമ്പതുവര്‍ഷത്തിനിടെ മരിച്ചത്. ഒരു വയസിന് താഴെ പ്രായമുള്ളപ്പോഴാണ് അഞ്ച് കുട്ടികളും മരിച്ചതത്രെ. ആദ്യത്തെ കുട്ടി നാലര വയസിലും. നാല് പെണ്‍മക്കളും രണ്ട് ആണ്‍മക്കളുമാണ് മരിച്ചത്. ദമ്പതികളുടെ ആറ് മക്കളും മരിച്ചതില്‍ സംശയമുണ്ടെന്നാണ് നാട്ടുകാര്‍ പറയുന്നത്.

    ആറ് കുട്ടികളുടെ മൃതദേഹങ്ങള്‍ പോസ്റ്റ്‌മോര്‍ട്ടം ചെയ്ട്ടില്ലെന്നാണ് പ്രാഥമിക വിവരം. എന്നാല്‍ ഒരു കുട്ടിയുടെ മൃതദേഹം തൃശൂശില്‍ വച്ച് പോസ്റ്റ് മോര്‍ട്ടം ചെയ്തിരുന്നുവെന്ന് റിപ്പോര്‍ട്ടുണ്ട്. തൃശൂരിലെയും കോഴിക്കോട്ടേയും ഡോക്ടര്‍മാര്‍ കുട്ടികളെ ചികില്‍സിക്കുകയും ചെയ്തിരുന്നുവെന്ന് കുടുംബവുമായി അടുപ്പമുള്ള ചിലര്‍ പറയുന്നു. എന്താണ് മരണകാരണമെന്ന് വ്യക്തമായിട്ടില്ല. അപസ്മാരമാണ് മരണ കാരണം എന്ന് ബന്ധുക്കള്‍ നാട്ടുകാരോട് പറഞ്ഞുവെന്നാണ് വിവരം.

    ഇന്ന് പുലര്‍ച്ചെയാണ് ആറാമത്തെ കുട്ടിക്ക് ശാരീരിക അസ്വാസ്ഥ്യമുണ്ടായത്. തിരൂരിലെ സ്വകാര്യ ആശുപത്രിയില്‍ എത്തിച്ചപ്പോഴേക്കും മരിച്ചിരുന്നു. ബന്ധുക്കളില്‍ ചിലര്‍ തന്നെയാണ് പോലീസില്‍ വിവരം അറിയിച്ചത്. പോലീസ് വീട്ടിലെത്തിയപ്പോഴേക്കും സംസ്‌കരിക്കാനുള്ള നടപടികള്‍ പൂര്‍ത്തിയായിരുന്നു. രംഗം വഷളാക്കേണ്ടെനന്ന് കരുതി പോലീസ് ഇടപെട്ടില്ല. മൃതദേഹം പുറത്തെടുത്ത് പോസ്റ്റ് മോര്‍ട്ടം ചെയ്യുന്ന കാര്യം പോലീസ് പരിഗണിക്കുന്നുണ്ട്.

    English summary
    Children Mysterious death in one family in Tirur; Police Probe Starts
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X