ചിന്ത ജെറോം ഡിവൈഎഫ്ഐ പ്രസിഡന്റ് സ്ഥാനത്തേക്ക്? വി വസീഫും പരിഗണനയില്
തിരുവനന്തപുരം: ഡി വൈ എഫ് ഐ സംസ്ഥാന പ്രസിഡന്റ് സ്ഥാനത്തേക്ക് യുവജന കമ്മിഷന് ചെയര്പേഴ്സണ് ചിന്ത ജെറോമിനെ പരിഗണിക്കുന്നെന്ന് റിപ്പോര്ട്ട്. മനോരമ ഓണ്ലൈനാണ് ഇക്കാര്യം റിപ്പോര്ട്ട് ചെയ്യുന്നത്. സി പി ഐ എമ്മിന്റെ യുവ വനിതാ മുഖമായ ചിന്ത മികച്ച പ്രാസംഗികയുമാണ്. ഡി വൈ എഫ് ഐ സംസ്ഥാന സമ്മേളനത്തിന് ദിവസങ്ങള് മാത്രം ബാക്കി നില്ക്കെയാണ് പുനസംഘാടനം സംബന്ധിച്ച ചര്ച്ചകളും പുരോഗമിക്കുന്നത്.
അതേസമയം ഡി വൈ എഫ് ഐ സംസ്ഥാന പ്രസിഡന്റ് പദവിയിലേക്ക് ചിന്ത ജെറോമിനെ കൊണ്ടുവരാനുള്ള നീക്കത്തില് സി പി ഐ എമ്മിലെ ഒരു വിഭാഗത്തിന് വിയോജിപ്പുള്ളതായും റിപ്പോര്ട്ടുണ്ട്. സി പി ഐ എം സംസ്ഥാന സമിതിയിലേക്ക് എത്തിയ ചിന്തയ്ക്ക് ഉടന് ഡി വൈ എഫ് ഐ പ്രസിഡന്റ് പദവി നല്കുന്നത് ഇരട്ട പ്രമോഷനായിരിക്കുമെന്ന വാദമാണ് ഒരു വിഭാഗം ഉയര്ത്തുന്നത്. എന്നാല് ഒരു വനിത പ്രസിഡന്റ് സ്ഥാനത്തേക്ക് എത്തുന്നത് മികച്ച സന്ദേശം നല്കുമെന്ന വിലയിരുത്തലുമുണ്ട്.
2016 മുതല് യുവജന കമ്മീഷന് അധ്യക്ഷയാണ് ചിന്ത ജെറോം. എസ് എഫ് ഐയിലൂടെ ആയിരുന്നു ചിന്ത ജെറോമിന്റെ രാഷ്ട്രീയ പ്രവേശനം. എസ് എഫ് ഐയുടെ സംസ്ഥാന വൈസ് പ്രസിഡന്റും കേന്ദ്ര കമ്മിറ്റി അംഗവും ആയിരുന്നു ചിന്ത ജെറോം. നിലവില് ഡി വൈ എഫ് ഐയുടെ കേന്ദ്ര കമ്മിറ്റി അംഗവുമാണ് ചിന്ത. കൊല്ലം ഫാത്തിമ മാതാ കോളേജില് നിന്ന് ഇംഗ്ലീഷില് ബിരുദാനന്തര ബിരുദം സ്വന്തമാക്കിയ ചിന്ത പി എച്ച് ഡിയും നേടിയിട്ടുണ്ട്.
കൊല്ലത്തെ കര്മ്മല റാണി ട്രെയ്നിങ് കോളേജില് നിന്ന് ബിഎഡും നേടിയിട്ടുണ്ട് ചിന്ത ജെറോം. കേരള സര്വ്വകലാശാലയിലെ മുന് സിന്ഡിക്കേറ്റ് അംഗവും കേരള സര്വ്വകലാശാല ചെയര്പേഴ്സണും ആയിരുന്നു ചിന്ത ജെറോം. മൂന്ന് തവണ തുടര്ച്ചയായി 'കുട്ടികളുടെ പ്രധാനമന്ത്രി' ആയും ചിന്ത ജെറോം തിരഞ്ഞെടുക്കപ്പെട്ടിട്ടുണ്ട്. അടുത്ത ആഴ്ച പത്തനംതിട്ടയിലാണ് ഡി വൈ എഫ് ഐയുടെ സംസ്ഥാന സമ്മേളനം ആരംഭിക്കുന്നത്.
Recommended Video
സംസ്ഥാന സെക്രട്ടറി സ്ഥാനത്ത് വി കെ സനോജ് തുടരും. സംസ്ഥാന പ്രസിഡന്റ് സ്ഥാനത്തേക്ക് വി വസീഫിന്റെ പേരും ഉയര്ന്ന് കേള്ക്കുന്നുണ്ട്. ഡി വൈ എഫ് ഐ നേതൃത്വത്തിന് വി വസീഫിലാണ് താല്പര്യം എന്നാണ് അറിയുന്നത്. കഴിഞ്ഞ ദിവസം എല് ഡി എഫ് കണ്വീനര് ഇ പി ജയരാജന്റെ സാന്നിധ്യത്തില് ചേര്ന്ന ഡി വൈ എഫ് ഐ സംസ്ഥാന സെക്രട്ടേറിയറ്റ് ഫ്രാക്ഷന് യോഗത്തില് വസീഫിന്റെ പേരാണ് സംസ്ഥാന പ്രസിഡന്റ്് പദവിയിലേക്ക് ഡി വൈ എഫ് ഐ നേതൃത്വം മുന്നോട്ട് വച്ചത്. കോഴിക്കോട് നിന്നുള്ള നേതാവാണ് വസീഫ്.
ഡി വൈ എഫ് ഐ മുന് അഖിലേന്ത്യ പ്രസിഡന്റും മന്ത്രിയുമായ മുഹമ്മദ് റിയാസിന്റെ പിന്തുണയും വസീഫിന് തുണയാകുമെന്നാണ് സൂചന. ഡി വൈ എഫ് ഐ നിര്ദേശം പാര്ട്ടി അംഗീകരിച്ചാല് വി വസീഫ് തന്നെയായിരിക്കും സംസ്ഥാന പ്രസിഡന്റ് ആകുക. കൊല്ലത്ത് നിന്നുള്ള അരുണ് ബാബു ഡി വൈ എഫ് ഐ ട്രഷറര് പദവിയില് എത്തിയേക്കും. തിരുവനന്തപുരം ജില്ലാ സെക്രട്ടറി ഷിജുഖാനെയും ട്രഷറര് പദവിയിലേക്ക് പരിഗണിക്കുന്നുണ്ട്. എ എ റഹീം രാജ്യസഭാ എം പിയായെങ്കിലും അഖിലേന്ത്യാ സമ്മേളനത്തിന്റെ കാലയളവ് വരെ അഖിലേന്ത്യാ പ്രസിഡന്റ് സ്ഥാനത്ത് തുടരും.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google