Click it and Unblock the Notifications
Just In
Don't Miss
-
മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ? -
ദാമ്പത്യത്തിന്റെ ഒന്നാമത്തെ നിയമം: വിവാഹജീവിതത്തിലേക്ക് കുടുംബക്കാരെ പ്രവേശിപ്പിക്കാതിരിക്കുക -
ഞാന് ഗെയിം കളിക്കുന്നില്ലേ? സിജോയോട് ജാസ്മിന്; നാണം കെടുത്തി ബിഗ് ബോസും കൂകി വിളിച്ച് വീട്ടുകാരും -
IPL 2024: ഹാര്ദിക് അല്ല, ലോകകപ്പ് കളിക്കേണ്ടത് ശിവം ദൂബെ; താരത്തിന് പിന്നില് അണിചേര്ന്ന് ആരാധകര് -
സ്ത്രീകൾക്ക് സാമ്പത്തിക സുരക്ഷിതത്വം ഉറപ്പാക്കാൻ 4 പോസ്റ്റ് ഓഫീസ് പദ്ധതികൾ -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
കൊച്ചിയില്‍ യുവതിയെ പൂട്ടിയിട്ട് പീഡിപ്പിച്ച സംഭവം;കേസ് ഒതുക്കിയ സിഐയ്ക്ക് സസ്പെന്ഷന്
മൂവാറ്റുപുഴ സ്വദേശിനിയായ യുവതിയെ ഒരു മാസത്തോളം കൊച്ചിയിലെ വീട്ടില്‍ പൂട്ടിയിട്ട് പീഡിപ്പിച്ചെന്നാണ് കേസ്.
കൊച്ചി: നഗരത്തിലെ വീട്ടില്‍ പൂട്ടിയിട്ട് ഒരു മാസത്തോളം യുവതിയെ പീഡിപ്പിച്ച കേസ് ഒതുക്കിയ സിഐയ്ക്ക് സസ്പെന്ഷന്. എറണാകുളം നോര്‍ത്ത് സിഐ ടിബി വിജയനെയാണ് കൊച്ചി റേഞ്ച് ഐജി സസ്‌പെന്‍ഡ് ചെയ്തത്. കേസ് ഒതുക്കാന്‍ ഇയാള്‍ ലക്ഷങ്ങള്‍ വാങ്ങിയെന്ന് സ്‌പെഷ്യല്‍ ബ്രാഞ്ച് റിപ്പോര്‍ട്ട് നല്‍കിയിരുന്നു.
മൂവാറ്റുപുഴ സ്വദേശിനിയായ യുവതിയെ ഒരു മാസത്തോളം കൊച്ചിയിലെ വീട്ടില്‍ പൂട്ടിയിട്ട് പീഡിപ്പിച്ചെന്നാണ് കേസ്. ഇരുപത്തഞ്ചോളം പേര്‍ തന്നെ ലൈംഗികമായി പീഡിപ്പിച്ചെന്നാണ് യുവതി പരാതി നല്‍കിയിരുന്നത്. ഇവന്റ് മാനേജ്‌മെന്റ് കമ്പനിയില്‍ ജോലി വാഗ്ദാനം ചെയ്താണ് യുവതിയെ നഗരത്തിലെത്തിക്കുന്നത്. ആദ്യം സ്ഥാപനമുടമയും പിന്നീട് ഇയാള്‍ വിളിച്ചുവരുത്തിയവരുമാണ് യുവതിയെ പീഡിപ്പിച്ചത്. കേസിലെ പ്രതികളില്‍ നിന്നും അഭിഭാഷകന്‍ മുഖേനെയാണ് സിഐ പണം വാങ്ങിയത്.
യുവതിക്ക് അഞ്ചു ലക്ഷം നല്‍കി...
കേസില്‍ ഉള്‍പ്പെട്ട പ്രതികളില്‍ നിന്നാണ് സിഐ ഏഴു ലക്ഷം രൂപ വാങ്ങിയത്. പ്രതികളുടെ അഭിഭാഷകന്‍ മുഖേനെയാണ് പണം വാങ്ങിയത്. ഇതില്‍ അഞ്ചു ലക്ഷം രൂപ പീഡനത്തിനിരയായ യുവതിയ്ക്ക് നല്‍കി. കുബേര കേസില്‍ ഉള്‍പ്പെട്ട തമിഴ്‌നാട് സ്വദേശിയില്‍ നിന്ന് കൈക്കൂലി വാങ്ങിയ സംഭവത്തിലും സിഐയ്‌ക്കെതിരെ റിപ്പോര്‍ട്ടുണ്ടായിരുന്നു.
കര്‍ശന നടപടിയ്ക്ക് റിപ്പോര്‍ട്ട്...
എറണാകുളം നോര്‍ത്ത് സിഐ പണ വാങ്ങി പീഡനക്കേസ് ഒതുക്കിയത് സംസ്ഥാന പോലീസിന് നാണക്കേടുണ്ടാക്കിയ സംഭവമാണെന്നാണ് രഹസ്യാന്വേഷണ വിഭാഗം റിപ്പോര്‍ട്ട് നല്‍കിയിരുന്നത്. സിഐയ്‌ക്കെതിരെ കര്‍ശന നടപടി സ്വീകരിക്കണമെന്നാണ് സ്‌പെഷ്യല്‍ ബ്രാഞ്ചും റിപ്പോര്‍ട്ടും നല്‍കിയത്. ഇതിന്റെ ഭാഗമായാണ് ഇപ്പോള്‍ സിഐയെ സസ്‌പെന്‍ഡ് ചെയ്തിരിക്കുന്നത്.
കേസില്‍ 25 പേര്‍ പ്രതികള്‍...
മൂവാറ്റുപുഴ സ്വദേശിനിയായ യുവതിയെ കൊച്ചിയിലെ വീട്ടില്‍ പൂട്ടിയിട്ട് ഒരു മാസത്തോളം തുടര്‍ച്ചയായി പീഡിപ്പിച്ചെന്നാണ് പരാതി. ഇരുപത്തഞ്ച് പേരാണ് കേസിലെ പ്രതികള്‍. യുവതിയ്ക്ക് ജോലി വാഗ്ദാനം ചെയ്ത ഇവന്റ് മാനേജ്‌മെന്റ് കമ്പനി ഉടമയാണ് ആദ്യം പീഡിപ്പിച്ചത്.
ഒടുവില്‍ സിഐയ്ക്ക് സസ്‌പെന്‍ഷനും...
വീട്ടില്‍ നിന്നും രക്ഷപ്പെട്ട യുവതി പാലാരിവട്ടം പോലീസിലാണ് പരാതി നല്‍കിയത്. പീന്നീട് നോര്‍ത്ത് സിഐ ഉള്‍പ്പെട്ട സംഘമാണ് കേസ് അന്വേഷിച്ചത്. ഇരുപത്തഞ്ച് പേരെ കേസില്‍ പ്രതി ചേര്‍ക്കുകയും ചെയ്തിരുന്നു. എന്നാല്‍ സിഐയും പ്രതികളുടെ അഭിഭാഷകനും ചേര്‍ന്നാണ് പിന്നീട് കേസ് അട്ടിമറിച്ചത്.
