മമ്മൂട്ടി സൂപ്പര് ഹീറോയെന്ന് ബ്ലാസ്റ്റേഴ്സ് താരം സി കെ വിനീത്;അപ്പോള് മോഹന്ലാലോ?
നോര്ത്ത് ഈസ്റ്റ് യുണൈറ്റഡിനെതിരായ നിര്ണ്ണായക മത്സരത്തില് വിനീത് നേടിയ ഗോളാണ് ബ്ലാസ്റ്റേഴ്സിന് സെമി പ്രവേശനം നേടിക്കൊടുത്തത്.
കൊച്ചി: മമ്മൂട്ടി തന്റെ സൂപ്പര് ഹീറോ ആണെന്ന് കേരള ബ്ലാസ്റ്റേഴ്സ് താരം സി കെ വിനീത്. തന്റെ ഫേസ്ബുക്ക് പേജിലാണ് മമ്മൂട്ടിയുടെ കൂടെയുള്ള ചിത്രം പോസ്റ്റ് ചെയ്തതിന് ശേഷം വിനീത് ഇങ്ങനെ പറഞ്ഞത്. മമ്മൂട്ടിയെ നായകനാക്കി രഞ്ജിത് സംവിധാനം ചെയ്യുന്ന പുത്തന്പണം എന്ന സിനിമയുടെ സെറ്റില് വെച്ചാണ് വിനീത് മമ്മൂട്ടിയെ കണ്ടത്.
കേരള ബ്ലാസ്റ്റേഴ്സിലെ മറ്റു താരങ്ങളായ മുഹമ്മദ് റാഫി, റിന്റോ ആന്റണി എന്നിവരും വിനീതിനോടൊപ്പം മമ്മൂട്ടിയെ കാണാനെത്തിയിരുന്നു. മമ്മൂട്ടി തന്റെ ആരാധനാ പുരുഷനും സൂപ്പര് ഹീറോയുമാണ്. മമ്മൂട്ടിയെ കണ്ട നിമിഷം ഹൃദയം നിലയ്ക്കുന്ന അവസ്ഥയിലായിരുന്നെന്നും സി കെ വിനീത് ഫേസ്ബുക്കില് കുറിച്ചു.
കണ്ടപ്പോള് കൈ വിറച്ചു...
ഫേസ്ബുക്ക് പേജില് മമ്മൂട്ടിയോടൊപ്പമുള്ള ചിത്രം പോസ്റ്റ് ചെയ്തതിന് ശേഷം പറഞ്ഞത് ഇങ്ങനെയാണ്- മമ്മൂട്ടിയാണ് തന്റെ സൂപ്പര് ഹീറോ, ഓരോ തവണ അദ്ദേഹത്തെ കാണുമ്പോഴും ജീവിതത്തില് മാറ്റം ഉണ്ടാകുന്നു. അദ്ദേഹത്തെ കാണുന്ന സമയത്ത് ഹൃദയം നിലയ്ക്കുന്ന അവസ്ഥയായിരുന്നെന്നും, തന്റെ കൈകള് വിറയ്ക്കുന്നുണ്ടായിരുന്നു.
പുത്തന്പണത്തിന്റെ സെറ്റില്
രഞ്ജിത് സംവിധാനം ചെയ്യുന്ന പുത്തന്പണത്തിന്റെ സെറ്റില് വെച്ചാണ് വിനീതും സഹതാരങ്ങളായ മുഹമ്മദ് റാഫിയും, റിന്റോ ആന്റണിയും മമ്മൂട്ടിയെ കണ്ടത്.
മോഹന്ലാലിനൊപ്പമുള്ള ഫോട്ടോയും
മോഹന്ലാല് ആരാധകരെയും വിനീത് നിരാശപ്പെടുത്തിയില്ല. മോഹന്ലാലിന്റെ കൂടെയുള്ള ഫോട്ടോയും വിനീത് ഫേസ്ബുക്കില് പോസ്റ്റ് ചെയ്തിട്ടുണ്ട്. മലയാള സിനിമയിലെ മെഗാസ്റ്റാറുകളോടൊപ്പം സമയം ചിലവഴിക്കാന് കഴിഞ്ഞത് ഭാഗ്യമാണെന്നും വിനീത് പറയുന്നു.
ബ്ലാസ്റ്റേഴ്സിന്റെ കപ്പിത്താന്
ഐഎസ്എല്ലില് മികച്ച ഫോമില് കളിക്കുന്ന വിനീതിലാണ് ആരാധകരുടെ മുഴുവന് പ്രതീക്ഷയും. നോര്ത്ത് ഈസ്റ്റ് യുണൈറ്റഡിനെതിരായ നിര്ണ്ണായക മത്സരത്തില് വിനീത് നേടിയ ഗോളാണ് ബ്ലാസ്റ്റേഴ്സിന് സെമി പ്രവേശനം നേടിക്കൊടുത്തത്.