ഒടുവില് പ്രതികരിച്ചു; ഷുഹൈബിന്റെ കൊലപാതകത്തെ അപലപിച്ച് മുഖ്യമന്ത്രി
Recommended Video
തിരുവനന്തപുരം: കണ്ണൂരിലെ യൂത്ത് കോണ്ഗ്രസ് നേതാവ് ഷുഹൈബിന്റെ കൊലപാതകത്തില് ഒടുവില് മുഖ്യമന്ത്രി മുഖ്യമന്ത്രി പിണറായി വിജയന് പ്രതികരിച്ചു. ഫേസ്ബുക്കിലൂടെയും വാര്ത്താ കുറിപ്പിലൂടെയുമാണ് മുഖ്യമന്ത്രിയുടെ പ്രതികരണം പുറത്തുവന്നത്. സംഭവം നടന്ന് ആറു ദിവസമായിട്ടും മുഖ്യമന്ത്രി പ്രതികരിക്കാത്തത് വിവാദമായിരുന്നു.
ഷുഹൈബ് കൊലക്കേസില് കണക്കുകള് മാറി; അക്രമിസംഘത്തില് കൂടുതല്പേര്, നിര്ണായക വിവരം പുറത്ത്
സംഭവം ഉണ്ടായ ഉടനെതന്നെ കുറ്റവാളികള്ക്കെതിരെ കര്ക്കശമായ നടപടിയെടുക്കാന് പൊലീസിനു നിര്ദ്ദേശം നല്കിയിരുന്നതായി മുഖ്യമന്ത്രി വ്യക്തമാക്കി. നിഷ്പക്ഷമായ അന്വേഷണമാണു നടക്കുക. ആരാണു പ്രതികള് എന്നതോ എന്താണ് അവരുടെ ബന്ധങ്ങള് എന്നതോ അന്വേഷണത്തെ ഏതെങ്കിലും തരത്തില് ബാധിക്കില്ല. മുഖം നോക്കാതെയുള്ള നടപടികളുമായി പൊലീസ് മുമ്പോട്ടു പോകും.
ഇതുമായി
ബന്ധപ്പെട്ട
കുറ്റവാളികളെ
ഒന്നൊഴിയാതെ
അറസ്റ്റ്
ചെയ്യുകയും
ചെയ്യും.
ഇപ്പോള്
ചിലര്
പൊലീസ്
കസ്റ്റഡിയിലുണ്ട്.
മറ്റുള്ളവരെയും
ഉടനെ
പിടികൂടും.
സമാധാനത്തിന്റെയും
സാഹോദര്യത്തിന്റെയും
അന്തരീക്ഷം
സൃഷ്ടിക്കുന്നതിന്
എല്ലാവരുടെയും
സഹകരണം
ഉണ്ടാകണമെന്ന്
അഭ്യര്ത്ഥിക്കുന്നുവെന്നും
മുഖ്യമന്ത്രി
വാര്ത്താക്കുറിപ്പില്
വ്യക്തമാക്കി.
ശുഹൈബിനെ കൊന്നവരെ തിരിച്ചറിഞ്ഞു; സിപിഎം നേതാവ് കസ്റ്റഡിയില്, പാര്ട്ടി ഗ്രാമങ്ങളില് റെയ്ഡ്
ഷുഹൈബ് വധത്തില് രണ്ടുപേരെ പോലീസ് അറസ്റ്റ് ചെയ്തിട്ടുണ്ട്. മറ്റുള്ളവര്ക്കുവേണ്ടി പോലീസ് തിരച്ചില് നടത്തുകയാണ്. അതേസമയം, ഇപ്പോള് പിടിയിലായവര് ഡമ്മികളാണെന്നും യഥാര്ഥ പ്രതികളല്ലെന്നുമാണ് കോണ്ഗ്രസിന്റെ ആരോപണം. സിബിഐ അന്വേഷണം വേണമെന്നും കോണ്ഗ്രസ് ആവശ്യപ്പെട്ടിട്ടുണ്ട്.