'മൂന്നാം തരംഗവുമായി ബന്ധപ്പെട്ട് കുറെ അബദ്ധ ധാരണകള്', ഭീതി പുലര്ത്തേണ്ട സാഹചര്യമില്ലെന്ന് മുഖ്യമന്ത്രി
തിരുവനന്തപുരം: കോവിഡ് രണ്ടാം തരംഗം കുറഞ്ഞു വരികയാണെങ്കിലും നമ്മള് ജാഗ്രത തുടരേണ്ടതാണെന്ന് മുഖ്യമന്ത്രി പിണറായി വിജയൻ. പൊതു സ്ഥലങ്ങളില് കര്ശനമായി കോവിഡ് മാനദണ്ഡങ്ങള് പാലിക്കണമെന്ന് മുഖ്യമന്ത്രി പറഞ്ഞു. മൂന്നാം തരംഗവുമായി ബന്ധപ്പെട്ട് കുറെ അബദ്ധ ധാരണകള് പരക്കുന്നുണ്ടെന്നും മുഖ്യമന്ത്രി കൂട്ടിച്ചേർത്തു.
മുഖ്യമന്ത്രിയുടെ വാക്കുകൾ: 'വീട്ടിലും ഓഫീസിലും ഏറെ ശ്രദ്ധിക്കേണ്ടതാണ്. കുടുംബത്തിലെ ഒരംഗത്തില് നിന്നും മറ്റുള്ളവരിലേക്ക് കോവിഡ് പകരുന്നവരുടെ എണ്ണം കൂടി വരികയാണ്. അതിനാല് തന്നെ കുടുംബാംഗങ്ങള് വളരെയേറെ ശ്രദ്ധിക്കണം. വീട്ടില് സൗകര്യമില്ലാത്തവരെ കോവിഡ് കെയര് സെന്ററുകളിലേക്ക് മാറ്റേണ്ടതുണ്ട്. മരണം കൂടുന്നതിനാല് പ്രായമായവര്, ഗുരുതര രോഗമുള്ളവര് എന്നീ ഹൈ റിസ്ക് വിഭാഗത്തെ കേന്ദ്രീകരിച്ച് പ്രത്യേക അവബോധം നടത്തുന്നതാണ്. ഇത്തരത്തിലുള്ളവരുടെ വീടുകളില് കോവിഡ് പോസിറ്റീവായാല് പ്രത്യേകം ശ്രദ്ധിക്കേണ്ടതാണ്.
ചില ഓഫീസുകളില് ജീവനക്കാര്ക്ക് കൂട്ടമായി കോവിഡ് റിപ്പോര്ട്ട് ചെയ്യപ്പെട്ടിട്ടുണ്ട്. ഓഫീസുകള് ക്ലസ്റ്ററുകളാകാതിരിക്കാന് കോവിഡ് മാര്ഗനിര്ദേശങ്ങള് പാലിക്കേണ്ടതാണ്. ഭക്ഷണം കഴിക്കുന്ന സമയത്ത് കൂട്ടമായി ഇരുന്ന് കഴിക്കാന് പാടില്ല. എല്ലാവരും ഓഫീസുകള്ക്കുള്ളിലും മാസ്ക് ധരിക്കണം. ഇടയ്ക്കിടയ്ക്ക് കൈകള് സാനിറ്റൈസ് ചെയ്യണം. എന്തെങ്കിലും രോഗലക്ഷണമുള്ളവര് കോവിഡ് പരിശോധനയ്ക്ക് വിധേയമാകേണ്ടതാണ്.
മൂന്നാം തരംഗവുമായി ബന്ധപ്പെട്ട് കുറെ അബദ്ധ ധാരണകള് പരക്കുന്നുണ്ട്. കുട്ടികളെ വലിയ തോതില് ബാധിക്കുമെന്ന ഭീതിയാണ് അക്കൂട്ടത്തില് ഒന്ന്. അത്തരത്തില് ഭീതി പുലര്ത്തേണ്ട സാഹചര്യമില്ലെന്നും രോഗബാധയുടെ കാര്യത്തില് ആപേക്ഷികമായ വര്ദ്ധനവു മാത്രമാണ് കുട്ടികള്ക്കിടയില് ഉണ്ടാകാന് സാധ്യതയുള്ളതെന്നും മുന്പ് വ്യക്തമാക്കിയതാണ്. അതോടൊപ്പം അക്കാര്യത്തില് സര്ക്കാര് എടുക്കുന്ന മുന്കരുതലുകളും വിശദമാക്കിയിരുന്നു.
രോഗവുമായി
ബന്ധപ്പെട്ട്
അറിവു
നേടാന്
സാമൂഹ്യമാദ്ധ്യമങ്ങള്
വഴിയും
മറ്റും
പരക്കുന്ന
അശാസ്ത്രീയവും
വാസ്തവവിരുദ്ധവുമായ
സന്ദേശങ്ങളെ
ആശ്രയിക്കുന്നതിനു
പകരം
കേന്ദ്ര
സംസ്ഥാന
ആരോഗ്യ
വകുപ്പുകള്,
ലോകാരോഗ്യ
സംഘടന
പോലുള്ള
ഉത്തരവാദപ്പെട്ട
സര്ക്കാര്
സര്ക്കാരിതര
ഏജന്സികളെ
ഉപയോഗിക്കാന്
എല്ലാവരും
ശ്രദ്ധിക്കുക.
മാധ്യമങ്ങള്
സെന്സേഷണലിസത്തിനു
പുറകേ
പോകാതെയുള്ള
മാതൃകാപരമായ
റിപ്പോര്ട്ടിംഗ്
രീതി
അവലംബിക്കണമെന്നും
അഭ്യര്ഥിക്കുന്നു.
കെ സുരേന്ദ്രനെ വേട്ടയാടുന്നു, സത്യാഗ്രഹവുമായി ബിജെപി നേതാക്കൾ- ചിത്രങ്ങൾ
മൂന്നാം തരംഗം മുന്കൂട്ടിയറിയുക എന്നത് അതീവ പ്രാധാന്യമുള്ള കാര്യമാണ്. നിലവില് രോഗനിരീക്ഷണം കാര്യക്ഷമമായി നടത്തുന്ന സംസ്ഥാനമാണ് നമ്മുടേത്. എങ്കിലും പുതിയ പശ്ചാത്തലത്തില് നിരീക്ഷണ സംവിധാനങ്ങളെ കൂടുതല് ശാക്തീകരിക്കാനുള്ള നടപടികള് സ്വീകരിക്കും. ജനിതക വ്യതിയാനമുള്ള വൈറസുകളെ കണ്ടെത്താനുള്ള പഠനങ്ങളും കൂടുതല് വിപുലീകരിക്കും. കഴിഞ്ഞ 24 മണിക്കൂറിനുളളില് സംസ്ഥാനത്ത് മാസ്ക് ധരിക്കാത്ത 8,329 പേര്ക്കെതിരെ കേസ് രജിസ്റ്റര് ചെയ്തു. സാമൂഹിക അകലം പാലിക്കാത്തതിന് 4,846 പേര്ക്കെതിരെ നിയമനടപടി സ്വീകരിച്ചു. പിഴയായി 38,32,470 രൂപയാണ് ഇക്കഴിഞ്ഞ ദിവസം ഈടാക്കിയത്'.
മന്നാര ചോപ്രയുടെ കിടലന് ചിത്രങ്ങള് കാണാം
Recommended Video