ഇനി ദിവസവും വൈകിട്ട് 6ന് മുഖ്യമന്ത്രിയെ കാണില്ല, പ്രതിദിന കൊവിഡ് വാർത്താസമ്മേളനം നിർത്തി
തിരുവനന്തപുരം: ദിവസവും വൈകിട്ട് 6 മണിക്ക് മുഖ്യമന്ത്രി പിണറായി വിജയന് നടത്തുന്ന കൊവിഡ് അവലോകന വാര്ത്താ സമ്മേളനത്തിന് വന് കാഴ്ചക്കാരാണുളളത്. ചാനലുകള്ക്ക് ഏറ്റവും വ്യൂവര്ഷിപ്പുളള സമയമായും ഇത് മാറിയിരുന്നു. എന്നാല് ഇനി മുതല് ദിവസേനെയുളള വാര്ത്താ സമ്മേളനം ഉണ്ടായിരിക്കുന്നതല്ല എന്നാണ് മുഖ്യമന്ത്രി പിണറായി വിജയന് അറിയിച്ചിരിക്കുന്നത്.
Recommended Video
''നാളെ മുതല് വൈകുന്നേരങ്ങളില് ഈ കൂടിക്കാഴ്ച ഉണ്ടാകില്ല. ഇനി മുതല് ഇടവിട്ട ദിവസങ്ങളില് നമുക്ക് കാണം'' എന്നാണ് ഇന്ന് വാര്ത്താ സമ്മേളനം അവസാനിപ്പിക്കും മുന്പ് മുഖ്യമന്ത്രി പറഞ്ഞത്. സംസ്ഥാനത്ത് കൊവിഡ് ഭീതി അകലുന്ന പശ്ചാത്തലത്തിലാണ് ദിവസേനെയുളള വാര്ത്താ സമ്മേളനം അവസാനിപ്പിക്കാനുളള തീരുമാനം എന്നാണ് സൂചന.
അതിനിടെ സംസ്ഥാനത്ത് ഇന്ന് കോവിഡ് സ്ഥിരീകരിച്ചത് 7 പേര്ക്ക്. കോവിഡ്-19 ബാധിച്ച 27 പേര് കൂടി ഇന്ന് രോഗമുക്തി നേടിയതായി മുഖ്യമന്ത്രി പിണറായി വിജയന് പറഞ്ഞു. കാസര്ഗോഡ് ജില്ലയില് നിന്നുള്ള 24 പേരുടേയും എറണാകുളം, മലപ്പുറം, കണ്ണൂര് ജില്ലകളില് നിന്നുള്ള ഓരോരുത്തരുടേയും പരിശോധനാഫലമാണ് നെഗറ്റീവ് ആയത്. ഇതുവരെ 394 പേര്ക്കാണ് രോഗം സ്ഥിരീകരിച്ചത്. ഇതില് 245 പേരാണ് ഇതുവരെ കോവിഡില് നിന്നും രോഗമുക്തി നേടിയത്. ഇതോടെ നിലവില് 147 പേരാണ് സംസ്ഥാനത്തെ വിവിധ ആശുപത്രികളില് ചികിത്സയിലുള്ളത്.
എറണാകുളം ജില്ലയില് എയര്പോര്ട്ട് ഡ്യൂട്ടിയ്ക്കിടെ രോഗം ബാധിച്ച രണ്ട് ആരോഗ്യ പ്രവര്ത്തകരുടേയും രോഗം ഭേദമായി ഡിസ്ചാര്ജായി. ജൂനിയര് ഹെല്ത്ത് ഇന്സ്പെക്ടര്മാരായ സന്തോഷ്കുമാര്, കെ.കെ. അനീഷ് എന്നിവര്ക്കാണ് രോഗം ഭേദമായത്. അതേസമയം സംസ്ഥാനത്ത് ഇന്ന് 7 പേര്ക്ക് കോവിഡ്-19 സ്ഥിരീകരിച്ചു. കണ്ണൂര് ജില്ലയില് നിന്നുള്ള 4 പേര്ക്കും കോഴിക്കോട് ജില്ലയില് നിന്നുള്ള 2 പേര്ക്കും കാസര്ഗോഡ് ജില്ലയില് നിന്നുള്ള ഓരാള്ക്കുമാണ് രോഗം സ്ഥിരീകരിച്ചത്.
ഇതില് 5 പേര് ദുബായില് നിന്നും വന്നവരാണ്. രണ്ട് പേര്ക്ക് സമ്പര്ക്കത്തിലൂടെയാണ് രോഗം ഉണ്ടായത്. കണ്ണൂര് ജില്ലയിലെ 3 പേരും കോഴിക്കോട്, കാസര്ഗോഡ് ജില്ലയിലുള്ള ഓരോരുത്തരുമാണ് ദുബായില് നിന്നും വന്നത്. കണ്ണൂര്, കോഴിക്കോട് ജില്ലയിലുള്ള ഓരോരുത്തര്ക്കാണ് സമ്പര്ക്കത്തിലൂടെ രോഗം ഉണ്ടായത്.
സംസ്ഥാനത്തെ വിവിധ ജില്ലകളിലായി 88,855 പേര് നിരീക്ഷണത്തിലാണ്. ഇവരില് 88,332 പേര് വീടുകളിലും 523 പേര് ആശുപത്രികളിലും നിരീക്ഷണത്തിലാണ്. 108 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. രോഗലക്ഷണങ്ങള് ഉള്ള 17,400 വ്യക്തികളുടെ സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 16,489 സാമ്പിളുകളുടെ പരിശോധനാ ഫലം നെഗറ്റിവ് ആണ്
Click it and Unblock the Notifications
Sign in with Google