• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

തിരഞ്ഞെടുപ്പില്‍ തോറ്റാല്‍ ചാണ്ടിയുടെ പണി പോകും?

  • By Soorya Chandran

ദില്ലി: ഇത്തവണത്തെ ലോക്‌സഭ തിരഞ്ഞെടുപ്പ് മത്സരാര്‍ത്ഥികള്‍ക്ക് മാത്രമല്ല, ചില സംസ്ഥാനങ്ങളിലെ മുഖ്യമന്ത്രിമാര്‍ക്കും നല്ല പണി കൊടുക്കുമെന്നാണ് ദില്ലിയില്‍ നിന്നുള്ള സൂചനകള്‍. കോണ്‍ഗ്രസ് ഭരിക്കുന്ന സംസ്ഥാനങ്ങളില്‍ മികച്ച വിജയം നേടിയില്ലെങ്കില്‍ മുഖ്യമന്ത്രിമാരുടെ കസേര ഇളകും എന്ന മുന്നറിയിപ്പാണത്രെ ഹൈക്കമാന്റ് നല്‍കിയിരിക്കുന്നത്.

അങ്ങനെയെങ്കില്‍ കേരളത്തില്‍ മുഖ്യമന്ത്രി ഉമ്മന്‍ ചാണ്ടിയുടെ സ്ഥിതി അത്ര സുരക്ഷിതമല്ലെന്ന് വേണം കരുതാന്‍. സംസ്ഥാനത്തെ രഹസ്യ പോലീസ് നല്‍കിയ റിപ്പോര്‍ട്ട് പ്രകാരം എല്‍ഡിഎഫിനായിരിക്കും ഇത്തവണ കേരളത്തില്‍ മികച്ച വിജയം.

കോണ്‍ഗ്രസ് ഭരിക്കുന്ന 11 സംസ്ഥാനങ്ങളിലേയും മുഖ്യമന്ത്രിമാര്‍ക്ക് തിരഞ്ഞെടുപ്പിന് മുമ്പേ തന്നെ ഇത്തരത്തിലുള്ള മുന്നറിയിപ്പ് ഹൈക്കമാന്റ് നല്‍കിയിരുന്നുവത്രെ. ഈ സംസ്ഥാനങ്ങളിലെ 151 സീറ്റുകളില്‍ വിജയം നേടാന്‍ കഴിഞ്ഞില്ലെങ്കില്‍ പല മുഖ്യമന്ത്രിമാരുടേയും തല നിലത്ത് വീണ് ഉരുളും.

പ്രധാനപ്പെട്ട മണ്ഡലങ്ങളില്‍ കോണ്‍ഗ്രസ് സ്ഥാനാര്‍ത്ഥികള്‍ തോറ്റാലും മറുപടി പറയേണ്ട ബാധ്യത അതാത് സംസ്ഥാനങ്ങളിലെ മുഖ്യമന്ത്രിമാര്‍ക്കായിരിക്കും. കേരളത്തില്‍ ശശി തരൂര്‍ എങ്ങാനും തോറ്റാല്‍ പിന്നെ ഉമ്മന്‍ ചാണ്ടിക്ക് ഇരിപ്പുറക്കില്ലെന്ന് ചുരുക്കം.

അഴിമതി ആരോപണങ്ങള്‍ നേരിടുന്ന മുഖ്യമന്ത്രിമാരുടെ കാര്യവും തിരഞ്ഞെടുപ്പിന് ശേഷം പ്രശ്‌നത്തിലാകും. ഈ പട്ടികയിലും നമ്മുടെ മുഖ്യന്‍ ആദ്യ സ്ഥാനങ്ങളില്‍ ഉണ്ടെന്നാണ് വിവരം.

എന്തായാലും തിരഞ്ഞെടുപ്പ് ഫലത്തിന്റെ ഉത്തരവാദിത്തം ഉമ്മന്‍ ചാണ്ടി ഇപ്പോള്‍ തന്നെ ഏറ്റെടുത്തിട്ടുണ്ട്. ഇനി എങ്ങാനും വന്‍ പരാജയം ഏറ്റുവാങ്ങിയാല്‍ ഹൈക്കമാന്റ് നടപടിക്ക് കാക്കാതെ മാനം രക്ഷിക്കാനുള്ള മുന്‍കരുതലായി വേണം ഇതിനെ കണക്കാക്കാന്‍

English summary
CMs of Congress ruling states may loose their Chair after election.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more