സിഎംപി കോഴിക്കോട് ജില്ലാ സമ്മേളനം തുടങ്ങി;വർഗ്ഗീയ ശക്തികൾക്കെതിരെ ഇടതുപക്ഷ ഐക്യം ശക്തിപ്പെടണമെന്ന് ആഹ്വാനം

By Sreejith Kk

Updated: Monday, March 5, 2018, 12:38 [IST]

വടകര:സിഎംപി കോഴിക്കോട് ജില്ലാ സമ്മേളനം വടകരയിൽ തുടങ്ങി,വർഗ്ഗീയ ശക്തികൾക്കെതിരെ ഇടതുപക്ഷ ഐക്യം ശക്തിപ്പെടണമെന്ന് ആഹ്വാനം.രാജ്യത്ത് മത വർഗ്ഗീയ ശക്തികൾ ശക്തിയാർജ്ജിക്കുകയും രാജ്യത്തിന്റെ ഐക്യം തകർക്കപ്പെടുകയും ചെയ്യുന്ന സാഹചര്യത്തിൽ ഇടതു പക്ഷ പുരോഗമന ശക്തികളുടെ യോജിച്ച പ്രവർത്തനം അനിവാര്യമാണെന്ന് സിഎംപി(അരവിന്ദാക്ഷൻ വിഭാഗം) സംസ്ഥാന സെക്രട്ടറി എംകെകണ്ണൻ പറഞ്ഞു.സിഎംപിജില്ലാ സമ്മേളനം വടകരയിൽ ഉൽഘാടനം നിർവ്വഹിച്ച് സംസാരിക്കുകയായിരുന്നു അദ്ദേഹം.

സിപിഐ സിപിഎം സംസ്ഥാനസമ്മേളനം കഴിഞ്ഞതിന്റെ പശ്ചാത്തലത്തിൽ സിഎംപി ജില്ലാ സമ്മേളനതിലെ തീരുമാനങ്ങള്‍ ഇരുപാർട്ടികൽക്കും പ്രസക്തമാണ്.വർത്തമാനകാല ദേശീയ രാഷ്ട്രീയത്തിൽ ഇടതുപക്ഷ പാർട്ടികളുടെ പ്രവർത്തനം ശക്തിപ്പെടുത്താൻ യോജിക്കാൻ കഴിയുന്ന എല്ലാ പാർട്ടികളുടേയും യോജിച്ച പ്രവർത്തനം അനിവാര്യമാണെന്ന് അദ്ദേഹം പറഞ്ഞു.

സിഎംപി ജില്ലാ സമ്മേളനം എംകെ കണ്ണൻ ഉൽഘാടനം ചെയ്യുന്നു

ജില്ലാ സെക്രട്ടറി കൂടത്താംകണ്ടി സുരേഷ് അധ്യക്ഷത വഹിച്ചു.എംഎച്ച്ഷാരിയാർ,ടിസിഎച്ച്.വിജയൻ,എൻ.സലീഷ് ബാബു,പികെ അബ്ദുൾനാസർ,കെ പ്രശാന്ത്,പിഎൻ പ്രശാന്ത്,കളത്തിൽ ബാബു,പികെ ശ്യാമ പ്രസാദ്,എപി ബാബു എന്നിവർ പ്രസംഗിച്ചു.