വിവാഹം മുടക്കുന്നു; ജീവിത യാത്രയില്‍ ഒപ്പം നില്‍ക്കാന്‍ പങ്കാളിയെ തേടി കോമഡി താരം

By Gowthamy

Updated: Tuesday, October 3, 2017, 15:25 [IST]

ജീവിത പങ്കാളിയെ തേടി ഫേസ്ബുക്ക് പോസ്റ്റുമായി കോമഡി ആര്‍ട്ടിസ്റ്റ് ഗിന്നസ് വിനോദ്. ഇനിയുളള തന്റെ ജീവിത യാത്രയില്‍ തന്റെയൊപ്പം നില്‍ക്കാന്‍ ഒരു ജീവിത പങ്കാളിയെ വേണം എന്ന് ആവശ്യപ്പെട്ടു കൊണ്ടാണ് ഗിന്നസ് വിനോദ് ഫേസ്ബുക്കില്‍ പോസ്റ്റിട്ടിരിക്കുന്നത്. ഇത് കോമഡിയല്ലെന്നും വിനോദ്.

പല ഇടങ്ങളിലും പോയി പെണ്ണുകാണുന്നുണ്ടെന്നും എന്നാല്‍ വീടിനടുത്തുള്ള ആരോ ഒരാള്‍ തന്റെ വിവാഹം മുടക്കുകയാണെന്നും ഗിന്നസ് വിനോദ് പറയുന്നു. ഏഷ്യാനെറ്റില്‍ സംപ്രേക്ഷ്ണം ചെയ്യുന്ന വെള്ളാനകളുടെ നാട്, ഫൈവ് സ്റ്റാര്‍ തട്ടുകട എന്നീ പരിപാടികളിലൂടെ ശ്രദ്ധേയനായ താരമാണ് ഗിന്നസ് വിനോദ്.

ജീവിത പങ്കാളിയെ വേണം

ഇത് കോമഡിയല്ല എന്ന് പറഞ്ഞു കൊണ്ടാണ് ഗിന്നസ് വിനോദ് ഫേസ്ബുക്ക് പോസ്റ്റ് ആരംഭിച്ചിരിക്കുന്നത്. ഇനിയുള്ള ജീവിത യാത്രയില്‍ തനിക്കൊപ്പം നില്‍ക്കാന്‍ ഒരു ജീവിത പങ്കാളിയെ വേണമെന്ന് വിനോദ് പറയുന്നു. താനൊരു കോമഡി ആര്‍ട്ടിസ്റ്റ് ആണെന്നും അതിനാലാണ് ഇത്തരത്തിലൊരു മുഖവുര നല്‍കിയതെന്നും ഗിന്നസ് വിനോദ് വ്യക്തമാക്കിയിരിക്കുന്നു.

കല്യാണ ആലോചന മുടക്കുന്നു

താന്‍ പലയിടത്തും പോയി പെണ്ണ് കണ്ടിട്ടുണ്ടെന്നും പല പെണ്‍വീട്ടുകാരും തന്നെ അന്വേഷിച്ച് വീട്ടില്‍ വരുമ്പോള്‍ പരിസരത്തുള്ള ആരോ ഒരാള്‍ പലതും പറഞ്ഞ് കല്യാണം മുടക്കിക്കൊണ്ടിരിക്കുകയാണെന്ന് വിനോദ് പറയുന്നു.

നല്ലത് മാത്രം

തന്റെ കല്യാണ ആലോചന മുടക്കുന്ന ആള്‍ക്ക് നല്ലതു മാത്രം വരട്ടെയെന്ന് പ്രാര്‍ഥിക്കുകയാണെന്നും വിനോദ് വ്യക്തമാക്കുന്നു.

ഫോട്ടോ സഹിതം

സ്വന്തം ഫോട്ടോയും വീടിന്റെ ഫോട്ടോയും അമ്മയുടെ ഫോട്ടോയും വിനോദ് പോസ്റ്റിനൊപ്പം നല്‍കിയിട്ടുണ്ട്. ഗ്രഹനിലയും വിനോദ് നല്‍കിയിട്ടുണ്ട്.

വലിയ മദ്യപാനി

താന്‍ വലിയ മദ്യപാനിയാണെന്നാണ് കല്യാണ ആലോചനകളുമായി എത്തുന്നവരോട് വിവാഹം മുടക്കുന്നവര്‍ പറയുന്നത്. എന്നാല്‍ താന്‍ മദ്യപിക്കാറില്ലെന്ന് വിനോദ് പറയുന്നു.

അമ്മയ്ക്ക് രോഗം

അമ്മയ്ക്ക് രോഗം ഉള്ളതിനാലാണ് താന്‍ ഇപ്പോള്‍ വിവാഹം കഴിക്കാന്‍ ഒരുങ്ങുന്നതെന്നാണ് വിവാരഹം മുടക്കുന്നവര്‍ പറയുന്ന മറ്റൊരു കാരണം. എന്നാല്‍ അമ്മയ്ക്ക് വാര്‍ധക്യ സഹജമായ അസുഖങ്ങള്‍ ഒഴിച്ചാല്‍ മറ്റൊരു പ്രശ്‌നങ്ങളും ഇല്ലെന്നും വിനോദ് വ്യക്തമാക്കിയിരിക്കുന്നു.

മഴ പെയ്താല്‍ വെള്ളം നില്‍ക്കും

മഴ പെയ്താല്‍ തന്റെ വീടിന് സമീപത്ത് വെള്ളം നില്‍ക്കും എന്നാണ് കല്യാണം മുടക്കുന്നതിന് പറയുന്ന മറ്റൊരു കാരണം. മഴപെയ്താല്‍ വീടിനു സമിപം വെള്ളം നില്‍ക്കുമെന്നും വെയില്‍ വന്നാല്‍ ഉണങ്ങുമെന്നും വിനോദ് പറയുന്നു. വിശ്വാസമുള്ളവര്‍ താത്പര്യമുണ്ടെങ്കില്‍ വിളിക്കാന്‍ ഫോണ്‍ നമ്പറും നല്‍കിയിട്ടുണ്ട്.