ആദ്യകാല കമ്മ്യൂണിസ്റ്റ് നേതാവ് സുഭദ്രാമ്മ തങ്കച്ചി അന്തരിച്ചു
തിരുവനന്തപുരം: സ്വാതന്ത്ര്യസമര സേനാനിയും കമ്മ്യൂണിസ്റ്റ് നേതാവുമായിരുന്ന ജോര്ജ് ചടയന്മുറിയുടെ ഭാര്യയും ആദ്യകാല കമ്മ്യൂണിസ്റ്റ്-മഹിളാ നേതാവുമായിരുന്ന സുഭദ്രാമ്മ തങ്കച്ചി (93) നിര്യാതയായി. തിരുവനന്തപുരം പേയാട്ടെ ഇളയ മകന്റെ വസതിയില് വ്യാഴാഴ്ച രാവിലെയായിരുന്നു അന്ത്യം. പ്രശാന്ത് നഗറിന് സമീപത്തെ ഐത്തടി ലെയിനിലെ മകളുടെ വസതിയില് മൃതദേഹം പൊതുദര്ശനത്തിനുവെച്ചു. ഇന്ന് ഉച്ചയ്ക്ക് 12.30ന് തൈക്കാട് ശാന്തികവാടത്തില് സംസ്ക്കാരം നടക്കും.
ആലപ്പുഴ എണ്ണയ്ക്കാട്ട് കൊട്ടാരത്തിലെ രാമവര്മ്മ തമ്പുരാന്റെയും പല്ലന പാണ്ഡവത്ത് തങ്കമ്മ കെട്ടിലമ്മയുടെയും പത്ത് മക്കളില് എട്ടാമത്തെ മകളാണ് സുഭദ്രാമ്മ. 1925 സെപ്തംബറിലായിരുന്നു ജനനം. മൂത്ത സഹോദരന് കേരള നിയമസഭയുടെ പ്രഥമ സ്പീക്കര് ആര് ശങ്കരനാരായണന് തമ്പി, സഹോദരങ്ങളായ ആര് രാജശേഖരന് തമ്പി, വേലായുധന് തമ്പി ഇളയ സഹോദരി രാധമ്മ എന്നിവരോടൊപ്പം വിദ്യാര്ഥിയായിരിക്കെതന്നെ കമ്മ്യൂണിസ്റ്റ് രാഷ്ട്രീയത്തില് സജീവമായി.
എണ്ണയ്ക്കാട്ടെ കര്ഷക തൊഴിലാളികളെ പൊലീസ് അറസ്റ്റ് ചെയ്ത് തെരുവിലൂടെ വലിച്ചിഴച്ചപ്പോള് അതിനെതിരെ പ്രതിഷേധ പ്രകടനം നടത്തിയത് സുഭദ്രാമ്മയുടെയും രാധമ്മയുടെയും നേതൃത്വത്തിലുള്ള സ്ത്രീകളായിരുന്നു. കര്ഷക തൊഴിലാളികളെ മോചിപ്പിച്ച് കൊണ്ടുവരാന് അവര്ക്ക് കഴിഞ്ഞു. എണ്ണയ്ക്കാട്ടും പരിസര പ്രദേശങ്ങളിലും പൊലീസിനെ വെല്ലുവിളിച്ച് കമ്മ്യൂണിസ്റ്റ് പ്രസ്ഥാനവും മഹിളാ പ്രസ്ഥാനവും കെട്ടിപ്പടുക്കുന്നതിന് അവര് മുന്നിരയില് നിന്നു.
ഹരിജനങ്ങള്ക്കെതിരെ എണ്ണയ്ക്കാട്ടെ മാടമ്പിമാര് അഴിച്ചുവിട്ട എല്ലാ അക്രമങ്ങളെയും ചെറുത്തു തേല്പ്പിക്കാന്, ഈ സ്ത്രീ നേതൃത്ത്വം മുന് നിരയിലുണ്ടായിരുന്നു. ബിരുദ പഠനത്തിനുശേഷം തിരുവനന്തപുരം ലോ കോളജില് നിന്നും എഫ്എല് ബിരുദവും നേടിയിരുന്നു. വിവാഹത്തിനുശേഷം സജീവ രാഷ്ട്രീയത്തില് നിന്നും വിട്ടുനിന്ന അവര് വര്ഷങ്ങളായി തിരുവനന്തപുരത്ത് ഇളയമകനോടൊപ്പമായിരുന്നു താമസം.
കമ്മ്യൂണിസ്റ്റ് സൈദ്ധാന്തികനായിരുന്ന സി ഉണ്ണിരാജ സുഭദ്രാമ്മയുടെ സഹോദരി ഭര്ത്താവാണ്. മക്കള്: കല്പന, പ്രഭ, ലീനാകുമാരി, പ്രദീപ് ചടയന്മുറി, മായാദേവി, പരേതനായ പ്രകാശ്. മരുമക്കള്: സുധാകരന് നായര്, ലത മീനാക്ഷി, രേണുക ദേവി, ബീന, പ്രഭാകരന്, പരേതനായ വിജയരാഘവന്.
ഐത്തടി ലെയിനിലെ വസതിയില് അന്തിമോപചാരം അര്പ്പിക്കാന് നിരവധി പ്രമുഖരെത്തി. സിപിഐ സംസ്ഥാന സെക്രട്ടറി കാനം രാജേന്ദ്രന്, മന്ത്രി പി തിലോത്തമന്, എഐടിയുസി സംസ്ഥാന ജനറല് സെക്രട്ടറി കെ പി രാജേന്ദ്രന്, വാഴൂര് സോമന്, സിപിഐ തിരുവനന്തപുരം ജില്ലാ സെക്രട്ടറി അഡ്വ. ജി ആര് അനില്, ആലപ്പുഴ ജില്ലാ സെക്രട്ടറി ടി ജെ ആഞ്ചലോസ്, മഹിളാസംഘം നേതാക്കളായ അഡ്വ. ഇന്ദിര രവീന്ദ്രന്, സീനിയര് സിറ്റിസണ് കൗണ്സിലിനുവേണ്ടി ഡി വസന്തകുമാര്, പി വിജയമ്മ, കെപിഎസി സെക്രട്ടറി അഡ്വ. ഷാജഹാന് തുടങ്ങിയവര് അന്തിമോപചാരം അര്പ്പിച്ചു.
-
'ദിലീപിനേയും മഞ്ജുവിനേയും വിളിച്ചുവരുത്തി, കാരണം ആ സംശയം;രണ്ട് പേർക്കും അത് മനസിലായില്ല' -
ദേശീയപാത 66;തലപ്പാടി-ചെങ്കള, രാമനാട്ടുകര-വെങ്ങളം റീച്ച് ഉദ്ഘാടനം ഇന്ന്; ബഹിഷ്കരിച്ച് സംസ്ഥാന സർക്കാർ -
കാവ്യയെ ആണ് ആദ്യം വിളിച്ചത്, പിന്നാലെ ദിലീപേട്ടനെ വിളിച്ചു, നടൻ പറഞ്ഞത്..'ശാലു മേനോൻ പറയുന്നു -
ബെംഗളൂരു മെട്രോ യാത്രക്കാര് അറിഞ്ഞോ? നിങ്ങളെ വീട്ടിലെത്തിക്കാന് പുതിയ ഫീഡര് ബസുകള് -
'മമ്മൂട്ടി 75 വയസായ ആളാണ്, അസുഖം ഉള്ളയാളാണ്, തെറി പറഞ്ഞാൽ യുഡിഎഫ് സീറ്റ് 110 ന് മുകളിലേക്ക്' -
ദോശയും വടയും മെനുവില് നിന്ന് ഔട്ട്; പകരം ഈ വിഭവങ്ങള്: ബെംഗളൂരുവില് ഹോട്ടലുകള് കടുത്ത പ്രതിസന്ധിയില് -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
മുസ്ലീം യുവാവുമായി പ്രണയം, നാട് വിട്ടോടി കേരളത്തിലെത്തി വൈറൽ താരം മോണാലിസ, ഇന്ന് വിവാഹം -
'ആ സുരേഷ് ഗോപി ചിത്രം കാരണം ഞാൻ ഒന്നരക്കോടി രൂപ കടത്തിലായി, സ്ഥലമെല്ലാം വിൽക്കേണ്ടി വന്നു'; സുനിൽ പരമേശ്വരൻ -
യുദ്ധം കൂടിയാലും സ്വര്ണവില കൂടില്ല.. കാരണം ദുബായ്! യഥാര്ത്ഥത്തില് സംഭവിച്ചത് ഇത്... -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
'ജാഡയുള്ള മമ്മൂട്ടിക്കൊപ്പമല്ല, റഫീഖ് സഖാവിനൊപ്പം തന്നെ, മുഖ്യമന്ത്രി അല്ല, ആര് പറഞ്ഞാലും'
Click it and Unblock the Notifications
Sign in with Google