ബാലകൃഷ്ണ പിള്ളയുടെ ഗതി സജി ചെറിയാനും വരുമോ? എന്താണ് ഈ പഞ്ചാബ് മോഡല്‍ പ്രസംഗം?

Updated: Wednesday, July 6, 2022, 15:34 [IST]

തിരുവനന്തപുരം: ഭരണഘടനയ്‌ക്കെതിരെ നടത്തിയ വിവാദ പ്രസംഗത്തിന് പിന്നാലെ മന്ത്രി സ്ഥാനം നഷ്ടമാകുമോ എന്ന ചോദ്യ ചഹ്നത്തിലാണ് മന്ത്രി സജി ചെറിയാന്‍. ചെറിയാന്റെ പ്രസംഗം രാഷ്ട്രീയ വിവാദമായ സാഹചര്യത്തില്‍ തുടര്‍നടപടികള്‍ തീരുമാനിക്കാന്‍ സിപിഎം അവെലബിള്‍ സെക്രട്ടേറിയറ്റ് യോഗം എകെജി സെന്ററില്‍ ചേര്‍ന്നിരിക്കുകയാണ് മുഖ്യമന്ത്രിയും കോടിയേരി ബാലകൃഷ്ണനും എ.വിജയരാഘവും ടി.പി.രാമകൃഷ്ണനും പങ്കെടുത്ത യോഗത്തിലേക്ക് മന്ത്രി സജി ചെറിയാനെ വിളിച്ചു വരുത്തിയിരുന്നു.

പ്രതിപക്ഷ പാര്‍ട്ടികള്‍ സജി ചെറിയാനെതിരെ ഗവര്‍ണര്‍ക്കു പരാതി നല്‍കിയ സാഹചര്യത്തില്‍ സര്‍ക്കാര്‍ ഏജിയോട് നിയമോപദേശം തേടിയിട്ടുണ്ട്. രാജിവയ്‌ക്കേണ്ട സാഹചര്യമുണ്ടോ എന്നതടക്കമുള്ള കാര്യങ്ങളിലാണ് നിയമോപദേശം തേടിയിരിക്കുന്നത്. മന്ത്രിയുടെ രാജി സംബന്ധിച്ച് സംസ്ഥാന ഘടകത്തിനു തീരുമാനിക്കാമെന്നാണ് സിപിഎം കേന്ദ്ര നേതൃത്വത്തിന്റെ നിലപാട്.

സജി ചെറിയാന്റെ വിവാദ പ്രസംഗവും രാജിയും ഒക്കെ ചര്‍ച്ചയവുമ്പോള്‍ ആര്‍.ബാലകൃഷ്ണപ്പിള്ളയുടെ 'പഞ്ചാബ് മോഡല്‍ പ്രസംഗം' വീണ്ടും വാര്‍ത്തകളില്‍ ഇടം പിടിച്ചിരിക്കുകയാണ്. ബാലകൃഷ്ണ പിള്ള രാജി വച്ചത് പൊലെ സജി ചെറിയാന്‍ രാജി വയ്ക്കേണ്ടി വരും എന്നാണ് പ്രതിപക്ഷ നേതാക്കളും പറയുന്നത്. എന്താണ് 'പഞ്ചാബ് മോഡല്‍ പ്രസംഗം' എന്ന് നോക്കാം.

കരുണാകരന്‍ മന്ത്രിസഭയില്‍ വൈദ്യുതി മന്ത്രിയായിരിക്കെ ആയിരുന്നു ബാലകൃഷ്ണ പിള്ളയുടെ ആ കുപ്രസിദ്ധമായ പ്രസംഗം. ആ പ്രസംഗത്തിന്റെ പേരില്‍ ബാലകൃഷ്ണ പിള്ളയ്ക്ക് രാജി വെക്കേണ്ടിയും വന്നു. മന്ത്രിസ്ഥാനം തെറിപ്പിച്ച ആ പ്രസംഗം എന്താണെന്നറിയേണ്ടേ..
കോണ്‍ഗ്രസ് പ്രതിനിധി സമ്മേളനത്തില്‍ ആയിരുന്നു ബാലകൃഷ്ണപ്പിള്ളയുടെ ആ വിവാദ പ്രസംഗം. .കേരളത്തിന് അനുവദിച്ച കോച്ച് ഫാക്ടറി പഞ്ചാബിലേക്ക് പോയത് പരാമര്‍ശിച്ചായിരുന്നു പ്രസംഗം. കേരളത്തിന് അര്‍ഹമായത് കിട്ടണമെങ്കില്‍ പഞ്ചാബില്‍ സംഭവിക്കുന്നതെല്ലാം കേരളത്തിലും നടക്കണം. അതിന് ചോരയും നീരുമുള്ള യുവാക്കള്‍ രംഗത്തിറങ്ങണംമെന്നുമായിരുന്നു ബാലകൃഷ്ണ പിള്ള പറഞ്ഞിരുന്നത്..

എറണാകുളം രാജേന്ദ്ര മൈതാനിയിലാണ് പിള്ള ആവേശത്തില്‍ ഇക്കാര്യം പറഞ്ഞത്. പഞ്ചാബില്‍ വിഘടനവാദം രൂക്ഷമായിരുന്ന കാലഘട്ടമായിരുന്നു അത്. പഞ്ചാബികളെ തൃപ്തിപ്പെടുത്താനാണ് കോച്ച് ഫാക്ടറി രാജീവ് ഗാന്ധി പഞ്ചാബിലേക്ക് തിരിച്ചുവിട്ടതെന്ന ആരോപണവും ആ സമയത്ത് ഉണ്ടായിരുന്നു.

പത്രങ്ങളില്‍വ ബാലകൃഷ്ണ പിള്ളയുടെ പ്രസംഗം അച്ചടിച്ചുവന്നു. ഇതോടെ സംങവം മാറിമറിഞ്ഞു. പിന്നീടങ്ങോട്ട് വിവാദം പുകഞ്ഞു. ബാലകൃഷ്ണ പിള്ളയുടെ കയ്യില്‍ നിന്ന് കാര്യങ്ങള്‍ വിട്ടുപോയി. ആവേശത്തില്‍ പറഞ്ഞവസാനിപ്പിച്ച ആ ഒറ്റ പ്രസം?ഗത്തിലല്‍ ബാലകൃഷ്ണ പിള്ളയ്ക്ക് മന്ത്രി സ്ഥാനവും പോയി.

കലാപ ആഹ്വാനമെന്ന വാദത്തെ ബാലകൃഷ്ണ പിള്ള തള്ളിപ്പറഞ്ഞെങ്കിലും, അന്ന് യൂത്ത് കോണ്‍ഗ്രസ് നേതാവായിരുന്ന ജി.കാര്‍ത്തികേയന്‍, പിള്ളയുടേത് സത്യപ്രതിജ്ഞാ ലംഘനമാണെന്നും രാജി വേണമെന്നും ആവശ്യപ്പെട്ട് രംഗത്തെത്തി. പിന്നാലെ, ഇതുമായി ബന്ധപ്പെട്ട പൊതുതാല്‍പര്യ ഹര്‍ജി ഹൈക്കോടതിയില്‍ എത്തി. ബാലകൃഷ്ണപ്പിള്ളയ്ക്ക് രാജി വക്കേണ്ടി വന്നു.

ചുവപ്പിനെന്നും ഹൃദയങ്ങള്‍ കീഴടക്കാന്‍ കഴിയും ഏറ്റവും പുതിയ ചിത്രങ്ങളുമായി ലക്ഷ്മി നക്ഷത്ര....