കോണ്ഗ്രസ് നേതാവ് ആദിവാസി പെണ്കുട്ടിയെ ബലാത്സംഗം ചെയ്തതായി പരാതി; നേതാവ് ഒളിവില്
ബത്തേരി: വയനാട്ടില് കോണ്ഗ്രസ് നേതാവ് ആദിവാസി പെണ്കുട്ടിയെ ബലാത്സംഗം ചെയ്തതായി പരാതി. മുന് ഡിസിസി ജനറല് സെക്രട്ടറി ഒഎം ജോര്ജിന് എതിരെയാണ് പെണ്കുട്ടി പോലീസില് പരാതി നല്കിയിരിക്കുന്നത്. ബത്തരി പഞ്ചായത്ത് മുന് പ്രസിഡന്റ് കൂടിയായ ഒഎം ജോര്ജ്ജ് പരാതിയെ തുടര്ന്ന് ഒളിവിലാണ്.
ഒന്നരവര്ഷം ബലാത്സംഗം ചെയ്തതായി പെണ്കുട്ടി പോലീസിന് മൊഴി നല്കി. പെണ്കുട്ടിയെ കെഎം ജോര്ജ്ജ് നിരന്തരം ഭീഷണിപ്പെടുത്തിയതായും പണം നല്കി പീഡനം വിവരം ഒതുക്കാന് ശ്രമിച്ചെന്നും പാതാപിതാക്കള് ആരോപിക്കുന്നു. പെണ്കുട്ടിയും മാതാപിതാക്കളും ജോര്ജ്ജിന്റെ വീട്ടിലെ ജോലിക്കാരായിരുന്നു.
പീഡനം തുടര്ന്നതിനാല് പെണ്കുട്ടി ആത്മഹത്യയ്ക്ക് ശ്രമിക്കുകയും ചെയ്തിരുന്നു. ഇപ്പോള് പെണ്കുട്ടി ചൈല്ഡ് ലൈനിന്റെ സംരക്ഷണത്തിലാണ്. പെണ്കുട്ടി പ്രായപൂര്ത്തിയാകത്തതിനാല് പോക്സോ വകുപ്പ് പ്രകാരമാണ് പോലീസ് കേസെടുത്തിരിക്കുന്നത്. ഒഎം ജോര്ജ്ജിനെ പിടികൂടാനുള്ള ശ്രമം തുടങ്ങിയതായി ബത്തേരി പോലീസ് അറിയിക്കുന്നു.