ലക്ഷദ്വീപില് സമരം പൂര്ണം; 3 വിദ്യാര്ഥികള്ക്കെതിരെ കേസെടുത്തു, പ്ലക്കാര്ഡുമായി കുരുന്നുകളും
കവരത്തി: അഡ്മിനിസ്ട്രേറ്റര് പ്രഫുല് പട്ടേലിനെ പിന്വലിക്കണമെന്ന് ആവശ്യപ്പെട്ട് ലക്ഷദ്വീപ് നിവാസികള് നടത്തിയ നിരാഹാര സമരം പൂര്ണം. സമരത്തിന് ഐക്യദാര്ഢ്യം പ്രഖ്യാപിച്ച് സേവ് ലക്ഷദ്വീപ് ഫോറത്തിന്റെ അഭ്യര്ഥന പരിഗണിച്ച് കടകള് തുറന്നില്ല. വാഹനങ്ങള് നിരത്തിലിറങ്ങിയില്ല. സമീപകാല ചരിത്രത്തില് ആദ്യമായിട്ടാണ് ലക്ഷദ്വീപില് ഇങ്ങനെ ഒരു സമരം. മെഡിക്കല് ഷോപ്പുകള് മാത്രമാണ് തുറന്നത്. സ്ത്രീകളും കുട്ടികളും വൃദ്ധരും സമരത്തില് പങ്കാളികളായി. ദ്വീപിലെ ബിജെപി പ്രവര്ത്തകരും നിരാഹാര സമരത്തില് ഒപ്പം ചേര്ന്നു.
രാവിലെ ആറ് മുതല് വൈകീട്ട് ആറ് വരെയായിരുന്നു നിരാഹാര സമരം. സമരത്തിന്റെ ഭാഗമായി വീടുകളില് പ്ലക്കാര്ഡുകള് പിടിച്ച് കുടുംബങ്ങള് പ്രതിഷേധം പ്രകടിപ്പിച്ചു. സേവ് ലക്ഷദ്വീപ് എന്നാണ് മിക്ക പ്ലക്കാര്ഡുകളിലുമുണ്ടായിരുന്നത്. മല്സ്യബന്ധന ബോട്ടുകള് കടലില് പോയില്ല. വീടുകളില് പ്രക്കാര്ഡുകള് വിതരണം ചെയ്ത കവരത്തിയിലെ മൂന്ന് വിദ്യാര്ഥികളെ പോലീസ് കസ്റ്റഡിയിലെടുക്കുകയും സ്റ്റേഷന് ജാമ്യത്തില് വിടുകയും ചെയ്തു. ഇവര്ക്കെതിരെ കേസെടുത്തു എന്നാണ് വിവരം.
അനിഷ്ട സംഭവങ്ങളൊന്നും റിപ്പോര്ട്ട് ചെയ്തിട്ടില്ല. ചീഫ് അഡ്മിനിസ്ട്രേറ്റര് പ്രഫുല് ഖോഡ പട്ടേലിന്റെ വിവാദ നടപടികള് പിന്വലിച്ചില്ലെങ്കില് സമരം ശക്തമാക്കുമെന്ന് പ്രതിഷേധക്കാര് അറിയിച്ചു. സമരക്കാരെ നേരിടാന് കൂടുതല് പോലീസിനെ വിന്യസിച്ചിരുന്നു. ബോട്ടുകളിലും നിരീക്ഷണം ശക്തമാക്കിയിരുന്നു. കേരളത്തിലും ലക്ഷദ്വീപിന് ഐക്യദാര്ഢ്യം പ്രഖ്യാപിച്ച് സമരം നടന്നു. കൊച്ചിയിലെ ലക്ഷദ്വീപ് അഡ്മിനിസ്ട്രേഷന് ഓഫീസിന് മുമ്പില് ഒമ്പത് യുഡിഎഫ് എംപിമാര് കുത്തിയിരുന്ന് സമരം നടത്തി.
സിമ്പിള് സാരി ലുക്കില് തിളങ്ങി നടി ഭൂമിക ചൗള; പുതിയ ചിത്രങ്ങള് കാണാം
Click it and Unblock the Notifications
Sign in with Google