ഉപ്പളയില്‍ സംഘര്‍ഷം; കല്ലേറും ലാത്തിചാര്‍ജും, സിഐ ഉള്‍പ്പെടെ അഞ്ചുപേര്‍ക്ക് പരിക്ക്

  • Posted By:
Subscribe to Oneindia Malayalam

ഉപ്പള: ഉപ്പളയില്‍ നബിദിനാഘോഷത്തിന്റെ ഭാഗമായി കെട്ടിയ കൊടി പൊലീസ് എടുത്തുമാറ്റിയതിനെ ചൊല്ലി ഒരു സംഘം യുവാക്കളും പൊലീസും ഏറ്റുമുട്ടി. പൊലീസിനെ നേരെ കല്ലേറുണ്ടായി. ലാത്തിചാര്‍ജ് നടത്തി. സംഘര്‍ഷത്തില്‍ കുമ്പള സി.ഐ ഉള്‍പ്പെടെ അഞ്ചുപേര്‍ക്ക് പരിക്കേറ്റു. സംഭവവുമായി ബന്ധപ്പെട്ട് കണ്ടാലറിയാവുന്ന 60 പേര്‍ക്കെതിരെ മഞ്ചേശ്വരം പൊലീസ് കേസെടുത്തു. ഇന്നലെ ഉച്ചയ്ക്ക് 11 മണിയോടെ നയാബസാറിലാണ് സംഭവം.

ഓഖി ശക്തി കുറയുന്നു; ലക്ഷദ്വീപ് ശാന്തമാകുന്നു

കുമ്പള സി.ഐ വി.വി മനോജ്, മഞ്ചേശ്വരം പൊലീസ് സ്റ്റേഷനിലെ സിവില്‍ പൊലീസ് ഓഫിസര്‍മാരായ സന്ദീപ്, സുരേന്ദ്രന്‍ എന്നിവര്‍ക്കാണ് കല്ലേറില്‍ പരിക്കേറ്റത്. പൊലീസിന്റെ ലാത്തിചാര്‍ജില്‍ മംഗല്‍പാടി പഞ്ചായത്ത് സ്റ്റാന്റിങ് കമ്മിറ്റി ചെയര്‍മാന്‍ വി.എം മുസ്തഫ(31), അബ്ദുല്‍റസാഖ്(39) എന്നിവര്‍ക്ക് പരിക്കേറ്റു. പൊലീസുകാര്‍ സ്വകാര്യ ആസ്പത്രിയില്‍ ചികിത്സ തേടി.

police

മുസ്തഫ മംഗളൂരുവിലെ ആസ്പത്രിയിലും റസാഖ് ഉപ്പളയിലെ സ്വകാര്യ ആസ്പത്രിയിലും ചികിത്സയിലാണ്. ഉച്ചയോടെ അയില മൈതാന റോഡില്‍ ചില യുവാക്കള്‍ കൊടി കെട്ടിയിരുന്നു. ഇത് മാറ്റണമെന്നാവശ്യപ്പെട്ട് മറ്റൊരു സംഘം എത്തിയതോടെയാണ് തര്‍ക്കം തുടങ്ങിയത്. വിവരമറിഞ്ഞ് മഞ്ചേശ്വരം പൊലീസ് എത്തി കൊടി എടുത്തുമാറ്റി. ഇതോടെയാണ് പൊലീസിന് നേരെ കല്ലേറുണ്ടായത്. കല്ലേറ് രൂക്ഷമായപ്പോള്‍ ലാത്തിചാര്‍ജ് നടത്തി കൂടിനിന്നവരെ പൊലീസ് ഓടിക്കുകയായിരുന്നു.

English summary
Conflicts in upppala; 5 injured
Please Wait while comments are loading...

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്