ലതിക സുഭാഷിനെതിരെ കോൺഗ്രസ് നടപടി; പ്രാഥമിക അംഗത്വത്തിൽ നിന്ന് പുറത്താക്കി
തിരുവനന്തപുരം; മഹിള കോണ്ഗ്രസ് സംസ്ഥാന അധ്യക്ഷയായിരുന്ന ലതിക സുഭാഷിനെതിരെ നടപടിയുമായി കോൺഗ്രസ്. ലതികയെ പ്രാഥമിക അംഗത്വത്തില് നിന്ന് നീക്കിയതായി കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ അറിയിച്ചു. അതേസമയം എന്തുകൊണ്ട് നടപടിയെന്ന കാര്യം വ്യക്തമാക്കിയിട്ടില്ല.
സ്ഥാനാർത്ഥി നിർണയവുമായി ബന്ധപ്പെട്ട തർക്കങ്ങളെ തുടർന്നാണ് ലതിക നേതൃത്വത്തിനെതിരെ രംഗത്തെത്തിയത്. സീറ്റ് നിഷേധിക്കപ്പെട്ടതോടെ കെപിസിസി ആസ്ഥാനത്ത് തല മുണ്ഡലം ചെയ്ത് ലതിക നടത്തിയ പ്രതിഷേധം കോൺഗ്രസിനെ വലിയ പ്രതിസന്ധിയിലാക്കിയിരുന്നു. ലതികയെ അനുനയിപ്പിക്കാനുള്ള ശ്രമങ്ങൾ നേതാക്കൾ നടത്തിയിരുന്നുവെങ്കിലും അതെല്ലാം തള്ളി അവർ ഏറ്റുമാനൂർ മണ്ഡലത്തിൽ സ്വതന്ത്ര സ്ഥാനാർത്ഥിയായി മത്സരത്തിനിറങ്ങുകയായിരുന്നു. .
ജോസ് കെ മാണിയുടെ നേതൃത്വത്തിലുളള കേരള കോൺഗ്രസ് എം ഇടതമുന്നണിയിലേക്ക് പോയതോടെ ഒഴിവ് വന്ന ഏറ്റുമാനൂർ സീറ്റിൽ മത്സരിക്കാനായിരുന്നു ലതിക സുഭാഷ് ശ്രമം നടത്തിയത്. സീറ്റ് ഏറ്റെടുക്കുകയെന്ന ലക്ഷ്യത്തോട് ലതികയോട് പ്രവർത്തനം ആരംഭിക്കാനും കോൺഗ്രസ് മൗനാനുവാദം നൽകിയിരുന്നു. ഇതിനിടയിൽ അവസാന നിമിഷം ഐ ഗ്രൂപ്പ് കാരനായ ജോസഫ് വാഴക്കന് സീറ്റുറപ്പിക്കാന് കാഞ്ഞിരപ്പള്ളിക്ക് വേണ്ടി രമേശ് ചെന്നിത്തല ഉറച്ച് നിന്നതോടെ ഏറ്റുമാനൂർ ജോസഫ് വിഭാഗത്തിന്റെ കൈകകളിൽ എത്തുകയായിരുന്നു.
പാലക്കാട് ബിജെപിക്ക് ആവേശമായി നരേന്ദ്ര മോദിയെത്തി, ചിത്രങ്ങൾ കാണാം
തുടർന്നാണ് നേതൃത്വത്തിനെതിരെ ലതിക സുഭാഷ് രംഗത്തെത്തിയത്. സ്ത്രീകളോട് കാണിച്ച അനീതിയാണ് സീറ്റ് നിഷേധം എന്ന വിമർശനമായിരുന്നു ലതിക ഉയർത്തിയത്. അതേസമയം ലതിക ഏറ്റുമാനൂരില് സ്വതന്ത്ര സ്ഥാനാര്ഥിയായതോടെ അവരെ പുറത്താക്കണമെന്ന ആവശ്യം ശക്തമായിരുന്നു. തുടർന്നാണ് ഇപ്പോഴത്തെ നടപടി.
Click it and Unblock the Notifications
Sign in with Google