ഐ ഗ്രൂപ്പിന് അമര്ഷം; തിരുവഞ്ചൂര് പുറത്തേക്ക്?
കോഴിക്കോട് ജില്ലാ കമ്മിറ്റിയിലെ ആ ഗ്രൂപ്പ് നേതാക്കളാണ് ആഭ്യന്തര മന്ത്രി തിരുവഞ്ചൂര് രാധാകൃഷ്ണനെ വിമര്ശിച്ച് രംഗത്ത് വന്നിരിക്കുന്നത്. മന്ത്രി എന്ന നിലയിലല്ല, ഗ്രൂപ്പ് നേതാവിനെപ്പോലെയാണ് തിരുവഞ്ചൂരിന്റെ ശരീരഭാഷ എന്നും കുറ്റപ്പെടുത്തലുണ്ട്. ഐ ഗ്രൂപ്പ് നേതാവ് ഐ മൂസയാണ് തിരുവഞ്ചൂരിനെതിരെ കടുത്ത വിമര്ശനവുമായി വാര്ത്താ സമ്മേളനം നടത്തിയത്. രാജിവെക്കണോ എന്ന കാര്യം തിരുവഞ്ചൂര് സ്വയം പരിശോധിക്കട്ടെ എന്നാണ് പുറത്തുപറയുന്നതെങ്കിലും ഐ ഗ്രൂപ്പ് നേതാക്കളുടെ മനസിലിരുപ്പ് വേറെയാണ്.
സോളാര് വിവാദത്തില് നിന്നും അല്പമൊന്ന് ആശ്വാസം കൊള്ളുന്ന മുഖ്യമന്ത്രിക്കും ആഭ്യന്തരമന്ത്രിക്കും അടുത്ത തലവേദനയാകുമോ ടി പി വധക്കേസ് എന്നാണ് കേരളം ഉറ്റുനോക്കുന്നത്. ടി പി വധക്കേസിലെ പബ്ലിക് പ്രോസിക്യൂട്ടര് ഐ ഗ്രൂപ്പ് നേതാവായിരുന്നു എന്ന തിരുവഞ്ചൂരിന്റെ പരാമര്ശമാണ് ഐ ഗ്രൂപ്പ് നേതാക്കളെ ചൊടിപ്പിച്ചത്.
സാക്ഷികള്ക്ക് ഭയമില്ലാതെ മൊഴി നല്കാനുള്ള സാഹചര്യം ഒരുക്കിയില്ല എന്നാണ് പോലീസിനും പോലീസ് മന്ത്രിക്കും നേരെ ഐ ഗ്രൂപ്പ് ഉയര്ത്തുന്ന ആരോപണം. കേന്ദ്ര ആഭ്യന്തര മന്ത്രിയായ മുല്ലപ്പള്ളി രാമചന്ദ്രനെതിരെയും ഐ ഗ്രൂപ്പ് നേതാക്കള് പ്രസ്താവന നടത്തി. മുല്ലപ്പള്ളി ഗ്രൂപ്പ് മാറി എന്നുവരെ ആരോപിക്കുന്നവരുണ്ട്.
അതേസമയം ഐ ഗ്രൂപ്പിന്റെ അഭിപ്രായം കോഴിക്കോട് ഡി സി സി യുടെ അഭിപ്രായമല്ലെന്ന വിശദീകരണവുമായി കെ സി അബു രംഗത്തുവന്നു. പരസ്യ പ്രസ്താവന നടത്തിയ ഐ ഗ്രൂപ്പ് നേതാക്കള്ക്കെതിരെ പാര്ട്ടി നേതൃത്വത്തെ സമീപിക്കാനുള്ള നീക്കത്തിലാണ് അബു.
Click it and Unblock the Notifications
Sign in with Google