വീണ് കിടക്കുമ്പോള്‍ ചതച്ചരയ്ക്കരുത്... ശ്രീശാന്തിനും ഇതേ അവസ്ഥ, ദിലീപിന്റെ നന്‍മ തിരിച്ചറിയണം

ദിലീപിനു പിന്തുണയുമായി കോണ്‍ഗ്രസ് നേതാവ് അജയ് തറയില്‍

തിരുവനന്തപുരം: നടിയെ ആക്രമിച്ച കേസില്‍ ജയിലിലുള്ള ദിലീപിന് പിന്തുണയുമായി കോണ്‍ഗ്രസ് നേതാവ് അജയ് തറയില്‍ രംഗത്തുവന്നു. തന്റെ ഫേസ്ബുക്ക് പേജിലൂടെയാണ് അദ്ദേഹം ദിലീപിനെ പിന്തുണച്ച് സംസാരിച്ചത്. അതേസമയം, ഹൈക്കോടതി രണ്ടാം തവണയും ജാമ്യം നിഷേധിച്ചതോടെ ദിലീപിന്റെ ഇത്തവണത്തെ ഓണം ജയിലിലാവുമെന്ന് ഉറപ്പായിട്ടുണ്ട്.

ദിലീപ് തെറ്റ് ചെയ്തിട്ടുണ്ടാവാം

ദിലീപ് തെറ്റ് ചെയ്തിട്ടുണ്ടാവാമെന്നു പറഞ്ഞാണ് അജയ് തറയയില്‍ തന്റെ ഫേസ്ബുക്ക് കുറിപ്പ് തുടങ്ങിയത്.

വീണ് കിടക്കുമ്പോള്‍ ചവിട്ടിമെതിക്കരുത്

ഒരാള്‍ വീണ് കിടക്കുമ്പോള്‍ ചവിട്ടി മെതിച്ച്, ചതച്ചരച്ചു ഇല്ലായ്മ ചെയ്യണോയെന്നും ദിലീപിനെ ഉദ്ദേശിച്ചു അജയ് തറയില്‍ ചോദിക്കുന്നു.

കേരളത്തില്‍ ഇതാദ്യം

ഈയൊരു കുറ്റത്തിന്റെ പേകില്‍ ഇത്രയധികം ദിവസം ഒരാള്‍ ജയിലില്‍ കിടക്കുന്നത് ഇതാദ്യമാണ്. എല്ലാവരും അദ്ദേഹത്തെ വളഞ്ഞിട്ട് ആക്രമിക്കുകയാണെന്നും അജയ് കുറിച്ചു.

ദിലീപിന്റെ സുഹൃത്തല്ല

ദിലീപിന്റെ സുഹൃത്തൊന്നുമല്ല ഞാന്‍. കേവലം പരിചയക്കാരന്‍ മാത്രം. എന്നാല്‍ അദ്ദേഹത്തിന്റെ സുഹൃത്തുക്കള്‍ പോലും ദിലീപിനെ മറന്നു പോയിരിക്കുന്നു.

മ്ലേച്ഛമായ കഥാപാത്രം

മലയാള സിനിമാരംഗത്ത് ജനപ്രിയനായിരുന്ന ദിലീപിനെ ഏറ്റവും മ്ലേച്ഛമായ കഥാപാത്രമായാണ് ഇപ്പോള്‍ എല്ലാവരും കാണുന്നതെന്നും അദ്ദേഹം കുറിച്ചു.

ശ്രീശാന്തിനോടും ഇതുപോലെ

ഇന്ത്യയുടെ മുന്‍ മലയാളി പേസര്‍ ശ്രീശാന്തിനോടും ഇതു പോലെ തന്നെ ആയിരുന്നില്ലേയെന്നും അജയ് തറയില്‍ തന്റെ കുറിപ്പിലൂടെ ചോദിച്ചു.

നന്‍മകള്‍ തിരിച്ചറിയണം

ഇനി മതി, ഇനിയെങ്കിലും ദിലീപിന്റെ നന്‍മകളും കൂടി തിരിച്ചറിയാനുള്ള അവസരം നല്‍കണമെന്നു പറഞ്ഞാണ് അജയ് തറയില്‍ തന്റെ കുറിപ്പ് അവസാനിപ്പിച്ചത്.

English summary

Congress leader Ajay tharayil supports Dileep