Click it and Unblock the Notifications
Just In
Don't Miss
-
കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര! -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
'ഇത്രയും അല്പനാകരുത് മിസ്റ്റർ പിണറായി വിജയൻ', മുഖ്യമന്ത്രിക്കെതിരെ ആഞ്ഞടിച്ച് ബിന്ദു കൃഷ്ണ!
തിരുവനന്തപുരം: കൊവിഡ് കാലത്ത് ഭരണപക്ഷവും പ്രതിപക്ഷവുമായുളള ഏറ്റുമുട്ടലിന് സംസ്ഥാനത്ത് കുറവൊന്നുമില്ല. പ്രവാസികളുടെ പ്രശ്നങ്ങൾ മുഖ്യമന്ത്രി ശതകോടീശ്വരന്മാരുമായാണ് ചർച്ച നടത്തിയത് എന്ന് കെപിസിസി അധ്യക്ഷൻ മുല്ലപ്പളളി രാമചന്ദ്രൻ ആരോപിച്ചിരുന്നു. മുല്ലപ്പളളിക്ക് കുശുമ്പ് തോന്നിയിട്ട് കാര്യമില്ലെന്ന് പിണറായി മറുപടിയും നൽകി. പിണറായിയുടേത് അൽപ്പത്തരമാണ് എന്നാണ് കോൺഗ്രസ് നേതാവ് ബിന്ദു കൃഷ്ണ തിരിച്ചടിച്ചിരിക്കുന്നത്.
ബിന്ദു കൃഷ്ണയുടെ ഫേസ്ബുക്ക് പോസ്റ്റ് വായിക്കാം: '' മുഖ്യമന്ത്രി ദുബായ് കോടീശ്വരന്മാരുമായി മാത്രം ചർച്ച നടത്തിയിട്ട് കാര്യമില്ല. പ്രവാസി സംഘടനകളോടും ചർച്ച നടത്തണമെന്ന് മുല്ലപ്പള്ളി പറഞ്ഞതിന് കരുതൽ മനുഷ്യൻ പിണറായി വിജയൻ പറഞ്ഞ മറുപടി മുല്ലപ്പള്ളിക്ക് കുശുമ്പാണെന്നാണ്. ഇത്രയും അല്പനാകരുത് മിസ്റ്റർ പിണറായി വിജയൻ. പ്രവാസികളുടെ പ്രതിനിധികൾ എന്ന് പറഞ്ഞു ലോക കേരള സഭയിൽ വന്ന് പുട്ടടിക്കുന്നവരും, നോർക്കയെന്നു പറഞ്ഞു ആകാശത്തേക്ക് നോക്കി നിൽക്കുന്നവരും ഈ കോവിഡ് കാലത്ത് പ്രവാസികളോട് കാണിച്ച സമീപനത്തെ കുറിച്ച് പ്രവാസികളെ കൊണ്ട് പറയിക്കാതെ ഇരിക്കുന്നതാണ് നല്ലത്.
കെ എം സി സി എന്ന സംഘടന മലയാളികളെ പാർപ്പിക്കാൻ വേണ്ടി വലിയൊരു കെട്ടിടം തന്നെ ഒരുക്കിയിരിക്കുന്നു. ഇൻകാസ് പ്രവർത്തകർ മുന്നിൽ തന്നെ നിൽക്കുന്നു, പ്രതിസന്ധിയിലായ ഗൾഫ് ജനതയ്ക്ക് ഏതൊരു ആവശ്യത്തിനും ഇവർ ഓടിയെത്തുന്നു, ഗൾഫിന്റെ ദുരിതമുഖത്തു അഷ്‌റഫ്‌ താമരശ്ശേരി നിലയുറപ്പിക്കുന്നു. രണ്ടായിരം പേരെ സുരക്ഷിതരാക്കിയ, രാവന്തിയോളം പ്രവാസികൾക്ക് വേണ്ടി ഓടി നടന്ന ഇൻകാസ് പ്രവർത്തകൻ നസീർ വാടാനപ്പള്ളി കോവിഡ് സ്ഥിരീകരിച്ചു ആശുപത്രിയിലാണ്.
Recommended Video
സർക്കാർ സിസ്റ്റം അമ്പേ പരാജയവും അരിപ്രാഞ്ചികളുടെ സമ്മേളനവുമായി ഒതുങ്ങുമ്പോൾ കെ എം സി സിയും ഇൻകാസും അടക്കമുള്ള പ്രവാസി സംഘടനകൾ മുന്നിട്ടിറങ്ങി മലയാളികൾക്ക് കരുത്തേകുമ്പോൾ അത്തരം നല്ല മനസ്സുകളെ കേൾക്കാൻ കൂടി കൂട്ടാക്കാതെ പ്രവാസികൾ എന്നാൽ കോടീശ്വരന്മാരുടെ കയ്യിലെ കളിപ്പാവയാണെന്നും, പ്രവാസികളുടെ ജീവിതത്തിന്റെ ആധികാരിക രേഖ ഇത്തരം കോടീശ്വരന്മാരുടെ അവസാന വാക്കാണെന്ന് വിശ്വസിച്ചു അവരെ മാത്രം കേട്ട് കൊണ്ട് മുന്നോട്ടു പോകുന്ന സർക്കാരിനെ വിമർശിക്കുമ്പോൾ കുശുമ്പ് എന്നാണ് മറുപടിയെങ്കിൽ, അത് കുശുമ്പാണോ, വസ്തുതയാണോ എന്ന് പ്രവാസികൾ തീരുമാനിക്കട്ടെ''.
