സിപിഎം കീഴ്ഘടകങ്ങളെ നിയന്ത്രിക്കുന്നത് വര്ഗീയശക്തികള്; കുറിപ്പുമായി ചെറിയാന് ഫിലിപ്പ്
തിരുവനന്തപുരം: സി പി എമ്മിനെതിരെ രൂക്ഷവിമര്ശനവുമായി ചെറിയാന് ഫിലിപ്പ് രംഗത്ത്. സി പി എം സംസ്ഥാന കമ്മറ്റി മുതല് ബ്രാഞ്ച് കമ്മറ്റി വരെയുള്ള വിവിധ ഘടകങ്ങളില് മത തീവ്രവാദികള് നുഴഞ്ഞുകയറിയിട്ടുണ്ടെന്ന് ചെറിയാന് ഫിലിപ്പ് പറഞ്ഞു. പല ജില്ലകളിലും ഇപ്പോള് സി പി എം വിഭാഗീയത ജാതി-മത അടിസ്ഥാനത്തിലാണ്. മത സംഘടനകളില് സജീവമായി പ്രവര്ത്തിക്കുന്ന പലരുമാണ് ഇപ്പോള് സി പി എം സഹയാത്രികരായിട്ടുള്ളത്. ഇവര് മുഖേനയാണ് സി പി എം വര്ഗ്ഗീയ പ്രീണന നയം നടപ്പാക്കുന്നതെന്നും അദ്ദേഹം ഫേസ്ബുക്കില് പങ്കുവച്ച കുറിപ്പില് പറയുന്നു.
വര്ഗ്ഗീയ ശക്തികളാണ് പലയിടത്തും ഇപ്പോള് സി പി എം കീഴ്ഘടകങ്ങളെ നിയന്ത്രിക്കുന്നത്. ഭൂരിപക്ഷ വര്ഗ്ഗീയതയും ന്യൂനപക്ഷ വര്ഗ്ഗീയതയും ഒരുപോലെ അപകടകരമാണെങ്കിലും സി പി എം -ന്റെ ഔദ്യോഗിക നയം വ്യക്തമല്ല. ഇക്കാര്യത്തില് എം വി ഗോവിന്ദന്റെ അഭിപ്രായം പാര്ട്ടി നയമാണോയെന്ന് വ്യക്തമാക്കണമെന്നും ചെറിയാന് ഫിലിപ്പ് പറഞ്ഞു. കുറിപ്പിന്റെ പൂര്ണരൂപം ഇങ്ങനെ,
സി പി എം സംസ്ഥാന കമ്മറ്റി മുതല് ബ്രാഞ്ച് കമ്മറ്റി വരെയുള്ള വിവിധ ഘടകങ്ങളില് മത തീവ്രവാദികള് നുഴഞ്ഞുകയറിയിട്ടുണ്ട്. പല ജില്ലകളിലും ഇപ്പോള് സി പി എം വിഭാഗീയത ജാതി- മത അടിസ്ഥാനത്തിലാണ്. മത സംഘടനകളില് സജീവമായി പ്രവര്ത്തിക്കുന്ന പലരുമാണ് ഇപ്പോള് സി പി എം സഹയാത്രികരായിട്ടുള്ളത്. ഇവര് മുഖേനയാണ് സി പി എം വര്ഗ്ഗീയ പ്രീണന നയം നടപ്പാക്കുന്നത്.
ആരാധനാലയങ്ങളുടെ ഭരണ സമിതികളിലും സമുദായ സംഘടനകളിലും കയറിപ്പറ്റി ആധിപത്യം സ്ഥാപിക്കുകയെന്ന അടവുനയം സി പി എം ന് തിരിച്ചടിയായിട്ടുണ്ട്. വര്ഗ്ഗീയ ശക്തികളാണ് പലയിടത്തും ഇപ്പോള് സി പി എം കീഴ്ഘടകങ്ങളെ നിയന്ത്രിക്കുന്നത്. ഭൂരിപക്ഷ വര്ഗ്ഗീയതയും ന്യൂനപക്ഷ വര്ഗ്ഗീയതയും ഒരുപോലെ അപകടകരമാണെങ്കിലും സി പി എം -ന്റെ ഔദ്യോഗിക നയം വ്യക്തമല്ല. ഇക്കാര്യത്തില് എം വി ഗോവിന്ദന്റെ അഭിപ്രായം പാര്ട്ടി നയമാണോയെന്ന് വ്യക്തമാക്കണം. പ്രണയിക്കുന്നവരെ മത പരിവര്ത്തനം നടത്തിയ ശേഷം വിവാഹം കഴിച്ച നിരവധി ഡി വൈ എഫ് ഐക്കാര് കേരളത്തിലുണ്ട്. ഇവരെ ആരെയും പാര്ട്ടി തള്ളിപ്പറഞ്ഞിട്ടില്ല- ചെറിയാന് ഫിലിപ്പ് ഫേസ്ബുക്കില് കുറിച്ചു.
അതേസമയം, ഭൂരിപക്ഷ വര്ഗീയത ഏറ്റവും അപകടകരമാണെന്ന് കഴിഞ്ഞ ദിവസം മന്ത്രി എം വി ഗോവിന്ദന് അഭിപ്രായപ്പെട്ടിരുന്നു. ഇതിന് പിന്നാലെയാണ് ചെറിയാന് ഫിലിപ്പിന്റെ പ്രതികരണം. ഭൂരിപക്ഷ വര്ഗീയതയാണ് ന്യൂനപക്ഷ വര്ഗീയതയുണ്ടാക്കുന്നത്. രണ്ട് ഭീകരതയും ജനങ്ങള്ക്ക് ഭീഷണിയാണെന്നുമാണ് മന്ത്രി പറഞ്ഞത്.
ഭൂരിപക്ഷ വര്ഗീയതയാണ് ഈ രാജ്യത്ത് ഹിന്ദു രാഷ്ട്രം ഉണ്ടാക്കാന് ശ്രമിക്കുന്നത്. ഹിന്ദു രാഷ്ട്രം ഉണ്ടാക്കാനുള്ള ശ്രമത്തിന്റെ ഭാഗമാണ് ന്യൂനപക്ഷ വിരോധം. ന്യൂനപക്ഷ വിരോധത്തിന്റെ ഭാഗമായാണ് സംഘര്ഷങ്ങള് രൂപപ്പെട്ട് വരുന്നത്. സ്വഭാവികമായും ഭൂരിപക്ഷ വര്ഗീയതയാണ് ഏറ്റവും അപകടകാരിയായ വര്ഗീയത'. വര്ഗീയ സംഘര്ഷങ്ങളിലൂടെ സംഘടന ശക്തിപ്പെടുത്താനുള്ള ശ്രമങ്ങള് സംസ്ഥാനത്ത് നടക്കുന്നുണ്ട്. സര്ക്കാരും പൊലീസും മാത്രം വിചാരിച്ചാല് അക്രമം ഒഴിവാക്കാനാവില്ലെന്നും മന്ത്രി പറഞ്ഞിരുന്നു.
എംവി ഗേവിന്ദന്റെ പ്രസ്താവനയില് പ്രതികരിച്ച് വി ഡി സതീശനും രംഗത്തെത്തിയിരുന്നു. ഭൂരിപക്ഷ വര്ഗീയതയാണ് ന്യൂനപക്ഷ വര്ഗീയതയ്ക്ക് കാരണമെന്ന മന്ത്രി എം.വി ഗോവിന്ദന്റെ പ്രസ്താവന കലക്കവെള്ളത്തില് മീന്പിടിക്കലാണെന്നാണ് വിഡി സതീശന് പറഞ്ഞത്. ഡി.വൈ.എഫ്.ഐ പ്രദേശിക നേതാവ് വിവാഹം കഴിച്ചപ്പോള് മുന് എം.എല്.എ ജോര്ജ് എം. തോമസ് പറഞ്ഞതും ഇതു തന്നെയാണ്. കലക്കവെള്ളത്തില് മീന് പിടിക്കാന് ശ്രമിച്ചെങ്കിലും രണ്ടു കൂട്ടരും എതിരായെന്നും അദ്ദേഹം കൂട്ടിച്ചേര്ത്തു.
-
എൽഡിഎഫും യുഡിഎഫും ഒപ്പത്തിനൊപ്പമെത്തും, കിംഗ് മേക്കറാകുമോ ബിജെപി? മാട്രിസ്-ഐഎഎന്സ് സർവ്വേ ഫലം -
ഗോഡ്ഫാദറില്ലാത്തത് അയോഗ്യതയാണോ? 'ഫാദറുണ്ട്; മത്സരിച്ചാൽ 15000 ഭൂരിപക്ഷത്തിൽ ജയിക്കും': എൽദോസ് കുന്നപ്പിള്ളി -
19 എംഎൽമാരേയും ഇറക്കി കോണ്ഗ്രസ്; 55 പേരടങ്ങിയ ആദ്യഘട്ട സ്ഥാനാർത്ഥി പട്ടിക പുറത്ത് -
കണ്ണൂരിൽ പൊട്ടിത്തെറി: മുതിർന്ന സിപിഎം നേതാവ് ടികെ ഗോവിന്ദൻ പാർട്ടി വിട്ടു -
പാർലമെന്ററി രാഷ്ട്രീയത്തിൽ നിന്ന് വിരമിച്ച് പിജെ ജോസഫ്; തൊടുപുഴയിൽ മകൻ അപു -
‘പോൾ വിളി’ ഇങ്ങനെ- നയിക്കാൻ യുഡിഎഫ്, മറ്റാരുമില്ലെന്ന് എൽഡിഎഫ്, മാറ്റുമെന്ന് എൻഡിഎ -
രാജ്യസഭാ തിരഞ്ഞെടുപ്പിൽ വമ്പൻ ജയവുമായി എൻഡിഎ; വോട്ട് മറിച്ച് പ്രതിപക്ഷം -
അഞ്ച് കേരള വർഷങ്ങൾ; ചേർത്തുനിർത്തൽ തുടർഭരണത്തിലെത്തിച്ച 2021; വിശ്വാസവും വര്ഗീയതയും വിഷയമാകുന്ന 2026 -
ബീക്കൺ ലൈറ്റ് ഇട്ടാൽ വരെ തെരഞ്ഞെടുപ്പ് കമ്മീഷൻ വടിയെടുക്കും; അറിയാം, തെരഞ്ഞെടുപ്പ് പെരുമാറ്റച്ചട്ടം -
സ്വർണ വില ഗ്രാമിന് 26000ത്തിന് മുകളിലേക്ക്, പവൻ വില 2.39 ലക്ഷവും..വെറും 4 കൊല്ലം കൊണ്ട് കുതിക്കും,പ്രവചനം -
സര്ക്കാര് ജീവനക്കാരേക്കാള് അധികശമ്പളം കെഎസ്ഇബി ജീവനക്കാര്ക്ക് നല്കേണ്ടതില്ല: സംസ്ഥാന സര്ക്കാര് -
വളരെ സ്പെഷ്യലായ 2 രാജയോഗങ്ങൾ ഒരുമിച്ച്; ഈ രാശിക്കാരുടെ പ്രണയ ജീവിതം കളറാവും, സമ്പത്ത് നിറയും!
Click it and Unblock the Notifications
Sign in with Google