എന്സിപിയിലേക്ക് ക്ഷണിച്ച പിസി ചാക്കോയ്ക്ക് ചുട്ട മറുപടിയുമായി ശശി തരൂര്; ഞാന് പോകുന്നുണ്ടങ്കിലല്ലേ...
തിരുവനന്തപുരം: കോണ്ഗ്രസില് ശശി തരൂര് ആണ് നിറഞ്ഞ ചര്ച്ച. ദേശീയ അധ്യക്ഷ പദവിയിലേക്ക് നടന്ന തിരഞ്ഞെടുപ്പില് മല്സരിച്ചതു മുതല് തരൂര് ഒരു വിഭാഗം നേതാക്കള്ക്ക് അനഭിമതനാണ്. എന്നാല് പ്രവര്ത്തകര്ക്കിടയില് അദ്ദേഹത്തിന് പിന്തുണ കൂടി എന്ന് കഴിഞ്ഞ ദിവസങ്ങളിലെ പുതിയ മാറ്റങ്ങള് സൂചിപ്പിക്കുകയും ചെയ്യുന്നു. മലബാര് പര്യടനവും ശേഷം കോട്ടയം, പത്തനംതിട്ട ജില്ലകളിലെ സന്ദര്ശനവുമെല്ലാം ശശി തരൂര് ചില ലക്ഷ്യത്തോടെയാണ് നടത്തുന്നത് എന്നാണ് വിമര്ശനം.
വിഴിഞ്ഞം പദ്ധതിയുമായി ബന്ധപ്പെട്ടും തരൂര് വ്യത്യസ്തമായ അഭിപ്രായമാണ് പ്രകടിപ്പിച്ചത്. അതിനിടെയാണ് അദ്ദേഹത്തെ എന്സിപി സംസ്ഥാന അധ്യക്ഷന് പിസി ചാക്കോ പാര്ട്ടിയിലേക്ക് സ്വാഗതം ചെയ്തത്. ഇതിന് മുറുപടിയുമായി രംഗത്തുവന്നിരിക്കുകയാണ് ശശി തരൂര്. വിശദാംശങ്ങള് ഇങ്ങനെ...
ശശി തരൂര് എന്സിപിയിലേക്ക് വന്നാല് രണ്ടു കൈയ്യും നീട്ടി സ്വീകരിക്കുമെന്നാണ് കഴിഞ്ഞ ദിവസം പിസി ചാക്കോ പറഞ്ഞത്. ശശി തരൂരിനെതിരെ കോണ്ഗ്രസില് ഒരു വിഭാഗം പ്രവര്ത്തിക്കുന്നുവെന്ന ആരോപണങ്ങള്ക്കിടെയാണ് അദ്ദേഹത്തിന്റെ പ്രതികരണം. ശശി തരൂരിനെ മനസിലാക്കാത്ത ഏക പാര്ട്ടി കോണ്ഗ്രസ് ആണെന്നും പിസി ചാക്കോ വിമര്ശിച്ചിരുന്നു.
മുതിര്ന്ന കോണ്ഗ്രസ് നേതാവായിരുന്നു പിസി ചാക്കോ. കഴിഞ്ഞ വര്ഷമാണ് അദ്ദേഹം രാജിവച്ചതും എന്സിപിയില് ചേര്ന്നതും. കേരളത്തിലെ നേതാക്കള്ക്കിടയിലെ ഗ്രൂപ്പിസം ചൂണ്ടിക്കാട്ടിയായിരുന്നു പിസി ചാക്കോ കോണ്ഗ്രസ് വിട്ടത്. ബിജെപിയിലേക്ക് പോകില്ലെന്നും അദ്ദേഹം പ്രഖ്യാപിച്ചിരുന്നു. പിന്നീട് ശരദ് പവാറുമായി ചര്ച്ച നടത്തി എന്സിപിയില് ചേര്ന്നു.
കോണ്ഗ്രസിന്റെ പ്രധാന നേതാക്കള് എന്സിപിയില് ചേരുമെന്ന് അടുത്തിടെ പിസി ചാക്കോ പറഞ്ഞിരുന്നു. കോഴിക്കോട്ടെ മുതിര്ന്ന നേതാവ് എന്സിപിയില് ചേരുകയും ചെയ്തു. ഇനിയും കൂടുതല് നേതാക്കള് കോണ്ഗ്രസ് വിടുമെന്നും ചാക്കോ അവകാശപ്പെട്ടിരുന്നു. ഇപ്പോള് അദ്ദേഹം ശശി തരൂരിനെ സ്വാഗതം ചെയ്യാന് തയ്യാറാണെന്ന് പ്രതികരിക്കുകയും ചെയ്തു.
തരൂര് എന്സിപിയിലേക്ക് വന്നാല് രണ്ടു കൈയ്യും നീട്ടി സ്വീകരിക്കും. ബിജെപിയെ നേരിടാന് കഴിയുന്ന കോണ്ഗ്രസിലെ ഏക നേതാവാണ് അദ്ദേഹം. ഇത് കോണ്ഗ്രസ് മനസിലാക്കിയിട്ടില്ല. അസൂയ കാരണമാണോ തരൂരിനെ കോണ്ഗ്രസ് നേതാക്കള് എതിര്ക്കുന്നത് എന്നറിയില്ല. വിഴിഞ്ഞം വിഷയത്തില് തരൂര് സ്വീകരിച്ചത് പക്വതയുള്ള നയമാണെന്നും പിസി ചാക്കോ പറഞ്ഞു. ഇതിനോടാണ് തരൂര് ഇപ്പോള് പ്രതികരിച്ചിരിക്കുന്നത്.
എന്സിപിയിലേക്ക് ഞാന് പോകുന്നില്ല. പോകുന്നുണ്ടെങ്കില് അല്ലേ സ്വാഗതം ചെയ്യേണ്ടത്. അത്തരം വിഷയങ്ങള് പിസി ചാക്കോയുമായി ചര്ച്ച ചെയ്തിട്ടില്ല. അദ്ദേഹം കോണ്ഗ്രസിലായിരുന്നപ്പോള് അടുത്ത സുഹൃത്തായിരുന്നു. ഞങ്ങള് എംപിമാരായി ഒരുമിച്ച് പ്രവര്ത്തിച്ചവരാണ്. എനിക്ക് അദ്ദേഹത്തോട് ഇഷ്ടവും ബഹുമാനവുമുണ്ട്. മാധ്യമങ്ങള് വഴിയാണ് സ്വാഗതം ചെയ്തത്. എന്നോട് ഒന്നും പറഞ്ഞിട്ടില്ലെന്നും ശശി തരൂര് പറഞ്ഞു.
വിഴിഞ്ഞം വിഷയത്തില് സമവായത്തിന്റെ പാത എല്ലാവരും സ്വീകരിക്കണമെന്ന് ശശി തരൂര് പറഞ്ഞു. ക്രൈസ്തവ സഭാ നേതാക്കളുമായി വിഷയം സംസാരിച്ചുവെന്നും അദ്ദേഹം അറിയിച്ചു. മല്സ്യത്തൊഴിലാളികളുടെ ന്യായമായ എല്ലാ ആവശ്യങ്ങളും അംഗീകരിക്കണം. പദ്ധതി വേണ്ട എന്ന് മാത്രം അവര് പറയരുത്. അവര്ക്ക് വേണ്ട നഷ്ടപരിഹാരം നല്കാന് സര്ക്കാര് തയ്യാറാകണമെന്നും ശശി തരൂര് പറഞ്ഞു.
വികസനം ജനങ്ങള്ക്ക് വേണ്ടിയാണ്. ആരെയും കുറ്റപ്പെടുത്തി സംസാരിക്കുന്നില്ല. വിഴിഞ്ഞം തുറമുഖം വന്നാല് ഭാരതത്തിനും ദക്ഷിണ ഭാരതത്തിനും ഗുണം ചെയ്യും. പ്രാദേശികമായി വലിയ മാറ്റങ്ങള് വരും. ഇതൊക്കെയാണ് നമ്മുടെ വിശ്വാസം. ജനങ്ങളെ ചേര്ത്ത് പിടിച്ചുള്ള വികസനമാണ് നാടിന് ആവശ്യം. സമരക്കാര്ക്കെതിരെ മുഖ്യമന്ത്രി പറഞ്ഞതിനോട് പ്രതികരിക്കാനില്ലെന്നും ശശി തരൂര് പറഞ്ഞു.
-
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ
Click it and Unblock the Notifications
Sign in with Google