Click it and Unblock the Notifications
Just In
Don't Miss
-
ഇതൊക്കെ ഒരു ഗെയ്മല്ലേ; ശ്രീതുവിനെ കാണാന് നല്ല ഭംഗിയല്ലേ...; അര്ജുന്റെ അമ്മ പറയുന്നു -
7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക് -
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
കണ്ണൂരില്‍ കൊല്ലപ്പെട്ട ഷുഹൈബിന്റെ കുടുംബത്തിന് 50 ലക്ഷത്തിലധികം നല്‍കാന്‍ കോണ്‍ഗ്രസ്
കണ്ണൂര്‍: കണ്ണൂരില്‍ സിപിഎം പ്രവര്‍ത്തകരാല്‍ കൊല്ലപ്പെട്ട യൂത്ത് കോണ്‍ഗ്രസ് നേതാവ് ഷുഹൈബിന്റെ കുടുംബത്തിന് കോണ്‍ഗ്രസ് 50 ലക്ഷത്തിലധം രൂപ ധനസഹായം നല്‍കാന്‍ ഒരുങ്ങുന്നു. രണ്ടുദിവസംകൊണ്ട് 43 ലക്ഷത്തിലധികം രൂപ കണ്ണൂരില്‍നിന്നുമാത്രം കോണ്‍ഗ്രസ് സമാഹരിച്ചുകഴിഞ്ഞു. മറ്റു ജില്ലകളില്‍നിന്നുകൂടി സഹായം എത്തുന്നതോടെ നല്ലൊരു തുക ഷുഹൈബിന്റെ കുടുംബത്തിന് നല്‍കാന്‍ കോണ്‍ഗ്രസിന് കഴിഞ്ഞേക്കും.
മുന്‍മുഖ്യമന്ത്രി ഉമ്മന്‍ചാണ്ടിയും കെപിസിസി പ്രസിഡന്റ് എംഎം ഹസനും മുന്‍ പ്രസിഡന്റ് വിഎം സുധീരനും ഉള്‍പ്പെടെയുള്ള നേതാക്കള്‍ കണ്ണൂരിലെത്തിയപ്പോള്‍ ഫണ്ട് പിരിവിന് നേതൃത്വം നല്‍കിയിരുന്നു. നേതാക്കള്‍ തന്നെ ഫണ്ട് പിരിവിന് ഇറങ്ങിയപ്പോള്‍ നല്ലൊരുതുക പലരും സംഭാവനയായി നല്‍കുകയും ചെയ്തു.
ഷുഹൈബ് കൊലക്കേസില്‍ പ്രതിയായ ആകാശിന്റെ അച്ഛനും സി.പി.എം. പ്രാദേശിക നേതാവുമായ വന്ന്യേരി രവീന്ദ്രനും ഫണ്ടിലേക്ക് സംഭാവന നല്‍കിയിരുന്നു. തന്റെ നാട്ടില്‍ ബക്കറ്റ് പിരിവിനെത്തിയപ്പോള്‍ നൂറുരൂപയാണ് രവീന്ദ്രന്‍ നല്‍കിയത്. ഇത് മാധ്യമങ്ങളില്‍ വാര്‍ത്തയാവുകയും ചെയ്തു. മകന്‍ കേസില്‍ ഉള്‍പ്പെട്ടിട്ടില്ലെന്നാണ് രവീന്ദ്രന്റെ നിലപാട്.
ഷുഹൈബിന്റെ കുടുംബത്തിനായി പിരിച്ചെടുക്കുന്ന തുകയില്‍ 25 ലക്ഷം രൂപ ഷുഹൈബ് സംരക്ഷിക്കാന്‍ ആഗ്രഹിച്ച കുടുംബത്തിന് നല്‍കും. 25 ലക്ഷം രൂപയാണ് ഉമ്മന്‍ചാണ്ടി ആ കുടുംബത്തിന് വാഗ്ദാനം ചെയ്തത്. ഷുഹൈബിന്റെ പേരിലുണ്ടാക്കുന്ന ട്രസ്റ്റില്‍ പണം നിക്ഷേപിക്കുമെന്നാണ് ഉമ്മന്‍ചാണ്ടി അറിയിച്ചിരിക്കുന്നത്. ഗള്‍ഫിലുള്ള കോണ്‍ഗ്രസ് അനുകൂല സംഘടനയും നല്ലൊരു തുക സംഭാവനയായി നല്‍കുമെന്നാണ് പ്രതീക്ഷ.
