മാഹിയിലെ കൊലപാതകം: ഉന്നതതലവും സമഗ്രവുമായ അന്വേഷണം നടത്തണം: കോൺഗ്രസ്സ്
മാഹി: കഴിഞ്ഞ ദിവസം മാഹിയിലും പരിസര പ്രദേശമായ ന്യൂമാഹിയിലും നടന്ന രണ്ടു കൊലപാതകങ്ങളെക്കുറിച്ച് ഉന്നതതലത്തിലുള്ള പോലീസ് അധികാരികളുടെ നേതൃത്വത്തിൽ സമഗ്രവും നീതിയുക്തവുമായ അന്വേഷണം നടത്തണമെന്ന് മാഹി ബ്ലോക്ക് കോൺഗ്രസ്സ് ഭാരവാഹികൾ മാഹിയിലെത്തിയ കേരള ഡി.ജി.പി. ലോക് നാഥ് ബെഹ്റ, പുതുച്ചേരി ഡി.ജി.പി.സുനിൽകുമാർ ഗൗതം, എസ്.എസ്.പി.അപൂർവ്വ ഗുപ്ത എന്നിവരെ നേരിൽ കണ്ട് ആവശ്യപ്പെട്ടും. എക്കാലവും സമാധാനം നിലനിന്നിരുന്ന മാഹിയിൽ മാസങ്ങൾക്കു മുന്നേ സി.പി.എം.-ബി.ജെ.പി. അക്രമങ്ങൾ അരങ്ങേറിയിരുന്നും പിന്നീട് ഇരുകൂട്ടരും സ്വയം സമാധനം ഏറ്റെടുത്ത് സംയുക്ത വാർത്താ സമ്മേളനം നടത്തുകയുണ്ടായിരുന്നും.
എന്നാൽ വീണ്ടും മാഹിയെ യുദ്ധകളമാക്കുന്ന സമീപനമാണ് ഇവർ സ്വീകരിച്ചിരിക്കുന്നത്. കൊലപാതകങ്ങളെക്കുറിച്ചും അക്രമങ്ങളെക്കുറിച്ചും സമഗ്രമായ അന്വേഷണം നടത്തി യഥാർത്ഥ പ്രതികളെ നിയമത്തിനു മുന്നിൽ കൊണ്ടുവരണം.
വിവിധ പ്രദേശങ്ങളിലായി നടന്ന അക്രമങ്ങളിൽ പ്രത്യേകം പ്രത്യേകമായി കേസ് രജിസ്ട്രർ ചെയ്ത് അന്വേഷണം നടത്തണമെന്ന് മാഹി ബ്ലോക്ക് പ്രസിഡണ്ട് രമേഷ് പറമ്പത്ത്, സത്യൻ കേളോത്ത്, കെ.മോഹനൻ, കെ.പി.ബഷീർ ഹാജി, അൻസിൽ അരവിന്ദ്, കെ.വി.ഹരീന്ദ്രൻ എന്നിവർ ആവശ്യപ്പെട്ടും.