മന്ത്രി കെ.സി ജോസഫിനെതിരെ കോടതി അലക്ഷ്യത്തിന് നടപടി
കൊച്ചി: മന്ത്രി കെ.സി ജോസഫിനെതിരെ കോടതി അലക്ഷ്യത്തിന് നടപടി എടുക്കാന് ഹൈക്കോടതി ഡിവിഷന് ബെഞ്ചിന്റെ ഉത്തരവ്.
ജസ്റ്റിസ് അലക്സാണ്ടര് തോമസിനെത്തിരെ അപകീര്ത്തികരമായ പരാമര്ശം നടത്തിയതിന് നടപടി ആവശ്യപ്പെട്ട് ശിവന്കുട്ടി എംഎല്എ നല്കിയ ഹര്ജിയിലാണ് ജസ്റ്റിസ് രാധാകൃഷ്ണന്, ജസ്റ്റിസ് സുനില് തോമസ് എന്നിവരുടെ ഡിവിഷന് ബെഞ്ച് നടപടിക്ക് ഉത്തരവിട്ടത്.
' ചായത്തൊട്ടിയില് വീണ് രാജാവായ കുറുക്കന് ഓരിയിട്ടാല് കുറ്റപ്പെടുത്താന് കഴിയുമോ' എന്നായിരുന്നു കെ.സി ജോസഫ് ജസ്റ്റിസ് അലക്സാണ്ടര് തോമസിനെ വിമര്ശിച്ച് ഫേസ്ബുക്കില് പോസ്റ്റിട്ടത്.
ബാര് ഉടമകള്ക്ക് വേണ്ടി ഹാജരായ ജസ്റ്റിസ് അലക്സാണ്ടര് അന്ന് മുഖ്യമന്ത്രിയെ വിമര്ശിച്ചതാണ് കെ.സി ജോസഫ് ഇത്തരത്തില് പരാമര്ശിക്കാന് കാരണം. മുഖ്യമന്ത്രിയ്ക്ക് ബന്ധമില്ലാത്ത കേസില് മുഖ്യമന്ത്രിയെ വലിച്ചിഴച്ച് വിമര്ശിക്കാന് ജഡ്ജിക്ക് എന്താണ് അവകാശം എന്നും പോസ്റ്റില് പറഞ്ഞിരുന്നു.