Click it and Unblock the Notifications
Just In
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
പണംതട്ടിപ്പ്: സോണിയ ഗാന്ധിക്കെതിരെ കേസ് കൊടുത്ത ആ മലയാളി കോണ്‍ട്രാക്ടര്‍ ആര്?
തിരുവനന്തപുരം: കോണ്‍ഗ്രസ് അധ്യക്ഷ സോണിയാ ഗാന്ധിക്കെതിരെ മലയാളി കോണ്‍ട്രാക്ടര്‍ പോലീസിനെ സമീപിച്ചു. രാജീവ് ഗാന്ധി ഇന്‍സ്റ്റിറ്റ്യൂട്ട് ഓഫ് ഡെവലപ്‌മെന്റ് സ്റ്റഡീസിന്റെ കെട്ടിടം നിര്‍മിച്ച കോണ്‍ട്രാക്ടറാണ് പരാതിക്കാരന്‍. സോണിയാ ഗാന്ധിക്ക് പുറമേ, കോണ്‍ഗ്രസ് പാര്‍ട്ടിയുടെ കേരളത്തിലെ നേതാക്കളായ രമേശ് ചെന്നിത്തല, മുന്‍ മുഖ്യമന്ത്രി ഉമ്മന്‍ ചാണ്ടി, കെ പി സി സി പ്രസിഡണ്ട് വി എം സുധീരന്‍ എന്നിവര്‍ക്കെതിരെയും പരാതിയുണ്ട്.
തിരുവനന്തപുരത്ത് രാജീവ് ഗാന്ധി ഇന്‍സ്റ്റിറ്റ്യൂട്ട് ഓഫ് ഡെവലപ്‌മെന്റ് സ്റ്റഡീസിന്റെ കെട്ടിടം നിര്‍മിച്ചതിന്റെ പ്രതിഫലത്തുക നല്‍കിയിട്ടില്ല എന്നാണ് പരാതി. 2005 ഒക്ടോബറില്‍ സോണിയാ ഗാന്ധി വന്നാണ് ഇന്‍സ്റ്റിറ്റ്യൂട്ട് ഉദ്ഘാടനം ചെയ്തത്. തുക കിട്ടാത്തതിന്‍ കോണ്‍ട്രാക്ടര്‍ പാര്‍ട്ടിക്കെതിരെ വക്കീല്‍ നോട്ടീസ് അയച്ചിരുന്നു. ഇതിന് പിന്നാലെ, മുഴുവന്‍ തുകയും നല്‍കി കേസൊതുക്കാന്‍ സോണിയാ ഗാന്ധി കേരള നേതാക്കളോട് ആവശ്യപ്പെട്ടിരുന്നത്രെ.
എന്നാല്‍ തങ്ങള്‍ക്ക് ഒരു തുകയും കിട്ടിയിട്ടില്ല എന്നാണ് പ്രതിനിധി ഹെദര്‍ കണ്‍സ്ട്രക്ഷന്‍സിന്റെ മാനേജിങ് പാര്‍ട്ണറായ രാജീവ് പറയുന്നത്. ഇതുകൊണ്ടാണ് പോലീസില്‍ പരാതി നല്‍കേണ്ടി വന്നത്. കേരളത്തിലെ കോണ്‍ഗ്രസ് നേതാക്കള്‍ക്കിടയിലെ അഭിപ്രായ വ്യത്യാസം കൊണ്ടാണ് ബില്‍ പാസാക്കാതിരുന്നത് എന്നാണ് പാര്‍ട്ടി പ്രവര്‍ത്തകര്‍ക്കിടയിലെ സംസാരം.
രാജീവ് ഗാന്ധി ഇന്‍സ്റ്റിറ്റ്യൂട്ട് ഓഫ് ഡെവലപ്‌മെന്റ് സ്റ്റഡീസ് ചെയര്‍മാനും മുന്‍ കെ പി സി സി അധ്യക്ഷനുമായ രമേശ് ചെന്നിത്തലയാണ് പണം പാസാക്കേണ്ടിയിരുന്നത്. എന്നാല്‍ അതുണ്ടായില്ല. ഇപ്പോള്‍ പാര്‍ട്ടിയുടെ കയ്യില്‍ പണമില്ലെന്നാണത്രെ ഇപ്പോഴത്തെ കെ പി സി സി പ്രസിഡണ്ടിന്റെ നിലപാട്. മാത്രമല്ല, രാജീവ് ഗാന്ധി ഇന്‍സ്റ്റിറ്റ്യൂട്ട് ഓഫ് ഡെവലപ്‌മെന്റ് സ്റ്റഡീസിന്റെ നിലനില്‍പിനെ പറ്റിയും ചോദ്യങ്ങള്‍ ഉയരുന്നുണ്ട്. ന്യൂസ് 18നാണ് സംഭവം റിപ്പോര്‍ട്ട് ചെയ്തിരിക്കുന്നത്.
