കൊറോണ കാലത്തും താരമായി കേരള പോലീസ്; ട്രോളുകളുമായി പുത്തന് ബോധവത്കരണം, വ്യാജവാര്ത്തക്കെതിരെ നടപടി
തിരുവനന്തപുരം: കുറ്റാന്വേഷണ മികവിന്റെ കാര്യത്തില് രാജ്യത്തെ ഏത് ഏജന്സികളോടും കിടപിടിക്കുന്നവരാണ് കേരള പോലീസ്. കൂടത്തായി കേസ് മുതലിങ്ങോട്ട് നോക്കിയാല് അക്കാര്യത്തില് ആര്ക്കും തര്ക്കം കാണില്ല. എന്നാല് കേസ് അന്വേഷണം മാത്രമല്ല തങ്ങളുടെ പണിയെന്ന് കേരള പോലീസിന് കൃത്യമായി അറിയാം.
ഡിജിറ്റല് രംഗത്ത്, കേരള പോലീസിന്റെ സോഷ്യല് മീഡിയ സെല്ലിന്റെ ഇടപെടലുകള് നേരത്തേ തന്നെ ദേശീയ ശ്രദ്ധ പിടിച്ചുപറ്റിയിട്ടുണ്ട്. ഇപ്പോള് കൊറോണ വൈറസ് പടര്ന്നു പിടിക്കുന്ന സാഹചര്യത്തിലും കേരള പോലീസിന്റെ സോഷ്യല് മീഡിയ സെല് അവരുടെ പ്രവര്ത്തനങ്ങളുടെ പേരില് ശ്രദ്ധ നേടുകയാണ്.
കൊറോണ വൈറസ് വ്യാപനത്തിനിടെ വ്യാജവാര്ത്തകള് പ്രചരിപ്പിക്കുന്ന ഒരു വിഭാഗം ഇപ്പോഴും ഉണ്ട്. അത്തരക്കാര്ക്കെതിരെ കര്ശന നടപടിയാണ് സൈബര് പോലീസ് സ്വീകരിച്ചുകൊണ്ടിരിക്കുന്നത്. വ്യാജപ്രചാരണം നടത്തിയ മൂന്ന് പേരെ അറസ്റ്റ് ചെയ്യുകയും ചെയ്തിട്ടുണ്ട്, ഇതുവരെ. വ്യാജ വിവരങ്ങള് പരത്തുന്നവരെ സസൂക്ഷ്മം നിരീക്ഷിക്കുന്നും ഉണ്ട്.
ഇത് കൂടാതെ കൊറോണ ബാധവത്കരണത്തിലും നിസ്തുലമായ പങ്കാണ് കേരള പോലീസ് വഹിക്കുന്നത്. തെറ്റായ വാര്ത്തകള് പ്രചരിപ്പിക്കുന്നത് സംബന്ധിച്ച വിവരങ്ങള് ആരോഗ്യവകുപ്പിനേയോ പോലീസിനേയോ അറിയിക്കണം എന്നാണ് ജനങ്ങള്ക്ക് നല്കിയിട്ടുള്ള സന്ദേശം.
ഏറ്റവും അധികം സോഷ്യല് മീഡിയ ഉപയോക്താക്കളുള്ള സംസ്ഥാനമാണ് കേരളം. അതുകൊണ്ട് തന്നെ ട്രോളുകള്ക്കും ട്രോള് വീഡിയോകള്ക്കും വലിയ സ്വീകാര്യതയും ഉണ്ട്. ഈ സാധ്യതയും കേരള പോലീസിന്റെ സോഷ്യല് മീഡിയ സെല് ഫലപ്രദമായി ഉപയോഗപ്പെടുത്തിക്കൊണ്ടിരിക്കുകയാണ്.
രാജമാണിക്യം സ്റ്റൈലില് കേരള പോലീസ് പുറത്തിറക്കിയ ബോധവത്കരണ വീഡിയോ ഇപ്പോള് തന്നെ വൈറല് ആയിക്കഴിഞ്ഞു. മമ്മൂട്ടിയേയും മോഹന്ലാലിനേയും കൂടാതെ തെന്നിന്ത്യന് താരങ്ങളായ രജനികാന്തിനേയും വിജയിയേയും വരെ ഉള്പ്പെടുത്തിക്കൊണ്ടാണ് കൊറോണ വൈറസ് ബോധവത്കരണത്തിനായുള്ള ഈ ട്രോള് വീഡിയോ കേരള പോലീസ് സോഷ്യല് മീഡിയ സെല് നിര്മിച്ചിരിക്കുന്നത്. പലസിനിമകളില് നിന്നുള്ള ഇവരുടെ രംഗങ്ങള് അവരുടെ ശബ്ദത്തില് ഡബ്ബ് ചെയ്തുകൊണ്ടാണ് ഈ വീഡിയോ. കൊറോണയെ പ്രതിരോധിക്കാന് എന്തൊക്കെ ചെയ്യണം എന്നാണ് തമാശ രൂപേണ അവതരിപ്പിച്ചിരിക്കുന്നത്.
പ്രേം നസീറിന്റെ ശബ്ദത്തില് മറ്റൊരു ട്രോള് വീഡിയോയും പുറത്തിറക്കിയിട്ടുണ്ട്. സ്പര്ശനങ്ങള് ഒഴിവാക്കുന്നതിന്റെ പ്രധാന്യത്തെ കുറിച്ചാണ് നര്മത്തില് ചാലിച്ച് ഈ വീഡിയോ ജനങ്ങളോട് പറയുന്നത്.
എന്തായാലും രണ്ട് വീഡിയോകളും പോസ്റ്റ് ചെയ്ത് മണിക്കൂറുകള്ക്കകം വൈറല് ആയിമാറി. ഇത് കൂടാതെ ബോധവത്കരണ ട്രോളുകളും വ്യാജ വാര്ത്തകളെ കുറിച്ചുള്ള മുന്നറിയിപ്പുകളും സുരക്ഷാ നിര്ദ്ദേശങ്ങളും എല്ലാം കേരള പോലീസ് സോഷ്യല് മീഡിയയിലൂടെ നല്കുന്നുണ്ട്. ഇതിനെല്ലാം വലിയ സ്വീകാര്യതയാണ് ലഭിച്ചുകൊണ്ടിരിക്കുന്നത്. ആയിരക്കണക്കിന് ആളുകള് ഇവ ഷെയര് ചെയ്യുന്നുമുണ്ട്.
എഡിജിപി മനോജ് എബ്രഹാമിന്റെ നേതൃത്വത്തിലാണ് കേരള പോലീസിന്റെ സോഷ്യല് മീഡിയ സെല് പ്രവര്ത്തിക്കുന്നത്. ട്രോളുകളിലൂടേയും ഉരുളയ്ക്കുപ്പേരി കണക്കുള്ള മറുപടികളിലൂടേയും കഴിഞ്ഞ കുറേ നാളുകളായി കേരള പോലീസിന്റെ ഈ സോഷ്യല് മീഡിയ സെല് സാമൂഹ്യ മാധ്യമങ്ങളില് നിറഞ്ഞുനില്ക്കുകയാണ്. ഫേസ്ബുക്കില് ഏറ്റവും അധികം ഫോളോവേഴ്സ് ഉള്ള പോലീസ് സേനയും കേരള പോലീസ് തന്നെയാണ്. 13 ലക്ഷം ഫോളോവേഴ്സ് ഉണ്ട് കേരള പോലീസിന്. കൂടാതെ ടിക്-ടോക്, ഷെയര് ചെറ്റ്, ട്വിറ്റര്, യുട്യൂബ് എന്നിവയിലായി 25 ലക്ഷത്തോളം ഫോളോവേഴ്സ് വേറേയും ഉണ്ട്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google