Click it and Unblock the Notifications
Just In
Don't Miss
-
റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം -
സര്പ്പശാപം തീര്ക്കാനെത്തുന്ന ഭക്തര്, നിഗൂഢത നിറഞ്ഞ കുക്കെ സുബ്രഹ്മണ്യ സ്വാമി ക്ഷേത്രം -
ഭാര്യയുടെ സഹോദരൻ ഇന്നും എന്നെ കുറ്റക്കാരനായി കാണുന്നു; ദേവയാനിയുമായും സംസാരമില്ല; നകുലിനെക്കുറിച്ച് രാജകുമാരൻ -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
'ബീവറേജസ് ഔട്ട്‌ലെറ്റുകള്‍ പൂട്ടണം, പരീക്ഷ റദ്ദ് ചെയ്യണം'; മുഖ്യമന്ത്രിക്ക് ഉമ്മന്‍ചാണ്ടിയുടെ കത്ത്
തിരുവനന്തപും: സംസ്ഥാനത്ത് കൊറോണ വൈറസ് പടര്‍ന്നു പിടിക്കുന്ന സാഹചര്യത്തില്‍ സംസ്ഥാന സര്‍ക്കാരും ആരോഗ്യവകുപ്പും കര്‍ശന നിര്‍ദേശങ്ങളും മുന്‍കരുതല്‍ നടപടികളുമാണ് സ്വീകരിക്കുന്നത്. ഇതോടൊപ്പം കേരളത്തിലെ ബീവറേജ് ഔട്ട്‌ലെറ്റുകള്‍ പൂട്ടണമെന്നതുള്‍പ്പെടെയുള്ള ആവശ്യങ്ങള്‍ ഉയര്‍ത്തി മുതിര്‍ന്ന കോണ്‍ഗ്രസ് നേതാവ് ഉമ്മന്‍ചാണ്ടി രംഗത്തെത്തി. ബീവറേജസ് ഔട്ടലെറ്റുകള്‍ പൂട്ടുന്നതുള്‍പ്പെടെ ഏഴ് ആവശ്യങ്ങളാണ് മുഖ്യമന്ത്രി ഉയര്‍ത്തിയത്. ഇത് സംബന്ധിച്ച് പിണറായി വിജയന് കത്തയച്ചു.
കോറോണ വൈറസ് രോഗത്തെ തുടര്‍ന്ന് സാമ്പത്തിക മേഖല തകര്‍ന്നിരിക്കുകയാണെന്നും തൊഴില്‍ നഷ്ടം, വ്യാപാര രംഗത്തെ മാന്ദ്യം, കാര്‍ഷിക വില്‍പ്പനയുടെ വിലയിടിവ്, തുടങ്ങിയ സാഹചര്യത്തില്‍ ബാങ്കുകളിലേയും സഹകരണം സ്ഥാപനങ്ങളിലേയും കടങ്ങള്‍ക്ക് ഒരു വര്‍ഷത്തേക്ക് മൊറട്ടോറിയം നല്‍കണം, ബാങ്കുകളുടെ അടിയന്തിര യോഗം വിളിച്ച് ജപ്തി നടപടികള്‍ നിര്‍ത്തിവെക്കാന്‍ നിര്‍ദേശം നല്‍കണമെന്നും കത്തില്‍ ആവശ്യപ്പെടുന്നു.
കൊറോണ രോഗവുമായി ബന്ധപ്പെട്ട് നിരവധി പേരാണ് വിവിധ ജില്ലകളിലായി ഐസൊലേഷനില്‍ കഴിയുന്നത്. ഇത്തരത്തില്‍ വീടുകളിലും ആശുപത്രികളിയും നിര്‍ദേശത്തില്‍ കഴിയുന്നവര്‍ക്ക് സാമ്പത്തിക സഹായം നല്‍കുന്നതിന് ആവശ്യമായ നിര്‍ദേശങ്ങള്‍ ജില്ലാ കളക്ടര്‍ക്ക് നല്‍കണം. ക്ഷേമ പെന്‍ഷനുകളും സാമൂഹ്യ ക്ഷേമ പെന്‍ഷനുകളും കുടിശ്ശിക സഹിതം അടിയന്തിരമായി വിതരണം ചെയ്യണമെന്നും കത്തില്‍ ആവശ്യപ്പെടുന്നു.
തൊഴിലുറപ്പ് തൊഴിലാളികള്‍ക്കും കൈത്തറി തൊഴിലാളികള്‍ക്കും കൊടുക്കേണ്ട കുടിശിക നല്‍കുക, സമൂഹത്തിലെ മറ്റ് ദുര്‍ബല വിഭാഗങ്ങള്‍ക്ക് സര്‍ക്കാര്‍ കൊടുത്തു തീര്‍ക്കാന്‍ ബാധ്യതയുള്ള ഫണ്ടുകള്‍ കുടിശ്ശിക സഹിതം കൊടുത്ത് തീര്‍ക്കുക, തുടങ്ങിയ വടപടികള്‍ സ്വീകരിച്ചാല്‍ സാമ്പത്തിക മരവിപ്പ് ഒരു പരിധിവരെ കൊടുത്ത് തീര്‍ക്കാന്‍ സാധിക്കും.
സംസ്ഥാനത്തെ അങ്കണവാടി മുതല്‍ ഏഴാം ക്ലാസ് വരെയുള്ള എല്ലാ പരീക്ഷകളും റദ്ദ് ചെയ്തിരുന്നു. ഒപ്പം എട്ട്, ഒമ്പത് ക്ലാസുകളില്‍ മാര്‍ച്ച് 20,27,30 തിയ്യതികളിലെ പരീക്ഷകള്‍ മാറ്റി വെക്കുകയും ചെയ്തിരുന്നു. എന്നാല്‍ മാറ്റി വെച്ച പരീക്ഷകള്‍ റദ്ദ് ചെയ്യണമെന്ന ആവശ്യവും കത്തില്‍ ഉയര്‍ത്തി.
ഇറാനില്‍ കുടുങ്ങി കിടക്കുന്ന മത്സ്യതൊഴിലാളികള്‍ ഉള്‍പ്പെടെ വിദേശരാജ്യങ്ങളില്‍ കുടുങ്ങികിടക്കുന്ന എല്ലാവരേയും തിരിച്ച് കൊണ്ടുവരുന്നതിന് കേന്ദ്രസര്‍ക്കാരിനോട് ആവശ്യപ്പെട്ട് വേണ്ട നടപടികള്‍ സ്വീകരിക്കണമെന്നും കത്തില്‍ ആവശ്യപ്പെടുന്നു.
